ديرت البخت

† البارت 8 †

للكاتبة: زهراء الموسوي.

يالگصيرة
ترستي العين
غيرج ماوصل جفني
وين الله واعيش هواي
اشوف وياج يمشي ابني
يا ام بيتي
يالگصيره يتربيتي
احبج لله ولنيتي
اسد عيوني واتراهن..
من عطرج اعرفنج يلگصيره اذا جيتي

…………………………………

رمح … اغادير لو حتجتي شي تعاليلي
وطلبي لا يردج لسانج.

اغادير وهية ميته خجل … مشكورة يشيخ
عساك سالم.

رمح … احمم اودعناكم.

راح رمح وغديرة نامت نيوم وهية موش
مصدگة شلون حاجاها وديلارا تضحك وتصفگ.

ديلارا … اني اشوف اكو امل بعيونة.

اغادير … خايبه عود صدج هذا هيج يحاجيني
غمزلي لوووو انه متوهمة.

ديلارا وهية طگ اصبع… ههههههههههه
وهزز يالگمر شعر شعر. 

اغادير … ههههههههه خايبه سكتي لا تتحجين
لا يگصبوني كومي كومي خلني اردن لهلي.

ديلارا … وياج اروح.

اغادير … روحي لبيتكم شعندج حذاي.

ديلارا … هاي شبيج يا عيني غير وياج
بالحلوة والمرة.

اغادير … فلك طرج كون منين تعلمتي
هالحجي.

ديلارا … ترا راح نقبط سنه على استقرارنة
هناية.

رحنة لبيتهم بالاول امها ضلت تحجي اسمعها
مراضية لان تطلع هواي وظهر وشمس ومعرف
شنو بالگوة قنعتهة وانه هم قنعتهة واجت وياي
لبيت اهلي نمنه بغرفه امي من لتعب انه وياها.

______________

دحام … شعندك وية بت جبار يخوي.

رمح … ماعندي شي.

دحام … لجن وگفتك وياها وتحج وبصف
لديوان شتشوفها مقبولة لو طلع او مر وحيد
راح يسكت لو يطش لخبر.

رمح … جانت تريد اخوها وصرفتهة.

دحام … سمعتك تتحجه بسالفه سمج موش
مافهم انه ترانك اخوي واحسن بيك واعرفنك
وكلبك هاويهة وباين عليك بدون ماتنكر.

رمح … دومك كاشفني وعارفني.

دحام … لعشگ موش عيب يبن ابوي لجن
دير بالك تدنة نفسك لو تعمل شي يغضب
ربك ويدنس روسنة.