ديرت البخت

† البارت 7 †

للكاتبه: زهراء الموسوي.

على رموشك كحل ، من حزن ودموع

او على وركة خريفي افراح نديّت

ياعين التشيلك يا شمس آب

اشيلنّك جمر لو الك صديّت

فداك الراح كله ، او انذر الجاي

او عمت عينه اليكلك يوم ضحيّت

يا آخر ملاذ ابشحة الطيب

……………………………………

دحام ... لتهيت بالطلابه وكلبي محترگ
على عمي ومسلحين واشوفلك بنيه
لا وعلي ماتنعد من نسوانه عليهة جمال
فلك طرها ماشايفه عند وحيدة وتبجي
والوجه احمر ولخشم منحوت ومحومر
مادري شجرالي اول ماشفتهة.

زياد … شراح تعمل بخصوص جتالين عمك
لولد مشردينه. 

دحام … مايشرد بعيد عني كفلت جماعه
ينبشولي يااا من جوة لگاع ويطلعونة موش
ساكتلهم.

زياد … بعلي مال واحد يذلهم ذله يشهد
لتاريخ بيهم.

دحام … حسابي وياهم موش هين.

زياد … وين رايح.

دحام … اطل عالمعمل واروح للمضيف.

زياد …تانيني اروح وياك.

دحام … يلاا استعجل.

_______________

زكية … لا تتبعدين من دحام خلج ورا ورا
حاولي تتگربين وتاخذين عگله.

نبعة … امه عينهة علي يخالة وين ماروح
احسهة مراگبتي.

زكية … مالج شغل بيهة ماتگدر تسويلج شي
شحدها لاريدة منج سوي خاطر شايفه هالگصر
تتنعمين بخيرة.

نبعة … خيرة راح يصير لمرت رمح موش الي
لانج تردين لمشيخة لرمح.

زكية … وشتضنين ولد لشيخ مالهم ورث ترا
احسن من مايروح للغريبه خلة الج بت خيتي
ورايدة مصلحتج فكري عدل يبعد خالتج ورمح
اول وتالي راح اخلي شيخ هالديرة وانه ماعوفنج
اخليج تاج لكل حرمة.

نبعة … ماتهديني يخالة.

زكية … موش انه لاهد بت خيتي.

نبعة … خوش يخالة لا تشيلين هم الا اخلي
مايفارگني.

زكية … ههههههه عفية عليج ، هسة شوفن
جگد مابيج داري لشيخة زمنهن وخليج نادرة
جدامهة لان ما مش غيرها تساعدنه بس
تشوفج معدلة تنطي جلمة الا وتعرسج من دحام
فهمتي.