للكاتبة: زهراء الموسوي.
كرار ... تررردين تورررطيني وية عزززام
شايفة لو يسمع شيسوي بينة.
سهير ... وشنهيي تخافون منة.
يوسف ... من اكسر راسسسج اكو احد يلومني.
بتول ... بعد ما دنالهة بسكم صريخ نشهرنة.
يوسف ... لوو تستحين من لشهيرة ما اسوين
هيج.
ضلو يصيحون ويتعاركون وانه دخلت حجرتي
وسديت لباب ضليت كاعدة وصافنه على حظي
من شفت يوسف يدافعلي كلت خل اكسبنة خاطر
اتحامة بي من اهلة فكمت طلعت دشداشة نص
ردان وكصيرة شوي لبستهة وفتحت شعري اريد
امشطة ودخل هوا ضل صافن علي بسع سد لباب
وضل يتحمحم بقيت امشط لجن حيل مستحية
حسيت بعيونة راح تاكلني تكرب صوبي وكال.
يوسف ... بعد شنهو ليصير كليلي خوش.
هزيت راسي وسكتت ردت اوخر كضني من ايدي
وكعد وكعدني بصفه ضل يباوع لزنودي ولزم شعري
شافة خفيف ضل يستغفر ويرد ليورة تالي راد يكشف
زروري كضيته استحي هوا ماهتم بعد ايدي وكشف
يوسف ... خرب شلون تحملتي شمسوية بيج
امي.
جيهان ... الله موجود.
شفته حيل نقهر خلة وكام نام ودار وجهة كمت
انه طفيت لكلوب وتمددت انامن ثاني يوم كعدت
لصبح كمت بدلت وشفته هوا نايم رحت غسلت
شفت عمتي كاعدة بس هية ماحاجيتهة رحت
للمطبخ اتريگ طلعتلي بيضة اريد اسوي واجتلي
هية.
بتول ... عوفي لبيض ماعدنة بس هذا خلة
يكفينة اسبوع لولد من يكعدون شسويلهم ريوگ.
رجعت لبيضة صبيت جاي وكعدت اشرب خاطر
يفتح راسي موتني من لوجع وهية تحوم فوك
راسي تالي كلتلي.
بتول ... موش تحجين لاحد انه جتلتج وخاصة
عزام مالنة حيل طلايب انه بعد ما تندنة صوبج.
سكتت مارديت عليهة وهية راحت لاوين كعد
يوسف راد ريوگ كليتله بيضة وصبيتلة وجبتله
يوسف ... تريكتي.
جيهان ... اي من مساع.
هز راسة وضل ياكل وانه رحت انظف لبيت
بناتهة لظهر يلا يكعدن وية مجاي يتريگ يوسف
اندگ لباب رادت امة تروح تفتح كام هوا اسمعة
يكول تفضلن تفضلن شوي ودخلن علي امي اغادير
وديلارا انه بسع رحت لامي اغادير شبكتهة وبجيت
وهية هم كامت تبجي وتبوس بية شفتهة واكفة
تباوع الي وتبجي رحت صوبهة وهية شبكتني
وانه بادلتهة وبقينه نبجي تالي دخلتهن وكعدن.
اغادير ... شلونج يمة جويهة انشاء الله زينة.
جيهان ... زينة الحمد لله بس طگ كلبي عليكم.
اغادير ... يابعد عمري ولج هم انه طاگ گلبي
عليج.
ديلارا ... شبيهة شفتج مناذية.
أنت تقرأ
ديرت البخت
Ficción Generalأثـاري صيـت لعمـام بس بالوجـه مكتوب ... وأثاري لغـريب لجـرحي يـداوي ... ولجـن دورت لبخـت عند اهـل لجنـوب ومـامـش احد خـيب امـالـي ... للكاتبة: زهراء الموسوي.
