للكاتبة: زهراء الموسوي.
هَلي تَعبيت، لتَصدگون مَرتاحة
هَلي هَلكانة وأتَچة بگفى الحَيطان
هَلي نشدوني لو بالطيف!!
ولو يا طَيف ويگابل بَشر گضة العَمر سهران؟
………………………………
صار لديوان هدوء گام لشيخ وگال ... باجر
انه عدكم واجيب ناس مشاية خيرة واطلب
ايد بتكم المحروسة لبني دحام.
نصدم دحام بقرار ابو باوعله لجن ماگدر
يتحجة وبالاخص ابو لحجه مايجسر جلمتة
ضل ساكت لجن كلبه شايل غيض، ضل لسيد
يحمد بالشيخ ولزلام هم واهل لدخيلة كامو
وكالو.
عاگول ... مادام هيج لبنيه ناخذهة ويانه
علااا ماتمهرون عليهة.
الشيخ عدنان ... لبت مالهة مشيه وياكم
تبگه بيتي.
عذيب ... عذرنه شيخ لبنيه تمشي ويانه.
السيد علي ... حجايت لشيخ وحدة وكللكم
تبگه وهية عرضهم صارت.
ضلو يحجون لمن ما مشو اهل لدخيلة كام
دحام وصاح ابو.
الشيخ عدنان ... وگف دحام يبني انه صح
قررت بدون شورك وراجعة لحياتك ولتختارهة
لجن لبت مضلومة وماكدريت اكسر بختهة
وحبوبتك من لاول كلتلي تريدهة الك لو
ما شافتهة جكد حوك ماتكبل بيهة.
دحام هز راسة وگال ... انت ابوي ولتامر علية
يجرالك ولتشوفة صح انه ماشي بي من رخصتك
تعبان حيل رايح ارتاح.
خله وطلع رمح طلع ورا لجن كلبه مرتاح توقع
ابو يشمرها علية ويعرسة مشه راح لرعد ومشو
لحنة صاحبهم جلس ورحبو بي جماعتة جانو
جايبين كاوليات وحدة من لكاوليات حاولت
تجذب نظر رمح لان باين علية لهيبة وكعدته
وسبحته كامت تتمركص جريب منه وحركاتهة
لتغري هوا ما رتاح حاول يعدل كعدته مافاد
شاف لوظع ماعجبة خلة وكام راد يطلع
وصاحولة لولد.
رعد ... وين رايح.
رمح ... راد لاهلي كمل سهرتك مع لسلامة.
خله وطلع وراح للگصر.
____________
دخل لشيخ عدنان لگصر وراد يدخل لحجرة
لشيخة صاحتلة لشيخة.
الشيخة زمنهن ... تفضل يمة.
دش الشيخ وشاف ثريا جاعدة يم لشيخة
وعيونهة حمر امبين باجية كعد كبالهة ودنگ
گلهة.
الشيخ عدنان ... شلونج بوية.
ثريا ... على الله وعليكم شيخنة.
الشيخ عدنان ... بوية اجو عمامج وتدرين
شراد.
ثريا ... شيخ اخاف تجيكم طلايب وانه فهميتك
نصيبي من لدنيا انطم موش اشم هواي وانه
صرتلهم عار مستعدة اردلهم مادامني برية.
أنت تقرأ
ديرت البخت
Fiction généraleأثـاري صيـت لعمـام بس بالوجـه مكتوب ... وأثاري لغـريب لجـرحي يـداوي ... ولجـن دورت لبخـت عند اهـل لجنـوب ومـامـش احد خـيب امـالـي ... للكاتبة: زهراء الموسوي.
