ديرت البخت

† البارت 27 †

للكاتبة: زهراء الموسوي.

يمّ بابَك تراب أنطفّي
و أنباگ و أتوزّع ضِحك
چّم ثوب ألك جاسَه المُطر
بطُولك عِثر ذاك النَهر
ما صحّ عُطر ..
يَـ التسبَح برُوحي شبَعد !
حُضنك بُرد ..
سولفنّي يمّ گلبك حَزن
بلچن تحنّ و ترد حَضن.

………………………………………

راح دحام فتح لباب واسمع صوت زلم برة
اصوات مؤلوفة طلعت ولون اشوف عمو
اكرم وعمو زكي اني شفتهم نسيت كل لسوو
خاطر لورث وركضت الهم شلون ليريد يتحرر
من لقفص مالته ركضت لحضنهم ابجي.

اكرم … هاي شصاير بيج وينهااا امجج.

ديلارا بجي … عمو ماما مراح ترجع النا
لا هية ولا دفنه.

اكرم … شوف وين شردت شلون تعوفج
هنااا وحدج.

ديلارا … بعد مترجع خالص امي توفت
عمو.

اكرم بصدمة … شنو هالكلام بابا.

دحام … تفضلو داخل خل نتحجة وافهمكم.

دخلو داخل بالبيت ودحام سولفلهم كلشي
حته من سكنه هنا وشلون محد جاس طرف
منه وكعدنا باخلاقنا وسولف على وفاة امي
بس مكلالهم هما لسبب وهمات سولفلهم
على وصية ماما.

اكرم … جازاك الله الف خير بس بتنا ترد
ويانه وصيتهة تزوجهة لان ماعدهة احد بس
هسة رجعنه وراح ناخذهة فاتمنه متتاخر
بسالفه لطلاق. 

دحام … ومنوو گال انه رايد اتطلگ حرمتي
وماني هادهة.

زكي … رجائا منريد دوخة راس بتنا ونريد
ناخذهة صارلنه سنين ندور عليهن تالي تزوج
بلية علمنا.

دحام … هسة هية مو وحدهة وعدهة رجل
موش تمشي بشوركم تتفضلون وياي لبيتي
اضيفكم اهلا وسهلاا لجن تروح وياكم اسويهة
گوامة.

ضلو يحجون بعصبية وعمو اكرم ضل يصيح
ودحام ازود لحد ما خزرني دحام وكلي.

دحام … يلااا خل نرد للبيت.

اكرم … شوو انت طيز حجينة لا عدالك
شيخ لقانون فوگ روسكم.

دحام … الله وايدك مادام لقانون فوگ روسنه
روح شتكي شوف لحگ عليمن يركب وانت يلاا
كومي لبسي عباتج خل نمش.

زكي … تمام بس نريد نحاجيهة.

شفت دحام مراضي بس ما عترض خله
وطلع باوعولي عمامي.

اكرم … شلون كاعدة بهيج بيئة همج ومعدان.

زكي … شوفي بوية هالبيئة ما تناسبج خالص
خل نرجع لبغداد بيت عمامج موجود وعدنه
معززة مكرمة واحلاا عيشة وترجعين للدراسة.