للكاتبة: زهراء الموسوي.
_______________
هزيت راسي ولبست وخذيت لمفتاح وطلعت
من حجرتي وصادق وراي كامت دلة وكلت
لتماثيل.
اغادير ... كعدي اخوج عقيل يبقه وياج لا
يطلع ولا تفتحين لباب لغيرنة انه وابوج وخوج
خوش ياهو ليجي خلي عقيل يطلع رايحة انه
ديري بالج عالبيت وعلى روحج.
تماثيل ... صار يمة.
طلعنه وكلتلي ديلارا.
ديلارا ... صايرة توصين هواية.
اغادير ... لوضع مو خوش وانه خافن عليهة
وابوها يدفني وانه عدلة اذا صار للبت شي
تماثيل روحهة من لدنيا.
ديلارا ... ربي يحفظها تشبهج كُلش بشبابج.
صادق ... خالة وجويهة وعزام هم يشبهونج
هواي اكولن عليمن حلوين شو عمي دحام املح.
ديلارا بضحكة حزينة ... وياريت يرجعولي
الله لا يوفقك يدحام.
صادق ... خالة ليش محاولتي تردين ليهم
وتلمين جهالج ذيج لسنين.
ديلارا ... يخالة حته من ارد منو ليستقبلني
وخفت كُلش وغير حالتي لنفسية تعبت بقيت
اعالج ودراسة بس جنت طول هالعمر واني
لقهر ولهم ولتفكير بيهم ياكل بية.
بقينه نسولف لحد ماوصلنه للبيت باوعتله
دلة وعيونهة هلن خذت لمفتاح وركضت
للبيت تبجي فتحته وانه وراها وهية دخلت
وصرخت راحت لغرفة امها لقديمة بقت
دك على راسهة وتعاتب امها بقيت انه ابجي
واحاول اهدي بيهة لجن مامش فايدة عفتهة
طلع قهرها نوب كامت شافت لمكان لبين لغرفة
ولمطبخ بقت تبجي وكالت.
ديلارا ... ه.هنااا هجم علي ل.للنذل ودفع.تته
وجرني للغرفة بهالحضات لادافع عن نفسي ددخل لحقير دحام ولرجال شرد ودحام بقه ييض.ربني.
جانت تحجي وتناشق صادق متحمل وكف برا
باوعت صوب لباب لحكت محمد واكف وعيونة
محومرات على امه يسمعها وهية كاعدة بالكاع
وتصرخ وتبجي.
ديلارا ... هناااا خسررت كُلشي خسسرتت اعزز
شيي عندي اطفاالي هناااا بسببب هالمكاااان
خسرت قرت عيني عزززام وخسرررت جيهان
اخخخخخ ياربي.
اغادير ... بسج ولج راح تطلع روحج كافي
انت سباعية ماعرفنج هيج يدلة تهدي.
ديلارا ... شهددئ لججج كوليلي شهدئ وابني
يكرررهنييي وابني يتخبل منيي وابنييي
اخذذذ طبع هالحيههه ثريااا تررديني اهدئ
وبنتيي حياتهة مدمرة وبنتي على ساعة وتموت
لجججج كليلي شهددئ.
بقيت ابجي اجه محمد وجرها لحضنة ويبجي
ومقهور على امة لاوين كتلهة.
اغادير ... هالبجي ولوم ولعتاب شراح يفيدج
بتج ذيج تكدرين تردينهة لحضنج وابنج هم يجي
يوم ويرجعلج ترا اول وتالي مرجوعهم عليج
هسة من يصير بيج شي ترا مراح تسوين شي
ليهم بالعكس راح تموت بنتج فرجعي بقوتج
وخذيهة ونتقمي وردي ثارج منهم.
أنت تقرأ
ديرت البخت
Ficción Generalأثـاري صيـت لعمـام بس بالوجـه مكتوب ... وأثاري لغـريب لجـرحي يـداوي ... ولجـن دورت لبخـت عند اهـل لجنـوب ومـامـش احد خـيب امـالـي ... للكاتبة: زهراء الموسوي.
