للكاتبه: زهراء الموسوي.
الهجر مو عادة غريبة ... لا ولا منكم عجيبة
عرفت من هذا طبعكم ... کلمن يسوكة حليبة
اتجرعت لوعات منكم ... و انهدم ثلثين حيلي
انا جنت ابتعد عنكم ... لو يطاوعني دليلي
غير هذا شرد اكلكم ... کلمن يردة حليبة
کذب کلمن يظن بية ... اكدر اسلام و املكم
انا مو بيدي و لكن ... قلبي ما يهوى بدلكم
غير هذا شرد اكلكم ... كلمن يجيبة حليبة
من طحت بهواك ما ادري تعذبون اللي يودكم
جيبوا واحد قلبة يصبر ... ساعة وحدة من بعدكم
غير هذا شرد اكلكم ... کلمن يسوكة حليبة
__________________
ريحانه ... لااا لااا والله ماحجي بس
لا تكطعن لعابتي حلوة وبس هية عندي
ماشكي والله.
عائشة ... يلاا روحي شوفيه لا تااخرين علية.
دحام ... شلونج ام كرار شخبارج.
نازك ام كرار ... هلااا يمه نحمد الله انتَ
شلونك غطاتك عالگصر گليله.
دحام ... هههه ليوم لمعاتب جثرن هالگد
ما تفارجوني.
نازك ... يمه رجال لخير محد يفارجة.
دحام ... كلج اصل ام كرار ومجانج عالي
عندي ،، اي يريحانه اهيسنج موش ع
مرامج.
ريحانه ... مابية شي.
دحام ... احاول اصدجنج مساع شحجيتي
وحجت امي.
ريحانه ... ماحجيت شي.
دحام ... انه اخوج لا تخافين مني واحجي
شبلاج.
ريحانه ... صدجني ماكو شي بس
انه اهذي مرات وية رويحتي.
دحام ... اذا احد يضاگج بهالگصر احجيلي
لا تضمين علي.
ريحانه ... كلهة تحبني ومدلليني ونعيمة
خيطتلي لعابة شوفها جگد حلوة.
دحام ... الله تخبل باجر هم اجيبلج
وحدة احلا منهة.
ريحانه ... ايي فدوة فدوة هذي اخافن
يگطعونهة.
دحام ... منهو ليگطعه الج.
ريحانه ... لفروخ هسة شنهي تجيبلي.
دحام ... ايي اجيبلج وعد ،، من بعد اذنج
ام كرار اترخص.
نازك ... اخذ راحتك يمه.
دحام ... وشنهي لتحتاجينة انت ولبنات
لا يردج السانج انه خادم.
نازك ... خادم ربك يمه ريتك سالم
ربي يوفجك ويفتحلك دربك رحم الله
والديك.
دحام ... اودعناج.
نازك ... هلا ومرحب يمه يحفظك لرحمان.
طلعت من يم ام كرار ورحت لحجرتي تمددت
عالجرباية وصافن شوية وانگ لباب صحت
بصوت .. تفضلل.
أنت تقرأ
ديرت البخت
Fiksi Umumأثـاري صيـت لعمـام بس بالوجـه مكتوب ... وأثاري لغـريب لجـرحي يـداوي ... ولجـن دورت لبخـت عند اهـل لجنـوب ومـامـش احد خـيب امـالـي ... للكاتبة: زهراء الموسوي.
