للكاتبة: زهراء الموسوي.
..........................................
عقيل ... اخخ ضهري يمه مرخيني ضهري
نشنط.
اغادير ... شمالك نوب.
عقيل ... غير عمي دحام كربني بالمعمل
اشيلن واحطن ضهري جنسر گادر بس علينة
مايحاجي ابنه لتايه.
اغادير ... وشنهي طار نصك اذا شتغلت عندة.
تماثل ... فنك تروح لعزام وتكله تايه.
اغادير ... خاطر يفصم ضهرة بعلي.
عقيل وهوا يتربع ... انهه احترمنه موش خوف
منه.
تماثل ... بالعباس جذاب كلكم تزربون خوف
منه.
عقيل ... هسة اكوملج واشلع لسانج لفصمة.
تماثل ... هههه والله جا جذبت.
اغادير ... عبببن صگرر لزلم محد گدة.
عقيل ... ليگعد وياكم تجزع رويحته اكومن
لحجرتي احسن من ما ابتلي بيكم.
تماثل ... هههههههههههه بعلي ضحجتني
دير بالك لا يسمعك ويبتلي بيك.
حجيت هيج وهوا شمر لنعال علية وراد
يجتلني لبدت ورا امي واضحك.
اغادير ... هدهة اصعدد وانت ما تكعدين
عنة ولج.
تماثل ... والله يهوبز وجدامة جنه زرزور
مدري ليش يخافون منه.
اغادير ... خليني ساكته جا انت لما تخافين
شو من توكفين جدامة تلتلتين.
تماثل ... يااا يمه جا غير خزرتة تبول والله
تتحجين انت هذا منيلة كلب يخوف.
شوي وندگ لباب.
اغادير ... اجه ابوج طفري ولج.
_________
عزام ... الله بالخيرر.
الشيوخ ... كلل لهلااا ومرحبب بالصگاارر.
دخلت وگعدت بالمضيف حجه لشيخ جدي
منعم.
الشيخ منعم ... شلونك يبوي صارلك زمان
مامش بالجعدات.
عزام ... شيخنة جا غير نقلوني لبغداد
ومن لدوام لهنانه اركض.
هناي ... الله يعينك يصگر.
الشيخ منعم ... سبع وابن ابوك.
يوسف ... والله يبن عمي مجانك موش هناك
ولا تضل بي رد للديوان اخيرلك عليَ .
أنت تقرأ
ديرت البخت
Ficção Geralأثـاري صيـت لعمـام بس بالوجـه مكتوب ... وأثاري لغـريب لجـرحي يـداوي ... ولجـن دورت لبخـت عند اهـل لجنـوب ومـامـش احد خـيب امـالـي ... للكاتبة: زهراء الموسوي.
