ديرت البخت

† البارت 13 †

للكاتبة: زهراء الموسوي.

مو كل اليحب آيعيش فرحان ..
اكو واحد يحب بس هو يائس
واكو لمن يحب آيصارع الموت ..
ميهمه يصارع ألف فارس
ينشدونه آعله قيس وليلى كل يوم ..
أشو محد ذكر بالعشــگ عابس

………………………………

ثريا ... اتمنه بعد مادشن للگصر لمرة لجاية
ولا تختلطن وية لبنيات لشيخ دحام ما تشرفه
بنيه مثل صويحبتج تدش مفرعه وعدنة وليدات
بالبيت مانريد نجيب لشينية النة فسون مثل
ماگال لشيخ جية هنا مالجن صار معلوم.

اغادير ... وشبيهاا دلة خلگ واخلاگ وكلهة
تحبهة.

ثريا ... لا تراددين وانه مالي غرض هذا
لگاليا لشيخ وانه وصليته الجن.

اغادير ... وبناتكم اهنة ليجلي للبستان ويودن
علية انه ماجي من وحيدتي.

ثريا ... مالج شغل بعد بالبستان من باجر تبطلين
فاهمة.

اغادير ... خوش تامرين.

نزلت بس حيل تعصبت شنهي يمهم ويطردوني
من شغلي شگلن لاهلي ردينه انه وامي وديلارا
كلساع وتگلي.

ديلارا ... شنوو ليش طردوج هذي شبيها
ويانا.

اغادير ... نلصمي لا اسحنج سح.

ديلارا ... ليش عيني اني لطردتج وتسحيني
ما سحيتيهة لذيج.

اغادير ... وليي عني موش حيل اعاركنج.

وصلناها لاهلهة ورديت لبيتنه ضليت احوم
شلون اگلن لرمح ركضت لعبير جريتهة.

اغادير ... عبيرة امش كلي لرمح اغادير
تريد تشوفك غاد.

عبير ... اهووو ترانه مليت لو رايحة لو رادة.

اغادير ... ترحين لو شلون انه فكرج.

عبير ... ماشيه ماشيه.

راحت عبير دور بالديوان مامش رمح شافهة
دحام ويعرفها عليمن جاية صاحلهة.

دحام ... هاا بوية اشوفنج هنانة.

عبير ... شيخ هيجي ادور ع خوتي.

دحام ... اخوتج لو رمح تحجي بوية انه مش
اعرفن.

عبير ... بس لا تتحجه لوحيد لعباس عليك
وشاورته اخيني اغادير تريح تحاجي رمح
ودتني علية.

دحام ... كليلهة رمح مامش هنا ليوم طلع
من غبشه للناصرية.

عبير ... خوش عمي انه ماشيه بس فدوة لا
تتحجه لوحيد لا يجتلونهة.