الفصل الخامس والعشرون
// عند شهد....
ظلت طوال الليل تحدث نفسها
/حد يعمل اللى أنا عملته فى نفسى ده؟ يعنى أبقى بحبه وأرفضه؟ أنا.... منى لله
بس يعنى كنت أوافق وأقعد بعد كده أطيير عنه البنات؟
وبعدين ده عرف بنات كتير قوى يعنى هايبقى مطلوب من أعمل اللالى عشان أرضيه....ولو قولت لأ على حاجه ممكن يقول إنى معقده وحنبليه.....
يبقى صح اللى أنا عملته ده..
بس أنا بحبه.... يوه بقى..... أنا هاقوم أصلى وأتكلم مع ربنا عشان قلبى يرتاح.
// كان حسن شقيق مريم
قد تكلم معها وأخبرها عن وائل وسألها عن رأيها بخصوص موضوع سامح فقالت أنها ليس لديها إعتراض على شخصه وأبدت موافقتها المبدأيه على أن يكون بينهما لقاء وحديث وبعدها سوف تقول رأيها النهائى.....
أبلغ حسن سامح بما قالته مريم
فطلب منه سامح موعد لزيارتهم وقد كان.
فى منزل مريم.....
قال سامح وهو يجلس معها بعد أن تركهما والدتها وشقيقها بمفردهما بغرفة الضيوف/إزيك يادكتورة
مريم /الحمد لله بخير.
سامح/ الحمد لله..... طيب لو عندك أى أسئله ليا إتفضلى أنا تحت أمرك.
قالت بخجل وهى تفرك كفيها/هى مش أسئله بالظبط...أنا كنت حابه أتكلم مع حضرتك عشان أقدر أتعرف على شخصيتك لأنى ماعرفش عنك حاجه خالص.
إبتسم على خجلها وقال/أنا ياستى مهندس مدنى باشتغل فى شركة (.....) عندى 32
سنه عايش مع والدى ووالدتى
وعندى أخ واحد متجوز وبيشتغل وعايش فى السعوديه
عندى شقة فى مدينة نصر ....ها تحبى تعرفى إيه تانى؟
قالت بحرج /ليه إختارتنى أنا بالتحديد.
قال /طبعا المفروض أقولك عشان جميله ورقيقه وكده.....
بس الحقيقه.... طبعا إنتى جميله ورقيقه جدا كمان بس أنا كنت حاطط مواصفات للبنت اللى عايز أرتبط بيها وكان الحجاب من أهم الحاجات دى بس لما شوفتك......حسيت حاجه غريبه...... هاتصدقينى لو قولتلك إنى مش عارف إيه إللى حصلى أنا فاجأه كده إتخطفت عارفه الإحساس ده؟ أول ما عينى جت عليكى حسيت إنى زى المسحور مش عايز أشيل عينى من عليكى.... وكأن العالم فجأه بقى أنا وإنتى بس....والزمن وقف....... ومانمتش ليلتها غير لما عرفت عنك كل حاجه تقريبا....ودى كانت أول مره تحصلى كدا... أظن الموضوع يندرج تحت جملة (إن الأرواح جنود مجنده.......... )
وأتمنى مايكونش كلامى أحبطك..... أنا أصلى مابعرفش أقول غير اللى حاسه واللى جوايا بس.
قالت مريم/بالعكس.... يمكن لو كنت قولت إختارتك عشان جميله ورقيقه كنت قلقت.....
بس هل كلامك ده تلميح لأنك لو حصل نصيب هاتجبرنى ألبس الحجاب حتى لو مش مقتنعه؟
سامح/أولا يا دكتوره أنا لما بحب أقول حاجه باقولها دغرى مش باقول حاجه عشان ألمح لحاجه تانيه...
ثانيا بقى؛ أنا مش هاجبرك تلبسى الحجاب....لأنه عباده ولازم تعمليها من نفسك....
أنا بس عايز اسألك سؤال ممكن؟
مريم /إتفضل.
إنتى عارفه إن الحجاب فرض والا لأ؟
مريم /عارفه إنه ذكر فى القرآن الكريم.....بس دا مش معناه إنه فرض.
