الفصل العشرون
//بعد عدة ساعات إستيقظ سيف من نومه....أخذ هاتفه ليعرف كم من الوقت مر عليه وهو نائم.... فوجد عدة إتصالات من سامح صديقه..... فقام بالاتصال به... فأخبره سامح بحديثه مع شقيق مريم.... فقال له سيف/بس أنا لما سألتلك عليها وعلى أهلها محدش جاب سيرة إنها مخطوبه خالص.
قال سامح بإنفعال/يعنى إيه؟ يعنى أخوها بيقولى كده عايز يطفشنى مثلا.... طب ليه؟
سيف /طيب إهدى إنت بس وأنا هاجيبلك قرار الموضوع ده
سامح بحزن/يا سيف دا أنا عمرى ماتشديت لبنت كده.... تقوم تطلع مخطوبه؟
سيف/أصبر بس ياسامح لحد مانعرف إيه الحكايه...؟
سامح/طب ماتسأل مراتك ياسيف أكيد هى عارفه عنها كل حاجه.
سيف/ما دى كانت أول حاجه هاعملها..... و ربنا يعمل اللى فيه الخير.....
ثم أكمل /عموما هاكلمك تانى ياسامح هاشوف الدنيا فيها إيه وأعرفك
سامح/ماشي يا سيف سلام وأنهى الاتصال.
خرج سيف من غرفته متجها إلى المطبخ ليبحث عن شئ يأكله و ليصنع لنفسه فنجان من القهوه ليقاوم به آلام رأسه.......... فمر بعمرو فى طريقه... كان الاخير يجلس فى غرفة المعيشة وأمامه علبة بيتزا يأكل منها
سأل عمرو بتعجب/إنت جيت إمتى؟
سيف/جيت الصبح بدرى ثم
جلس بجانبه وأخذ شريحة من البيتزا وهو يسأله عن والدهما..... فأجابه عمرو
بأن والدهما مازال بالمستشفى
قال سيف/طب و إنت جايب بيتزا ليك بس ليه؟
قال عمرو /ما أنا كنت فاكرك فى الشغل وكلمت بابا قالى إنه هايتأخر شويه وأنا كنت جعان قولت أطلب بيتزا.
سيف /طب وندى؟ معملتش حسابها؟
قال عمرو بأسى /ندى سابت البيت إنبارح بالليل بعد ما انت مشيت.
إنتفض سيف من مكانه وهو يسأل عمر بغضب/ وسيبتها مشيت إزاى بالليل كدا؟
عمرو/ما انا إتصلت عليك لقيتك قافل تليفونك وهى صممت فوصلتها لحد البيت.... وكلمت بابا..... وخلانى عديت عليه فى المستشفى وراح لندى
بس هى مارضيتش ترجع معاه.
عاد سيف إلى غرفته مسرعا و قام بمهاتفة والده
سيف / أيوه يابابا.... إزاى حضرتك ماقولتليش إن ندى مشيت وسابت البيت؟
والده/مش هاينفع الكلام فى الموضوع ده فى التليفون ياسيف.. أنا قدامى ساعه إن شاء الله وأكون فى البيت عشان نتكلم.
سيف /معلش يابابا أنا مش هاقدر أستناك أنا هاروح أجيب مراتى وبعدين نبقى نتكلم
والده/ هاتجيبها بالعافيه؟ البنت منهاره ياسيف وصعبان عليها نفسها ووالدتها سيباها أمانه فى رقبتنا تقوم تبهدلها كده؟
سيف/لو سمحت يا بابا مش وقته الكلام ده.
والده/ أومال وقته إمتى.... لما تضربها؟
سيف/لو سمحت يابابا أنا مش مستحمل.
والده/طيب ماتروحلهاش لوحدك إستنى أجى معاك.
سيف/معليش يابابا أنا اللى زعلتها وأنا اللى هاروح أجيبها بعد إذنك.
والده/طيب خلى بالك ياابنى ندى طيبه وبنت حلال حاول
تراضيها بكلمتين وإعتذرلها وبلاش طريقة الإجبار عشان هى عنيده وممكن ترفض.
سيف/ربنا يسهل يابابا سلام بقى.
والده وهو يبتسم بسره/سلام ياسيف.
