ပဲ့ကိုင်ရှင်// ပဲ့ကိုင္ရွင္ [ Completed ] { Unicode & Zawgyi }

part (8) { Unicode }

"အိမ့်...sorry ပါဟာ စောင့်စေရတဲ့အတွက်..."

"ရပါတယ် သက်ရယ်..."
"ဒါနဲ့ ဒီကလေးက သက် တူမလေးကိုစာသင်ပေးမဲ့ ဆရာမပဲ..."

"နေပါအုံး တို့နဲ့ တစ်နေရာရာမှာတွေ့ဖူးသေးလား..."
လင်းလက် ဒေါ်သက်ထားထားနွယ် စကားကြောင့် အနည်းငယ် ကြောင်သွားသည်...

"အော် အန်တီပဲ...သမီးကိုမှတ်မိလား..."
လင်းလက် အမှတ်ရသွားဟန်ဖြင့်ပြန်ပြုံးပြလိုက်သည်...

" သမီးနဲ့ရွှေဆိုင်မှာတွေ့ဘူးတယ်မလား..."

"ဟုတ်ပါတယ်..."

"အိမ့်ရယ် ဟိုတစ်ခေါက်က ရွှေဆိုင်မှာပြဿနာကူရှင်းပေးတယ်ဆိုတဲ့ ကောင်မလေးက ဒီကကလေးမလေးလေ..."

"အဲဒါဆိုအဲ့တုံးက သက် တွေ့ခဲ့တဲ့ ကောင်မလေးက လင်းလက် ပေါ့..."

"သူ့နာမည်က လင်းလက်တဲ့လား..."
"သက်လေ အဲ့တုံးက စကားတောင်ကောင်းကောင်းမပြောခဲ့ရဘူး ကိုယ့်အပူနဲ့ကိုယ်မို့ အဲ့တုံးကဖြစ်ခဲ့တဲ့ကိစ္စကိုအရမ်းကျေးဇူးတင်ပါတယ် ကလေးမရယ်..."

"ကိစ္စမရှိပါဘူး အန်တီ ရယ်..""သမီး တာဝန်ချိန်မှာဖြစ်သွားတဲ့ကိစ္စမလို့ သမီးနဲ့ သက်ဆိုင်တာပါ..."
လင်းလက် ထိုအမျိုးသမီးအား ချိုသာစွာပြန်ပြောလိုက်သည်...ထိုအမျိုးသမီးကြည့်ရတာ အသက်၄၀ကျော်ဝန်းကျင်သာရှိလိမ့်မည်ထင်သည်..အရပ်ရှည်ရှည် သန့်သန့်ပြန်ပြန့်ရှိသလို မျက်နှာလေးမှာလည်းချိုနေလှသည်...

"အိမ့် မိတ်ဆက်ပေးမယ်...သူ့နာမည်က လင်းလက်ပွင့်တဲ့ မြန်မာစာအထူးပြုနဲ့ နောက်ဆုံးနှစ်ရောက်ပြီ..."
"သက် ကြည့်ကြည့်ပါ...သက်တူမလေးအတွက် စာသင်ပေးနိုင်တဲ့ပညာအရည်အချင်းတော့အလုံအလောက်ရှိပါတယ် သက် သဘောကျမကျပဲ..."

"သက် သဘောကျတယ်...အိမ့်.."

"စဉ်းစားပါအုံး သက်ရယ်...ဆုံးဖြတ်ချက်ချတာ မြန်တာ.."

"သက် ဆုံးဖြတ်ပြီးပြီ သက် တူမလေးကို သမီးလင်းလက်ပွင့်လက်ထဲအပ်ပါတယ်...မဟုတ်တောင် ကျေးဇူးရှိခဲ့ဘူးသည်မလား.."

လင်းလက် ဝင်ပြောရတော့သည်.."အားနာစရာတွေဖြစ်ကုန်ပါပြီ အန်တီရယ်.."