: الفصل الاول.
اشرقت الشمس فى سماء القاهرة تعلن عن حلول يوم جديد .
فى احد العمارات تستيقظ فتاه جميله فى الرابع و العشرون من عمرها ذات شعر اسود كسواد الليل و عيون رماديه جميله تدعى ليان و لكنها فزعت لظنها أنها تاخرت عن الجامعه ف نهضت سريعاً و ارتدت دريس من اللون الازرق الداكن مع طرحه بيضاء بها بعض الورود الزرقاء و لم تضف المكياج لأنها فى طبيعتها جميله و بعدما انتهت.
ليان : ماما انا ماشيه عاوزه حاجه
سميره والدة ليان : تعالى افطري يا بنتي و بعدين انزلى.
ليان : لا مش عاوزه هفطر فى الجامعه سلام متاخره .لم تكد سميره ترد حتى اختفت من امامها ليان .
سميره: ربنا يوفقك و يريح بالك يا حبيبتي.
ركبت ليان " تاكسي " و ذهبت إلى جامعتها و هناك قابلت صديقتها رفيف
رفيف: فى اي يا بنتى اصبري لسه بدري على المحاضره .
ليان و هي تهدء من اضطراب تنفسها عامله اي يا حجه انتي كنت خايفه اتاخر بس الحمد لله وصلت بدري .
رفيف وهي تمثل الصدمه : انا بقيت حاجه يا وليه.
ليان بعدم اهتمام : يا شيخه بقى مش فارقه .
رفيف : على رايك تعالى نجيب حاجه نأكلها انا واقعه من الجوع .
ذهبت الفتاتان إلى كافتريا الجامعه لتناول الطعام و ذهبت كل منهم إلى محاضرتها .
و على جهة أخرى فى القاهره فى أحد الأقسام يقف زين بثبات و هيبه ف هو أحد أفضل الظباط كفاءه و خبره رغم صغر سنه . وقف ينفخ فى سيجاره بشراهه فهو عصبي لابعد الحدود بينما يتابع عمله. .
احمد : ( صديق زين المقرب ) اي يا بنى كل السجاير دي حرام عليك نفسك .
زين : ورايا شغل كتير و لسه شغال على قضية التاجر بن ال**** و بعدين انت مال اهلك كانت من جيبك ده اي البلاوى دي .
احمد : انا هعدي الكلام ده بمزاجي بس ..
زين برفعة حاجب : بس اي قول كمان مش سامع .
احمد : لا يا كبير مفيش كنت بكلم نفسي.
زين : اه بحسب
احمد : حبيبي يا ابو الصحاب .
زين : كنت عاوز اي يلا و لا انت واخد كلية الشرطة منظره بس و شغال سرمحه فى القسم .
احمد : والله انا غلطان كنت جاي قلقان عليك افتكرتك ماكلتش يلا بقى وقت تانى فى مطعم جديد فاتح تحفه هيييح سلام يا كبير .
زين بصوت عالى : اثبت يلا جاي معاك الله يخربيتك انت اي مش بتفصل جاي انا .
احمد بضحك : يلا يا سبعي
زين : مالك قلبت سوسو الرقاصه كده ليه .
احمد : اهون عليك يا مفتري تقول عليا رقاصه ........و ظلوا يمرحون هكذا .
على الجهه الاخرى فى الجامعه عن ليان .
رفيف : لي لي عزماكي على حسابي يا زميكس .
ليان : و ده من اي ده أن شاء الله من امتى الكلام ده .
رفيف : لا متتعوديش ما انا عزماكي و انتي هتدفعى .
ليان بصدمه : نعاااااااااااام هو مين اللي عازم مين
رفيف بتصنع البراءه : مش انا هوريكي المطعم الجديد
ليان : اه
رفيف بشراسه : يبقى انتى تدفعي مش هعمل كل حاجه انا
ليان بخوف : خلاص يا كبير والله ما تحصل انتي وديني و انا هدفع ده انا كلي ليكي يا صاحبي .
رفيف : ايوه كده ماليه مركزي ... لم تكد تكمل الجمله حتى صفعتها ليان خلف رأسها .
ليان : انتي لسه هتتكلمى يلا ده اي الرغي ده و ذهبت سريعا امام رفيف التى كانت على وشك أن تنفجر بها و بعدها وصلوا إلى المطعم ( موضع التقاء ابطالنا )
#Nada Anwar.🖤
وصل كل من أحمد و زين المطعم و كانوا يتحدثون فى أمور قضية ذاك التاجر .
احمد : يا عم فكها أن شاء الله هتلاقى حل و تترقى كمان.
زين : أن شاء الله .
دخلت كل من رفيف و ليان المطعم و جلستا فى الطاوله المقابله لزين و احمد و كان الحديث بينهما كالاتى .
رفيف : ليان انا ممكن اسالك عن حاجة.
ليان : استر يارب مش مطمنه و بعدين من امتى و اتتي بتستاذني قولي يا ستى
رفيف : لي لي انتى جميله اوي و كتير يتمنوكى ليه بتبعدي عن الحب و ليه مش راضيه تتجوزي لغيت دلوقتى
ليان : ده السؤال الخطير بقى
رفيف : اها عاوزه اعرف .
ليان : بصي يا رفيف انا عشت طول عمري مقتنعه أن الحب حاجه فى القصص الرومانسيه و الكتب و الافلام لكن فى الواقع الكلام ده يختلف مفيش حب مجرد شهوه و بس مفيش اهتمام بالمشاعر و كمان بعد ما بابا الله يرحمه توفى و انا مفيش فى دماغي ارتباط و لا حاجه و عاوزه اذاكر و اشتغل و ابني ليا كيان مش يكون فى حد له جمايل عليا و عاوزه مستقبلي ميبقاش واقف على اني اتجوز و اخلف و كل الكلام ده .
رفيف : مش جايز حد يغيرلك المفهوم ده
ليان : لا معتقدش
رفيف : انا واثقه فى كده و هتحبي و هتبقى أعظم قصة حب في التاريخ
ليان : بالله ضحكت طيب يا ستي اديني قاعده مستنيه فارس الغفله المهم و حياة امك خلصي عاوزه ااااكل
رفيف : طيب هطلب ده انتى عيله فصيله يخربيتك
ليان : على بيتك يا عمري
على الطاوله المجاوره .
كان زين شاردا فى شيء ما و لكن جذبه حديث ليان
احمد بصوت عالى إلى حد ما : هاااي روحت فين يا كابتن بقالى ساعه بتكلم
زين : ما براحه يا بني عاوز اي
احمد : سرحانه فى اي يا بيضه
زين : فى جمال امك
احمد : والله لاقول ل ديدا تولع فيك اصبر عليا
زين : لا كله الا ديدا يا بني استر عليا و حياة اهلك
احمد : اشطات يا معلم بس اي شاغل بالك كده عجبتك
زين : هي مين دي
احمد : المزه اللى قصادنا
زين : لا طبعا مليش فى الجو ده .
احمد : يا بني نفسي تريح قلبي و اشوفك عريس بقى لو لكلبه بلدي حتى
زين : تصدق بالله انت عيل متخلف يلعن ابو معرفتك انت قلبت سمر ( والدة زين ) كده ليه نفس الكلام اطلب اكل اخلص
احمد : طيب يا عم بس ماتزوقش
عندما انتهوا كانت الفتيات تقوم فى نفس الوقت الذي كان زين ذاهبا للحمام و اصتدم ب ليان
ليان : ما تفتح يا عم انت اعمى
زين نظر إليها من أعلى لاسفل : معلش و تركها و ذهب
ليان لرفيف : اي المتخلف ده يخربيت حلاوة أمه ده طالع من فيلم تركي اي دا
رفيف : هههه انتى بتشتمي و لا بتعاكسي الله يحرقك بس ده حلو اوي بجد
نظرت لها ليان بحنق لم تعرف سببه حتى أنها تعجبت من نفسها . ليان : يلا نمشي عشان اتاخرنا اوي و ماما زمانها قلقت اوي .
رفيف : يلا
وصلت ليان إلى المنزل و عند فتح الباب وجدت ما يقابلها و هو الشبشب سلاح الام المصريه
ليان : اااه اي يا ماما هو كل يوم حرام اللى بيحصل ده وشي ورم
الام : احدفى الشبشب يا بنت العيال اللى متربوش دول هطلع عينهم
ليان : بس خلاص معلش يا ست الكل حقك عليا انا ادهم رهف كفايه كده مش بتتعبوا
ادهم : اصلا الست الوالده هي اللى مكبراها مش عارف ليه يلا يا بت يا رهف نمشي دول مش طايقنا
رهف : اه والله يا دومي بلا بينا
الام : شوف العيال دي اخرتها يتخانقوا و يفرسونى بصوتهم و بعدين يمشوا عادي كده
ليان : هههه ما انتي عارفه يا ماما ما هما كده دايما
الام : على رايك تعالى يلا عشان تاكلى
ليان : لا يا ماما انا اكلت مع رفيف قبل ما ارجع هدخل اصلي و انام شويه .
الام : ماشي يا حبيتي ربنا معاكي.
قبلت ليان والدتها و ذهبت ولكن الغريب أن صورة ذلك الشاب ترافقها استغفرت ربها و حاولت نسيان الموضوع .
....يتبع
#Nada Anwar.🖤
