الفصل الحادي عشر .
فى ألمانيا .
جاسر : ديڨيد العمليه دي مهمه من أهم العمليات اللى هنطلعها مش عاوز غلطه مفهوم .
ديڨيد : تمام يا جاسر بيه بس ..
جاسر : مش عاوز اسمع مبررات و الموضوع يخلص من غير شوشره.
ديڨيد : بس يا بوص فى ناس راصدنا فى المخابرات .
جاسر : العمليه اتقدمت و محدش عارف معاد التسليم امتى منهم خلاص يا ذكي .
ديڨيد : تمام يا بوص .
على جهه اخرى فى ألمانيا برلين تحديدا ( عاصمة المانيا ) يستعد زين و احمد و مجموعه من الرجال التابعه للمخابرات المصرية لتنفيذ خطتهم .
احمد : بقى فى عريس ينزل مهمه خطر زي دي بعد كتب كتابه بيوم .
زين بتافف : ما هو من نبر اهلك انت و يزن الكلب فضلتوا تنبروا فيها .
احمد : سيد متقولش كده عيب احنا اهل.
زين : يا عم بقى .
احمد باستغراب: فى اي زين دي مهمه عاديه زي الباقى مالك قلقان المره دي.
زين : احمد بالله عليك لو حصلي حاجه خلى بالك من ليان انا خايف عليها اوي .
احمد : يا عم بطل هبل و بعدين مهمه زي اي مهمه و هتخلص و ترجعلها و تعمل احلى فرح صلي على النبي كده و أهدى.
زين : عليه افضل الصلاة والسلام .
احمد : طيب هسيبك شويه طمنها عليك و متخوفهاش اكتر يا زين .
زين : حاضر ربنا يستر.
احمد بغمزه: اي خدعه عد الجمايل.
زين : غور يا احمد من قدامى .
احمد : ما بوراحه يا عم متزوقش بس بقولك ايه
زين : مش خالصين النهارده قول يا اخويا .
احمد : ما تظبطلى أم عيون قهوه عند مراتك دي .
زين بعدم فهم: عيون قهوه مين .
احمد : اخت مراتك يا بني .
زين بصدمه : و انت عرفتها منين .
احمد بملل : ما انا شوفتها يوم كتب الكتاب.
زين : اها طيب غور يا احمد و لما نرجع نبقى نشوف الحوار ده.
احمد : بجد قول والله كده.
زين : والله يا احمد غور بقى .
احتضنه احمد و قبله: حبيبي يا صاحبي.
زين : غور يلاااااا مش هلحق اكلم البت يخربيتك.
احمد : خلاص خلاص ماشي اهو .
فى مصر الساعه 3 فجراً .
ليان تجلس و القلق يملأ قلبها و تدعي لزين أن يرجع لها سالماً و أفاقت مش شرودها على رنين هاتفها .
ليان و هى تمسح دموعها و لكن صوتها كان متحشرج : زين حبيبي وصلت .
زين : انتي لسه بتعيطي يا لياني انا وصلت كفايه عياط بقى .
ليان : انا خايفه اوي يا زين عليك .
زين : ماتخافيش يا كل ما ليا أن شاء الله هرجع و أن شاء الله خير ماتخافيش .
ليان : زين خلى بالك من نفسك كويس و النبي متسبنيش عشان خاطري .
زين : حاضر يا قلب زين بس كفايه عياط ادعيلي بس .
ليان : ربنا يرجعك ليا بالسلامه يا حبيبي.
زين : يالهوي على حبيبي اللى مخليانى نفسي انك تكونى قدامى دلوقتى.
ليان بخجل و قد احمرت وجنتيها و قد فهمت مقصده : خلى بالك من نفسك انا لازم اقفل دلوقتى .
زين : يالهوي على الرمان اللى فى خدودك ده .
ليان : زين سلام .
زين : أصبري شويه مش ممكن تكون اخر مره .
ليان ببكاء مره اخرى: بعد الشر عنك يا زين متقولش كده حرام عليك.
زين : خلاص كفايه عياط يا بنتى.
ليان : خد بالك من نفسك لو حصلك حاجه هموت وراك .
زين : بعد الشر عنك لازم اقفل دلوقتى سلام يا حبيبي.
ليان : سلام يا زيني بحبك.
زين : انا بعشقك يا قلب الزين.
احمد من وراءه خلصت محن بصراحه انا سنجل باءس ف لو ممكن اشارك حضرتك فى الرومانسيه العظيمه دي .
زين : انت هنا من امتى يلا .
احمد : من ساعة الرمان و غمز له .
زين : ده انت قاعد من بدري بقى .
احمد : بالظبط كده يلا عشان فاضل ساعه بالظبط جهز نفسك .
جاء لزين اتصال : ايوه يا مراد..... تمام ........ تمام ........ احنا بنجهز خلاص .......سلام .
احمد : ده مراد .
زين : ايوه و يلا عشان التسليم هيبدا .
احمد : يلا زين متنساش تلبس الواقى .
زين : ده من امتى أن شاء الله و انا بلبسه .
احمد : بلاش عند و النبي و خد بالك من نفسك يا صاحبي.
زين : حاضر يا احمد .
و ذهبا لتجهيز أنفسهم و اعداد كل ما يلزم و بعد فتره ذهبوا إلى مكان التسليم .
زين : والله و وقعت يا جاسر بيه و لا اقولك يا حضرة المتهم .
جاسر: يا هلا يا هلا بزين باشا ابن الد أعدائي .
زين : اهلا بسيادة المتهم اللى آخره اعدام أن شاء الله .
جاسر بابتسامة ثقه : لا ضحكتني الصراحه ده بتهمة اي ان شاء الله .
زين : تجارة أعضاء و تجارة مخدرات .
جاسر بعصبيه : اي العبط اللى بتقوله ده .
زين و قد أمر العساكر بالانقضاض على المكان عن طريق الاسلكي و قد وجدوا ما يتاجر به موضوع به و قبضوا عليه متلبسا .
جاسر بصدمه: ديڤيد ازاي .
مراد أو ديڨيد : لا ازاي دي مش بتاعتك .
زين بضحكه سخريه : من سوء حظك و لانك غبي اخدت الدراع اليمين ليك واحد من رجالتنا و احب اعرفك سيادة الرائد مراد الهاشمي بعد الترقيه أن شاء الله .
جاسر و قد أمر بمحاوطة المكان بالحراسه له و بالفعل حدث من خلال جهاز صغير بالساعه حقه.
جاسر : ده اتغفلت بقى .
زين : تقدر تقول كده و هاخد حق ابويا اللى اتقتل غدر منك .
جاسر : هههههه انت فاكر دخول الحمام زي خروجه و لا اي و أمر حراسه بالانقضاض و احمد و بعض الحراس يراقبون من بعيد لأنهم متوقعين حركة غدر كهذه و بعدها هجموا على المكان و دارت مناوشات بين الطرفين .
زين بصوت عالى: احمد امسكه كويس و قفلوا المداخل و المخارج اللى فى المكان امتثل احمد لأوامره و لكن لاحظ وضع جاسر و أنه على وشك إطلاق النار .
احمد : زييييييييين ...
يتبع....
#Nada Anwar. 🖤
