الفصل الثالث عشر.
أنهى زين مهمته و اطمئن على مراد و رجع إلى مصر و لكن لم يذهب إلى ليان .
عند ليان .
ليان : لا يا ماما مش بيرد و مش عارفه عنه حاجه من يوم المهمه .
والدتها : طيب اهدى بس و أن شاء الله خير ماتخافيش.
ليان : يا ماما لو حصله حاجه هموت فيها .
والدتها و هي تحتضنها: بعد الشر عنك و عنه استني بس و أن شاء الله خير.
ليان ببكاء: يارب يا ماما .
عند زين .
والدته تحتضنه ببكاء : حمد لله على السلامه يا حبيبي انت كويس صح محصلش فيك حاجه.
زين مسح دموعها و قبل يديها و جبينها : والله يا ست الكل انا كويس جدا زي الفل قدامك اهو ليه كل القلق ده .
والدته : قلبي كان وجعنى عليك يا زين.
زين : انا كويس والله العظيم اهدى بس .
يزن : حمد لله على السلامه يا زين باشا .
زين : الله يسلمك يا غتيت بيه .
يزن : هعديها عشان خاطر امك اللى بتعيط دي .
والدته من وراءه و هى ترفع سلاحها ( والله يا شوباب انا تعبتكوا من اول الروايه بالسلاح ده بس هو الشبشب يلا نكمل و بطلوا تريقه .): اسمها امك يا كلب البحر يا زباله معرفتش اربي والله العظيم.
يزن : خلاص احنا اسفين يا صلاح.
زين : أخذ يضحك عليه بشده : والله تستاهل عيل رخم .
روڤانا ركضت و احتضنت زين : حمد لله على السلامه وحشتني اوي يا زين .
زين : الله يسلمك انتى وحشتيني اكتر بس مالك تعبانه و لا اي .
روڤانا بتوتر : ها لا لا انا كويسه و حاولت الظهور بالثبات .
زين بشك: اممممم هحاول اصدق.
والدته : يلا الاكل جهز .
زين : يا سيدي يا سيدي اي كل الجمال ده هنزل ماموريه كل يوم بقى .
يزن : يا بني دي مجوعانه كل ما نقول لها عاوزين نأكل تقلنا الاكل عندكوا اعملوا لتفسكوا و لما عرفت انك جاي من الفجر بتعمل بيك الاكل .
روڤانا بتمثيل هي الأخرى : ايوه يا سيادة القاضي مجوعانا (بصوت مى عز الدين فى فيلم عمر وسلمى) .
زين و اخذ يضحك بشده عليهم .
والدتهم : انا يا ولاد ال..... انا مجوعاكوا يا شوية متخلفين اااه مين يديني كرباج اربيكوا بيه دلوقتى.
يزن بخوف : لا و على اي الطيب احسن.
روڤانا و هى تبتلع ريقها : احم بنقول نأكل و احنا ساكتين و ارسلت قبله لوالدتها فى الهواء احلى بوسه لست الكل .
زين : شوية عيال جبانه .
يزن: يا عم عدي يومك بقى و حياة عيالك احنا ما صدقنا تهدى هى تقريباً مديانا اجازه فرحة رجوعك .
روڤانا : و حياة ليان عندك كل و انت ساكت .
زين : اممم بتمسكيني من ايدي اللى بتوجعنى كده يعنى .
والدته : قولى صح كلمت ليان أو لا كنت بكلمها النهارده و كانت خايفه عليك .
زين : لا لسه مكلمتهاش بس حاضر هكلمها .
والدته : ربنا يسعدكوا يارب يا حبيبي.
زين : يارب .
يزن : بصوا بقى انا قررت انى و لله الحمد هخطب .
والدته بعدم تصديق: قول والله كده .
يزن : اه والله .
والدته و اخذت الفرحه ترتسم على وجهها بشده : اخيرا فرحت قلبي انت كمان .
يزن : حبيتي يا ست الكل .
زين : الله يسهلك يا عم .
يزن : على فكره انا مرضتش اقول لماما انى اتقدم لها غير لما ترجع.
زين و هو يربت على كتفه : حبيبي يا يزن.
والدته : امتى هتروح لها .
يزن : هاخد معاد و اقولك يا ست الكل.
والدته : ماشي يا حبيبي.
مساءا عند ليان.
ليان : ايوه ...... الحمدلله و انت...........اي انت بتهزر فين.......... لا متقولش كده حرام عليك ........ انا جايه جايه ...سلام .
والدتها : فى اي يا ليان : زين زين يا ماما و اخذت تبكي بشده .
والدتها : طيب اهدى بس مش فاهمه حاجه رايحه فين كده .
ليان : انا نازله سلام .
والدتها : استنى هنادي ادهم ينزل معاكى.
ليان : لا لا احمد تحت .
والدتها : احمد تحت بيعمل اي .
ليان : هقولك لما ارجع.
نزلت ليان إلى سيارة احمد .
احمد : يلا بسرعه هو طالب يشوفك ده بيموت .
ليان ببكاء: بعد الشر هو هيبقى كويس انا عارفه يارب يبقى كويس.
احمد : اهدي بس شويه .
ليان لم ترد و أكملت بكاء كان زين يستمع إلى حديثهم و هو منزعج بسبب بكاء ليان و لكن ابتسم بسبب خوفها عليه .
احمد : وصلنا انزلى .
ليان : بس دى مش المستشفى.
احمد : والله انا انطلب منى انزلك هنا دى أوامر مش هقدر اكمل اكتر من كده.
ذهب احمد و تركها .
كان زين يقف فى نهاية الطرقه و ينادي باسمها .
ليان و اخذت تجري ناحيته و كانت تظن أنه غير حقيقي.
زين : خايفه ليه تعالى .
ليان : زين انت كويس .
زين : انا كويس انتى شايفه اي
ركضت إليه بسرعه كبيره و احتضنته بشده و زين أيضا احتضنها بشده و كأنه يريد أن يخبأها بين ضلوعه.
و اخذ يمسد على ظهرها لتهدا : خلاص يا حبيبي اهدي والله انا كويس ليه كل ده انتى تقريبا بتعيطى من ساعة ما طلعت المأمورية دي.
ليان و هي تشدد من احتضانه و بصوت مختنق من البكاء : كنت خايفه يحصلك حاجه كنت هموت لو حصل ليك حاجه .
زين بنبره هادئه: بعد الشر عنك يا ليانى و بعدين انا مقدرش ابعد عنك و رجعت اهو .
ليان : هو ليه احمد قالي الكلام ده .
زين : شويه و هتعرفي المهم اطلعي فوق البسي الفستان اللى فى الاوضه و انزليلي.
ليان : انا مش فاهمه حاجه فستان اي .
زين و هو يقبلها من وجنتها : اطلعى بس و كل حاجه حلوه في وقتها انا مستنيكي.
صعدت ليان إلى الغرفه وجدت فستان جميل من اللون الازرق الداكن ( كحلى ) و معه طرحه من اللون ابيض و صندل جميل من اللون الابيض و الكحلى.
ليان : الله ده جميل اوي و دخلت لترتديه و بعدها خرجت و كانت جميله بكل معنى الكلمة و وضعت بعض لمسات من الميكاب و نزلت إلى حيث يقف زين بحلته الزرقاء الداكنه تشبه لون فستان ليان ( كابلز ) امسك زين يدها و قبلها .
زين : والله العظيم القمر ده نفسي اخده و اهرب من عيون الكل .
ليان و هي تضحك بشده : انا مش فاهمه حاجه بس .
زين : يلا بس و هتفهمى كل حاجه .
ليان بضحك : ربنا يستر.
زين بغمزه: خايفه منى و لا اي .
ليان : انا لو روحت معاك فين هبقى مطمنه انت سندى و كل ما ليا .
زين : يا سيدي على الجمال يلا نمشي قبل ما اتهور .
ليان و هي ما زالت مبتسمه : يلا .
وصلوا إلى وجهتهم.
ليان باستغراب: زين هو اي المكان ده .
جلس زين أمامها و قدم لها خاتم جميل جدا.
ليان : الله ده جميل اوي يا زين .
قبل زين يدها و ألبسها الخاتم .
زين : والله مفيش حاجه جميله غيرك يا ليانى و دي اقل حاجه ممكن أقدمها ليكي .
ليان : ربنا يديمك ليا ومتحرمش منك ابدا يارب يا زيني .
جذبها زين من يدها : تعالى يا قلب الزين .
ذهب بها إلى مكان أقل ما يقال عنه جميل ملىء بالورود و بينها اضواء و فى المنتصف قلب مكتوب به ( كل سنه وانتي عشقي يا ليان الزين )
ليان بفرحه كبيره : ده كله عشاني.
زين : ده عشان خاطرك يا ست قلبي .
ليان : زين ده كتير اوي عليا انت ازاي فاكر عيد ميلادي اصلا انا كنت ناسيه .
زين و هو يقبل جبهتها : انتي تنسي بس انا لا طبعا يا باشا .
ليان : زين انا لو فضلت اقولك بحبك قد اي مش هيكفيك .
ليان : و اراك موطنى و بين يديك بيتي و مسكني و ضلوعك مأمنى و قلبك المأوى الغني لي و فى عيونك جنة العشاق و فى لمعتها نظرة اشتياق و وسط تلك الأسواق لا اراك تردني احبك عالمى و مَعلمي احبك سندى و سُلَمِي نحو احلامى و ملثم بطوق الحب و الغرام لم اجد بعينيك انتقام و فقط رغبتك .🖤🔏.
#Nada Anwar. 🖤
زين بمرح : لا و بقيتي شاعره كمان .
ليان : انا مش شاعره انا بس عشقانه .
ظلوا تائهين بعيون بعضهما و قرب زين من ليان فوضعت رأسها عند صدره و احتضنته و كذلك زين .
زين : مالك يا لياني انتى كويسه.
ليان : كويسه طول ما انت جنبي .
( و يضعنا العشق بين الحب و الاشواق و ما علينا سوى الانتظار و الثبات للانطلاق الحب قد ياتى بعد وقت قصير أو طويل و لكن فى كل الأحوال سيأتي.🖤)
يتبع.....
#Nada Anwar. 🖤
