الجمعه 30/9/2022 الساعه 5:55 خلصت اول روايه ليا و اطول حاجه كتبتها فى حياتي مبسوطه اني قدرت اخلصها و ممكن فى حاجات وقعت فى حاجات كانت محتاجه تركيز اكتر و فى حاجات كانت محتاجه تفاصيل اكتر بس حاولت اني اظبطها انا مكنتش عاوزه الروايه تبقى مجرد روايه عن حب و اتنين اتجوزوا بس كنت عاوزه اوصل أن الحب مش بالقصور و لا الحاجات المبالغ فيها أو بالنسبالي خيال علمي بس فى حاجات ممكن اڤورت فيها حقيقي حاولت الروايه توصل بشكل كويس كنت عاوزه اوصل أن الحياه مش كلها مشاكل و لا الحب بالإهانة أو التقليل من قيمة الشخص اللى بنحبه الحب موده و رحمه و فى نقط صغيره كنت بحطها وسط الكلام زي قرائة القرآن أو صلاة الفجر أو ايه معينه ممكن لانها بتبقى الايه الأقرب لقلبي ممكن حابه أن صلاة الفجر أو الصلاه عامة تبقى من الحاجات اللى تخلي الشخصيه اللى بتقرا حباها فى المستقبل تحصل معاها أو حتى تواظب عليها و تقريباً مكنتش بقول غير صلاة الفجر فى أغلب الروايه مش عارفه ليه صدقا و الآيه من سورة يوسف لان ممكن حد بيقرا مخنوق أو اي حاجه حاصله معاه ف تبقى كإشاره ليه امممممممم انا عاوزه اعيط .... حاسه اني هفارق حاجه جميله اوي ممكن فى كلام مش مفهوم و عارفه اني مقدرتش اوصل كل اللى انا كنت عاوزاه فى الروايه و فى أخطاء أن شاء الله احاول اظبطها بس بتبقى غلطات من الكيبورد مش مقصوده و لما كنت بفصل فى وسط الروايه بكلام لان دي حاجه ببقى حباها ف بحس انها مختلفه بس و .....الحب مش مرتبط بحاله ماديه و لا مرتبط بماضي و لا بشكل و لا بأي حاجه. الحب شعور لشخصٍ ما لا تعرف عنه شيء سوى أن قلبك قد نبض بإسمه فقط. طولت عليكم بس سامحوني و اتمنى اي حد يشوف الكلام ده يدعيلي ممكن الروايه من افضل الروايات اللى اتقرأت أو من اسوأها ف لو كانت من الأفضل شكرا انك كملتها للاخر و لو من الأسوأ ف سامحني /ي لاني كنت حباها تكون لطيفه و شكرا لاي حد دعمني و انا بكتبها عارفه أن عدد الناس اللى بتقرا على الواتباد قليله بس الأراء اللى جات على الروايه من الناس اللى بتكلمني كانت لطيفه اوي ف شكرا لاي حد قرأ و ممتنه لكل رأي إيجابي ساعدني اكمل و لآخر مره فى الروايه...بحبكم ❤️
