الفصل الثالث و الثلاثون..
زين : ليان حبيبي يلا عشان نصلي الفجر
ليان : مش دلوقتي يا زين .
زين و هو يعبث بشعرها: يا قلبي يلا. بنوتي مينفعش تضيع الصلاه صح و لا اي .
ليان بنعاس و هي تندس بين أحضانه: خليني في حضنك .
زين و هو يقبل جبينها: صباحك جنه يا جنتي .
ليان و هي تقبله وجنته: صباح الورد يا وردي.
زين : قومي يلا عشان نلحق نقرأ قران قبل الصلاه و عشان تفوقي شويه .
ليان بتعب : حاضر بس والله مش قادره.
زين بقلق : مالك يا لياني.
ليان : فى شويه وجع فى بطني.
زين و هو يمرر يده على معدتها لتشعر بالدفىء : طيب ده بسبب اي.
ليان : مش عارفه بس هدخل اتوضى و ارجع.
زين : ماشي يا حبيبي.
بعد قليل خرجت ليان و هي تأن من الالم .
زين : ليان فى اي .
ليان بابتسامه باهته: مفيش بس الوجع زاد شويه .
زين: طيب اجبلك مسكن .
ليان : لا يا حبيبي هبقى كويسه انت قوم صلي .
زين بحيره: طيب و انتي .
ليان بخجل : يعني مش هعرف اصلي هرمونات بنات.
زين بابتسامه: تمام يا حبيبي بس هعملك حاجه سخنه الاول .
ليان : لا لا اقعد اقرا قران و صلي الاول ممكن .
زين : مش هاخد وقت فى حاجه سخنه و لسه فى وقت على الفجر
ليان : عشان خاطري متتعبش نفسك والله هبقى كويسه.
زين و هو يقبل يدها: شويه و هرجع.
ذهب زين و احضر لها كوبا من الأعشاب الطبيعية حتى تخفف من هذا الالم .
ليان و هي تأخذه منه و تقبل باطن يده بحنو : ربنا يديمك ليا يا زيني .
زين بحب : و يديمك ليا يا ليو المهم يا حبيبي تخلصي كل ده و انا هصلي جنبك هنا .
ليان: حاضر من عيونى.
زين : يسلمولي و قبل جبينها و ذهب حتى يصلي و بعدها يقرأ القرآن الكريم بصوت عذب تدمع له الاعين من جمال ما به من خشوع و سكينه و كانت ايات من سورة يوسف و بكى فى قرائته عندما وصل إلى ( (قال إنما اشكوا بثي و حزني إلى الله و اعلم من الله ما لا تعلمون يا بني اذهبوا فتحسسوا من يوسف و أخيه و لا تيأسوا من روح الله أنه لا ييأس من روح الله الا القوم الكافرون)) و اخذ يقرأ ببكاء و ليان أيضا من تأثرها به و انهى قرائته و ذهب الى ليان .
ليان و هي تمد لها يده كالطفل الذي يرغب فى أن يحمله والده : زين .
احتضنها زين بعدما رأي تلك الدموع فى أعينها و يعلم سببها ف ليان تحب سورة يوسف بشده و تبكي كلما استمعت لها .
زين : حبيبي القمر مينفعش يفضل يعيط كده قلبي بيوجعني عليه .
ليان ببكاء: زين هو احنا مهما بعدنا عن ربنا ممكن نرجع تاني .
زين و هو يقبل جبينها: حبيبي ربنا غفور رحيم و ربنا يفرح بتوبة العبد و رجوعه ليه و انتي يا طفلتي يا قمر انتي عارفه كل الكلام ده بس بتسالي نفس السؤال كل مره .
ليان : بخاف ربنا يزعل مني يا زين .
زين : انتي روح قلب و عقل زين من جوا و احلى بنوته ليا و طول ما احنا بنخاف من ربنا لازم نتبع أوامره و نبعد عن أي حاجه حرام مش صح.
ليان بابتسامه: صح .
زين و هو يحتضنها بشده: ربنا يديم وجودك في حياتي.
ليان و هي تقبله: و يديمك نعمه فى حياتي .
زين : حبيبي لسه حاسه بوجع.
ليان : بطني بتوجعني شويه بس هبقى كويسه ماتخافش .
وضع زين يده على معدتها و اخذ يسير ببطء حتى يتسرب الدفء لها و هدا الالم .
قبلت ليان يده و وضعت رأسها على صدره و غفت بين أحضانه و غفى زين بعدما شدد على احتضانها و هو يبتسم على تلك المراه بعقل طفله .
استيقظوا بعد كثير من الوقت .
ليان : زين انا هنزل عشان اقعد مع ماما و انت خلص لبس و انزل ممكن .
زين و هو يجذبها نحوه و يقبل نحرها: اي بس القمر اللى على الصبح ده.
ليان بابتسامه: عيونك الحلوين يا قمري.
زين : ليان انزلي بسرعه عشان هعمل حاجه مش لطيفه اجري انزلي.
ليان بضحك شديد: الله و انا مالي يا لمبي.
زين بنفاذ صبر: و ترجع تقول قليل الادب.
ليان بضحك : خلاص خلاص احنا اسفين يا صلاح سلاااام.
زين: اجري يا بت من هنا و اخذ يضحك عليها بعدما اختفت من امامه و نظر إلى الفراغ بشرود و حزن مما حدث
( انا عارفه أنكوا مش فاهمين حاجه ف....)
فلااااش بااااااك
كان زين فى المرحاض بعدما ترك ليان سعيده بالخارج و كانت تتصفح هاتفه و بعد أن خرج وجدها تنظر له بعتاب لا يفهم سببه و بكاء صامت
زين و هو يقترب منها بخوف : مالك يا قلبي.
ليان بدموع و بسمة سخريه : مليش يا حضرة الظابط.
زين بهدوء : اومال اي العياط اللى مش مفهوم سببه ده.
ليان بابتسامه سخريه: لا مفيش بس جوزي بيخوني بس سهله اهي
زين بابتسامه: يا شيخه و هو جوزك ده اتخبط فى دماغه عشان يعمل كده.
ليان بدموع : يمكن انا مش عجباه .
زين و هو يحتضنها: طيب افهم اي وصلك لكده.
ليان و هى تقاومه حتى يبتعد عنها: ابعد ...ابعد عنى بقى بطل تمثيل انا شوفت كل حاجه كفايه كدب
زين و هو يثبتها فى أحضانه و يردف بعدم فهم: شوفتي اي و بصوت عالي و اهمدي بقى بطلي فرك ( يعني حركه كتير )
ليان و مقاومتها تنهار أمامه و يصوت متقطع: شوفت ......اللى بعتالك على الاكونت بتاعك حبيبي.......و عماله تقول .......نتقابل و كلام كتير و اخذت تضرب على صدره....ارحمني .....ارحمني بقى يا زين. ....انا عملت ليك اي .
زين بصوت متألم و هو يشدد احتضانه عليها: اهدى طب اهدي و حياتي انا عندك اهدي انا هفهمك .
ليان بدموع: تفهمني اي يا زين انا قصرت معاك فى اي انا عملت ليك اي حرام عليك ( و بااااس و راحت معيطه هييييح اني اسف انا فصيله )
زين و هو يضع وجهها بين راحتي يديه : بصي يا عيوني انا مش بكلم حد و لا بعمل حاجه غلط بس بصي و اخرج هاتف اخر من جيبه يشبه هاتفه بنفس كل شيء ده تليفون تاني يا حبيبي .
ليان بوجه و انف احمر من البكاء و عدم فهم لما يقول و تتحدث كالاطفال: مش فاهمه حاجه يا زين فهمني .
زين ذهب ليضع الهاتف خارجا: ثواني يا حبيبي.
ليان و هي تؤمىء له: تمام
دلف زين إلى الغرفه و أخذها بين أحضانه مجدداً : يا حبيبي التليفون التاني ده تبع الشغل و اللى عليه ده عشان نمسك مجرم و البنت دي اللى هتوصلني ليه انا مش بحبها و لا اي حاجه ده مجرد جر كلام عشان المهمه تكمل و كلهم أصناف و*** و ماشيين ورا نسوان .
ليان : طيب يا زين و التليفون شيلته ليه .
زين بتنهيده: التليفون فيه جهاز تصنت .
ليان بشهقه خافته: ليه و عرفت ازاي .
زين و هو يقبل جبينها: دي كلها تفاصيل شغل يا روحي متشغليش دماغك بيه .
ليان بدموع: زين انا مخنوقه اوي مش قادره .
زين بقلق : مالك يا نن عيني .
ليان و هي تدخل بين أحضانه: مش عارفه يا زين بس تعالى نخرج .
زين و هو يستقيم و يمسك يدها معه حتى تقف : يلا ننزل .
ليان و هي تقف معه و تتحدث بوهن : ح... حاضر .....و بلحظه كانت تقع بين يديه فاقده الوعي .
حاول زين افاقتها بالماء و لكن لا حياة لمن تنادي.
اخذ زين يصرخ بشده و هو يصيح بإسمها و يصبح على ياسين حتى يفحصها .
أتى الجميع على صوت صراخه.
ياسين: فى اي يا زين اي الزعيق ده .
زين بترجي: ليان مش بتفوق يا ياسين حاول تفوقها عشان خاطري.
ياسين: طيب اهدى ماتخافش .
و بعد وقت.
ياسين : زين حصل لي بينكم .
زين : سوء تفاهم بس مالها .
ياسين : انهيار عصبي بس شويه و هتفوق و انزل جيب العلاج اللى هكتبه دلوقتى عشان تهدى .
زين : حاضر .
ذهب زين ليجلب الدواء و عاد وجد والدته و والدة ليان و الجميع بجانبها .
زين و هو يجلس بجانبها و يقبل رأسها : ليو حبيبي اصحي كفايه كده .
سمرا: أن شاء الله هتبقى كويسه يا حبيبي.
زين : طيب انا هاخدها و نرجع البيت .
سمرا و هي تنظر له: مفيش مرواح ليان تعبانه و كمان عايزاكوا معايا هنا .
زين : بس يا ماما .
سمرا و هي تكاد تنقض عليه لتقتله : شكله وحشك ابو ورده يا زين ( كتابه عن الشبشب يا شوباب) .
زين و هو ينظر لها بخوف مصتنع: لا و على اي الطيب احسن نبات يا ست الكل.
سمرا : ايون كده اتعدل و انت يلا انت و هو ( ياسين و احمد ) محدش فيكم مروح و هتباتوا هنا .
ياسين : بس يا خالتو مش هينفع ...
سمرا و هي تنظر لاحمد: و انت اي رايك .
احمد : انا عاوز اروح يا ست الكل و نرجع الصبح .
سمرا و هي تركض خلفهم بحذاء قدمها : اقسم بالله انا معرفتش اربي يا شوية حسااااااااااااله.
ياسين و هو يركض أمامها: يا خالتو اهدي هديتي حيلي مش كده .
احمد : هنبات و حياة خالي حسن هنبات .
سمرا و هي تهدا : ما انا عارفه يا ولاد العبيطه انكوا هتباتوا انتوا فاكرين اني كلامي بينزل الارض اصلا .
احمد و ياسين بصوت واحد: لا طبعا.
سمرا و هي تقذفهم بحذائها و أصابت الاثنان بوقت واحد:. يبقى متقاوحوش تاني .
احمد و ياسين: ااااه خلاص والله خلاص .
كان الجميع يضحك عليهم و رهف و رفيف يشمتون بهما .
و بعد وقت خرج الجميع من عند ليان.
زين و هو يحتضنها: اصحي يا قمري كفايه كده انا مش متعود عليكي كده قومي زعقي و اعملي اللى انتي عوزاه بس متناميش كده .
ليان و هي تفتح عينيها بهدوء : ز.... زين.
زين بابتسامه: قلب زين و عمره اخيرا صحيتي
ليان بتيه: خليك جنبي اوعي تبعد بالله .
زين : سامحيني سامحيني يا قلبي.
ليان : انا مش بزعل منك يا زيني.
زين و هو ينقض على شفتيها بخفه و يقبلها قبلات متقطعه: انتي......بتجنني.........زين .....ح..رام....عليكي .
ليان بابتسامه هادئه: بحبك.
زين بعشق : بعشق الصدفه اللى جمعتني بيكي و اخذها بين أحضانه و هو يفكر كيف سيتمكن من إنهاء تلك المهمه بدون ادخال أحد من عائلته بها .
زين بداخله : و حياة امي ما هسيب واحد فيكوا يا ولاد ال****.
و انتهت تلك الليله بهدوء
بااااااااااااااااك
هبط كل من ليان و رهف و رفيف و احمد و زين و يزن و ياسين .
و ايضا ايلين التى اخذت الاذن من اخاها لتبقى معهم و روڤانا و ادهم الذي أتى صباحاً
سميره : صباح الخير يا ولاد
سمرا هي الأخرى : صباح الورد يا شوية مجانين .
الجميع : صباح الورد يا اجمل ستات فى الدنيا.
روڤانا: والله احلى صباح فى اللمه الحلوه دي.
ليان : هيييح و اخيرا اتجمعنا تاني يا ست الندله قالتها و هى تنظر لرفيف
رفيف بحزن مصتنع: و انا اي ذنبي بس ما انا كل شويه رايحه جايه مش عارفه اعمل اي والله بس هقرفك ماتخافيش.
ليان بابتسامه و غمزه: احلى قرف يا باشا .
رهف: و انا فين من كل ده يا ست انتي و هي.
ليان و هي تحتضنها: ده انتي القلب يا جميل و إشارات ل ايلين بالاقتراب .
ايلين و هي تحتضنها : شكرا بجد.
ليان : على اي يا حبيبي انتي زيك زي رهف و روڤانا و ايلين .
ايلين بدموع : حبيتي ربنا يحفظك يارب.
ليان : و يحفظك يارب.
روڤاتا : ابغي ادخل فى الحضن العائلي ده.
رفيف : و انا كومان يا زميلي .
ليان و هي تفتح اذرعها لهم: تعالوا يا بشوات احنا نطول .
رفيف : لا تقصروا هأوأوأوأو.
ليان و هي تنظر لها بقرف: يا شيخه جاتك القرف فيكي و فى ألشك.
رفيف و هي تنفض تحتضنها: يا باشا مش مهم المهم اني هاخد حضن معاكوا .
ليان بضحك شديد: والله مجنونه.
و كانت سمرا قد التقطت لهم صور بتجمعهم هذا
الشباب من الخلف : ما خلاااااااااااااااص اي جو العشق الممنوع ده .
ليان : هو اي ده .
زين و هو يجذبها نحوه و يأخذها خارجا: تعالي بس اقولك .
و اخذ كل منهم زوجته ليجلس معها بالخارج .
و بعد وقت كانت سمرا تنادي الجميع من أجل الافطار و لكن يبدو أن القدر غير منصف دائماً و من المقرر على تلك العائلة الحزن
استأذنت رهف لتصعد و تجلب صغيرها من الاعلى فقد كانت تشعر بألم يجتاح قلبها من الصباح و لكن ما أن صعدت حتى تجمدت الدماء داخل عروقها .
رهف و هى تهبط إلى الاسفل و تحدث احمد: احمد ..احمد مالك فين .
احمد بخضه: مالك كان نايم فى الاوضه فوق فى اي .
رهف : مالك .....مالك مش فوق يا احمد .
احمد و هو يتركها و يصعد ركضا للأعلى حتى يتأكد يعتقد أنها مزحه و لكن لم يجده .
رهف و هى تذهب ناحيته : فين ..فين ابني يا احمد.
و فى ذلك الوقت أرسلت إليه صوره على حسابه الشخصي على إحدى مواقع التواصل الاجتماعي تحتوى على صغيره و أحدهم يضع سكينا على رقبته و لم يفق من الصدمه حتى وجد من يتصل به .
مجهول بضحكه خبيثه: احمد باشا اخبارك .
احمد: فين ابني يا ابن ال*** و رحمة ابويا لاندمك.
مجهول ببرود: اهدى على اعصابك ليحصلك حاجه يا ...يا ابو مالك و اخذ يضحك ضحك بشعه بعدها .
احمد: و رب الكعبة لو حد يمس ابني بسوء لأكون مخلص عليكم كلكم يا ولاد ال**** .
مجهول : بص بقى يا احمد بيه القضيه تتقفل و وتسجل ضد مجهول و كل القواضي اللى على ****** تتقفل و الا و حياة ابنك القمر ده ما هتشوفه تاني .
احمد: ولاااا ...يا ابن .......و لكن أغلق الخط .
رهف و هي لا تعي شئ: ابني ...ابني يا احمد .و سقطت فاقده الوعي.
احمد بضعف : رهف رهف فوقي انتي كمان كفايه مالك ياااااااااااارب ..
يتبع .....
#nada anwar 🖤.
