Never Let Me Go | Taekook

Episode 16 : ឆ្កែការពារឆ្អឹង

ភាគទី ១៦...

<  ហាងសាច់អាំង  >

    ទោះពេលនេះម៉ោង 11 យប់ទៅហើយ តែភ្ញៀវនៅឡើងពេញហាង ជាពិសេសគឺក្រុមប្រុសស្អាតស្រីស្អាតនេះ មកស៊ីគឺថាស៊ីពិត អត់មានអ្នកណាផឹកស្រាផឹកអីសោះ គឺផ្ដោតតែពីរឿងអាំងសាច់ស៊ីតែម្ដង ។

< បង Kook ថីបានថ្ពាល់ក្រហមចឹង? សាច់ក៏ពួកខ្ញុំមិនអោយឆាំង ក្ដៅក៏មិនក្ដៅ ស្រាក៏មិនបានផឹក >
ស្ដាប់តាម Sunghoon រៀបរាប់គឺចឹង ហាងនេះធំទូយណាស់ ខ្យល់អាកាសឡើងត្រជាក់ស្រួលខ្លួន ស្រាក៏អត់បានគាស់ផឹក ហើយសាច់វិញនោះ Riki ជាអ្នកអាំង និយាយរួម Jungkook អង្គុយស្រួលដូចកូនសេដ្ឋីចឹង ។

< ឆ្កែខាំ > Jungkook

< ចា៎--?? ឆ្កែខាំ? ឆ្កែណាខាំទៅបង ខ្ញុំអត់មានឃើញឆ្កែអីនៅម្ដុំនេះផង បងអត់ស្រួលខ្លួនទេអី? > Hana

< ឆ្កែរោមក្រញ៉ាញ់ៗនៅក្បែរនេះនឹងហើយ >
Jungkook បែរទៅសម្លក់ Taehyung ដែកបែរមកពេបមាត់ដាក់គេដូចគ្នា សំខាន់គឺចាប់សាច់អាំងជ្រលក់ទឹកម្ទេសដាក់ចូលមាត់ទំពារឌឺថែមទៀត ។

< បង Tae ទៅធ្វើអីអោយចៅហ្វាយតូចខឹងទៀតហើយនឹង? លួងខ្លះទៅ ប្រយ័ត្នបានចេញលុយ > Riki

< គ្មានបានធ្វើអីផង គ្រាន់តែបន្លំអោប ហើយញ៉ោះបន្ថែមតិចតួច អ្នកណាដឹងថាប៉ុណ្ណឹងក៏ប្រកាន់? > Taehyung

< Bullshit ថ្ងៃនេះមានអ្នកណាយកអ្វីផ្ដេសផ្ដាសអោយបង Tae ញ៉ាំដែរអត់? > Hana

< អត់ទេ--ខ្ញុំធ្វើទឹកសូដាអោយមួយកែវ ក្រៅពីនឹងក៏ជារបស់ខ្ញុំញ៉ាំរាល់ថ្ងៃទាំងអស់ > Sunghoon

< មែន!! បង Tae ផឹកទឹកសូដាមិនកើតទេ ឃើញអត់តែបានចូលពោះហើយគឺពុលចេញចរិតចឹងៗមកទៀតហើយ!! > Riki
  ស្លាប់ហើយរឿងនេះចាំច្បាស់ណាស់ តាំងពីបើកហាងមក Taehyung មានអាការៈបែបនេះមកបួនដងហើយបើរាប់ទាំងលើកនេះចូលទៀត ។
និយាយទៅអោយតែបានផឹកទឹកសូដា គឺថាចេញចរិតអន់ ច្រឡឺម ឆ្លៀតឱកាស ហើយធ្វើដាក់តែ Jungkook ម្នាក់ប៉ុណ្ណោះ អានេះគេហៅថា ស្រវឹងខូច ស្រវឹងភ្លើ ។

< ហើយបង Tae ផឹកស្រាអត់បាន? > Sunghoon

< ផឹកមិនចេះស្រវឹងទេ ស្រវឹងតែអាទឹកសូដាដែលលាយជាតិអាល់កុលតិចៗនឹងឯង >
បើនិយាយពីរឿងផឹកស្រាប្រណាំងគ្នាវិញ Hana រាងចាលហើយ កាលពីមុនឃើញលោកបងប្រុសស្រវឹងសូដា ក៏ស្មានថាអត់ចេះផឹកស្រាទើបបបួលភ្នាល់ដាក់លុយ តែមានឯណា គ្រប់គ្នាផឹកឡើងស្រវឹងបែកក្អួត ឯ Taehyung វិញនៅមានស្មារតីរឹងមាំធម្មតា ។