ملكت خاطري

الفصل الحادي عشر ( اجساد غير مرئية ! )

تفحص انس المكان بعينيه وقال بجدية " المكان ده غريب جداً ... انا عمري ما شوفت قبو بيت عامل كده، ده حتى الشبابيك مش موجوده ... وبعدين ايه الصناديق دي كلها وبتاعت ايه ؟! "

ترجل تميم الى احد الصناديق وما كاد يفتحه الا و صرخت اماليا صرخةً هزت جدران المكان من قوتها فصاح بإسمها مرتعباً وفجأه احست هي ان دماءها بدأت بالانسحاب من عروقها رويداً رويدا واختفت مقلتيها فأنعدمت رؤيتها وابيضّ جسدها وتصنم بطريقة مرعبه وكأنها على حافة الموت حتى اختنق صوتها شيئاً فشيئاً وتحول صراخها الى شهقات حاولت بها تنظيم انفاسها

وقف الجميع بعيداً عنها يراقبونها برعب بينما اقترب منها تميم مسرعاً و ضمها اليه الى ان شعر بها تهدأ بين ذراعيه فأجلسها ارضاً وجثى بجانبها وما ان ابتسمت بتعب حتى تأكد ان اخيراً هذه الثوان المرعبه قد انتهت

تنهدت اماليا ثم رمقت كلاً منهم بمكر فنطق انس مرتعباً " ايه ماما ايه اللي حصل ده ومالك بتبصي لنا كده ليه ؟! ... يا خوفي يا بدران تطلعي ساحرة الجنوب الفرع الفرنسي او يكون تصوير هاري بوتر الجزء التاسع الساحرة والاربع ضباط "

لكمه فراس في ظهره وقال بقلق " بس بقى إفصل شوية مش كده ... مالك يا اماليا ايه اللي حصل احنا مش فاهمين حاجه ؟! "

قامت اماليا من على الارض وامسكت يد تميم بهدوء شديد اثار تعجبه والباقين ثم نطقت بمرح قبل ان تركض مسرعه وتميم الى الخارج " اجرووووووا هتتلبسوووووووا !! "

وما ان سمعوا جملتها حتى اسرعوا بالعدو خارج القبو في مشهدٍ كوميدي لأربعة ضباط مرتعبين من اللا شيء ! ... حتى وصلوا الى الباب وخرجوا بسلام فأستفسر انس عما حدث بالداخل للتو " ممكن اعرف ايه اللي حصل ده وايه تفسير اللي انتي قولتيه جوه ؟! "

كانوا جميعهم بما فيهم اماليا يلهثون بشده من سرعة العدو والتعب الذي احسوا به ... فرد فراس بحده على انس " ما تهمد شويه بقى خلينا ناخد نفسنا الاول "

اقترب تميم من اماليا وتذكر ما حدث صباحاً بالسياره وهم بطريقهم الى المطار حيث ...

رفعت اماليا هاتفها لتجيب " الو ... ايوة يا دكتورة انا عملت زي ما حضرتك قولتيلي بالظبط ... لا متقلقيش مش شاغله تفكيري بحاجه "

ليرفع تميم حاجبيه ويطالعها بمكر " اومال في المقر كنتـ.. "

سعلت الاخرى ثم حدجته بنظرات مهدده واردفت " لا مفيش ده تميم باشا "

" طيب المهم ... نسيت اقولك حاجه مهمه "

" ايه هي ؟! "

" في كذا رعشه المفروض تبقي عارفاهم اولهم بتاعت الخطر "

" لا دي انا حافظاها وايه كمان "

" مش عارفه ممكن تحتاجي تعرفي حاجه زي دي ولا لأ بس في اعراض بتنبئ بوجود اجساد غير مرئيه "