ملكت خاطري

الفصل السابع ( طماطم ! )

حدثت مناوشة بين الرائد تميم و النقيب اماليا و بعدها استدعاهم اللواء جمال لمعرفة سبب المشكلة

دخول هادئ لأماليا وتميم بوجهين عابسين متضايقين ... لمح اللواء ذلك فتجهمت ملامحه و قام من جلسه متوجهاً اليهم " ممكن افهم ايه اللي حصل ده ؟! ... ده انتوا لو عيال مش هيحصل منكوا كده ... اتفضل اشرحلي ايه اللي حصل يا باشا "

ابتسم تميم بإستفزاز قبل ان يتحدث بنبرة بارده " والله اللي حصل ان حضرة النقيب مش بتسمع الكلام ومش عارفة تشوف شغلها .."

قاطعته اماليا بوجه متجهم وعصبية حاولت كتمها " حضرتك انا بتدرب حاليا على رمي القنابل و ده شيء كويس ... بس ازاي قبل ما اعرف اسماءها والمهام اللي بيقوم بيها كل نوع ؟! ... وتميم باشا مش متفهم اني مدخلتش الكلية ف بالتالي لازم قبل ما اعمل اي حاجة اعرف عنها كل المعلومات اللي تخليني اقدر اتعامل معاها "

اومأ اللواء واردف برضا " كلام جميل يا حضرة النقيب ... فين المشكلة يا تميم باشا ؟! "

تنهد تميم " المشكلة هي اني مش بشتغل هنا عشان ادرب الناس الخارقين اللي متخرجين من اداب انجلش ازاي يطلعوا ضباط في 5 شهور "

قلب اللواء عينيه وحاول معالجة المشكلة بهدوء " يا تميم يا ابني انت ليه مش عايز تفهم ان اماليا نزلت لنا من السما وانها فعلاً قادرة تغير مستقبل الجهاز للأحسن "

رمش تميم بضع مرات متتاليه بلامبالاه " ايوة وانا مالي ؟! "

استدار اللواء ليجلس مرة اخرى خلف مكتبه " على العموم انت تعبت جداً في تدريب اماليا التلات شهور اللي فاتوا وعملت مجهود تشكر عليه ف لو حابب تنسحب من التدريب انا معنديش اي مشكلة وهخلي حد تاني يمسك تدريبها "

ابتلع تميم لعابه وتوتر داخلياً ولكنه حاول ان يكون طبيعياً بارداً كما يظهر دائماً " طيب حلو ... اهي جات من عندك عشان مكنتش تزعل لو كنت انسحبت من نفسي "

اخذت اماليا نفساً اخرجته زفيراً طويلاً " طب انا هاخد بريك لأني تعبت اوي بصراحة "

رفع تميم احد حاجبيه " ماذا بها ؟! ... لما لم تتناقش مع اللواء ؟!، لما لم تجادله ؟!، ما هذا البرود الذي غطى ملامحها، لم اعتد عليها بهذا البرود، انه جدُّ مستفز ! ... لا شك في انني احب استفزازها ولكنها الان هي من نجحت في ذلك "

خرج تميم متجهاً الى مكتبه يفكر فيما حدث للتو غير مصدق ... يتمنى لو يستطيع صفع نفسه الان على ما فعله، بينما كانت اماليا سعيدة لدرجة لا توصف فالامر حدث فجأة ولكنه نال اعجابها وبشده !

****

 " يا بنتي اسكتي شوية ! "

تنهدت همس بضيق فعاندت رفيف " لأ انا عايزة اعرف انتي جايباني هنا ليه "