ملكت خاطري

الفصل الثاني ( المذهله ! )

بعد عدة دقائق طالعت نازلي هاتفها " يا عيال حد يروح يشوف اماليا ... بقالها كتير برة ما سمعناش لها صوت !! " 

" ماشي انا رايحة .."

قامت همس فتلتها رفيف " استني انا جاية معاكي "

بينما راقبتهن نازلي " اشمعنى انا .. "

شهقت رفيف عندما رأت الباب مفتوح على مصراعيه واماليا غير موجوده " البت راحت فين ؟! "

نظرت همس اليهن و إلى الباب ثم تحدثت بخوف " انا هتصل بأمجد .. "

التقطت نازلي هاتفها وأخذت اصابعها تضغط عليه بعشوائيه " اصبروا بس ... احنا نتصل عليها هي الاول ... وبعدين هي فونها على طول في جيب البيجامة "

بعد اتصالها على هاتف اماليا اكتشفن انه لايزال موجودًا في المنزل مما أدى إلى توتر همس و التي أخذت هاتفها وبدأت بالبحث عن رقم امجد " لا انا هتصل بأمجد ... الو ... الحق يا امجد احنا مش لاقيين اماليا "

قالت بنبرة باكيه فرد امجد بصدمه " نعم !! .. "

****

" اخيرا يا تميم هنقضي معاك اجازة بدل ما انت طول الوقت مشغول كده ! "

استشعر تميم تلك الحماسه التي تملّكت من نبرة صوت والدته فغمز لها واردف " اديني بعوضكم اهو .. "

جلست مليكة بجواره " طيب نجهز الشنط امتى ؟! "

فاجابها تميم وهو يداعب انفها بخفه " بكرة ان شاء الله .. "

****

كاميليا وقد انتفخت عيناها من كثرة البكاء " يا عيني عليكي يا بنتي ... صغيرة عالبهدلة يا حبيبتي "

قاطعها امجد بحده خفيفة بعدما شوشت على تفكيره ، شقيقته الصغرى قد اختفت منذ ساعات ولم يعثر عليها ولا يعرف كيف سيفعل ذلك " اهدي بقى يا ماما خلينا نشوف هنعمل ايه !! "

رمقته الأخرى وعيناها تذرفان الدمع " اهدا ايه ؟! بنتي مخطوفه وانت بتقولي اهدي ؟! ... يا ترى انتي فين يا اماليا يا بنتي "

اما في ذاك المبنى القديم المهترئ نجد اماليا ملقاة على الارض مغشياً عليها ... وحين بدأت في استعادة وعيها وفتحت عيناها، القت بنظرها على طاولة خشبية بالِيَه كانت تقع في منتصف الغرفة المظلمة التي تمكث بها والتي لو لم يدخل شعاع بسيط من ضوء احد مصابيح الشارع من النافذة الصغيرة فوق رأسها ما كانت رأتها ... وعندما استوعبت ما حدث انقبض قلبها واخذت تلطقت انفاسها بسرعة " لأ اهدي بالله عليكي مش معايا الجهاز دلوقتي ... خودي نفسك بالراحة مفيش حاجة بتجري وراكي ... ايه ده ثواني، يالهوي ! ... هو انا اتخطفت بسهولة كده عادي ! ... الله يخربيتك يا عم ابراهيم يا بواب على بيت اللي مشغلك انا مش عارفة انت لازمـ .. "