Atlas Volume 1 [The God Shadow]

Chapter 46

Chapter 46: Ang paghahanap ng mga Success Rocks

Sa loob ng isa sa mga malalaking kagubatan sa nayon ng Atlanya ay makikitang tuloy pa rin sa paghahanap ang labing walong mga batang Trainee dahil wala pa silang nahanap na mga Success Rocks, kahit isa.

Huminto ang lahat sa paghahanap sa paligid at nagtipon-tipon sila sa gitna. "Hindi ito isang madali na hanapan, natitiyak kong tinago nila sa mga lugar na mahirap matagpuan. Hindi ito tulad ng mga pagsubok sa Gifted Exam, dahil hindi natin magagamit ang mga kapangyarihan sa paghahanap..." seryosong sambit ni Hebreo Rio at tumatango naman ang iba.

"Mas maganda kung maghiwalay-hiwalay tayo, upang sa ganun bawat koponan sa atin ay makakabuo ng dalawang-put-isang Success Rocks at magkakaroon na tayo ng isang daan at dalawang-put anim na mga Success Rocks..." tugon ni Cecilia Carelo.

Napanganga naman sa kaniya ang ibang mga kasamahan niya. "Wow...ang talino talaga ng Mama natin, at ang bilis mag-isip..." pagkahangang sambit ni Josh Lakan.

"Oo nga, sana ganyan ka rin katalino Marie para hindi kita aasarin..." sabay pinagtawanan ni Joseph Vegan si Mariecris Polledo.

Agad na ikinagalit ni Mariecris ang mga sinabi ni Joseph. "Kahit na makakaisip ako ng mga paraan inaasar mo pa rin ako! Dahil nakakainis ka! Lagi mong pinapakulo ang dugo ko!" Agad na sinapak ni Mariecris ang ulo ni Joseph kaya napangiwi ito.

Dahil sumang-ayon ang lahat kay Cecilia ay magkasama-sama na nga ang anim na mga koponan na may tatlong membro, at sinimulan na nilang maghiwalay-hiwalay upang maghanap ng mga Success Rocks.

Sa isang sapa na matatagpuan sa malayong parte ng kagubatan na ito ay napadpad ang Team Believe na sina Atlas Dampasigan, Sahara Hatala at Izalem Elfalco sa pag-asang makahanap ng mga Success Rocks dito sa sapa.

Hindi nagtagal ay may nakita si Atlas sa tubig na isang batong kulay asul at kumikislap, kaya abot tenga ang ngiti niya habang kinuha ito sa katubigan. "Sa wakas may isa na tayo!" Napatalon si Atlas sa subrang habang hawak-hawak ang isang Success Rock at ngumi-ngiti naman sina Sahara at Izalem.

Habang naglakad-lakad naman sa gitna ng kagubatan ang Team Dream na sila August Mendez, Adhana Makadatu at Lynn Yarra. Naglingon-lingon sa mga kahoyan si August at mayamaya'y dahan-dahan siyang napangiti sa labi nang makitang may Success Rock sa isang sanga ng kahoy.

Kaya dahan-dahan niyang kinuhit ang likod ni Adhana at agad naman siyang hinarap nito. "Bakit ba?!" Pagalit na tanong ni Adhana kay August na nanatiling kalmado nakatingin.

"Yon..." mababang tuno ng boses ni August habang nakaturo sa Success Rock na nakapatong sa isang sanga.

Napangiti sina Adhana at Lynn nang may isa ngang Success Rock. "August pwede mo naman agad ng sabihin na may nahanap ka eh, hindi 'yong kinukuhit mo pa ako na parang sanggol na nanghihingi ng pagkain..." sabay iniripatan ni Adhana ng mga mata si August.

Parang binaniwala lang ni August ang mga sinabi ni Adhana at nanatili siyang kalmado habang nakatingin sa sanga ng kahoy kung saan may Success Rock. Ang nag-iisa naman sa kanilang koponan na may kakayahan ng teleport na si Lynn ay agad naglaho at nakatayong sumulpot sa sanga ng kahoy at agad na kinuha ang Success Rock.

"Yeah-yes may isa na tayooo..." napapasayaw pa si Lynn sa subrang saya habang nakatayo pa rin sa sanga.

"Ssssss..."