عابد دنقر في الواطة.. وقبل مايحكي لي سكت مسااافة .. ورفع راسه لقيتو ببكي .. ببكي بحرارة .. قلت ليهو يازول افتح خشمك ده .. اتكلم بطل البكا انت ماراجل ؟.
قال لي والله ماعارف .. احكي ليك اقول ليك شنو؟ .. لكن انا طبعا لمن حافظ كلمني .. انو عز الدين ابو مودة عرف الحصل لبتو .. كنت خايف انو يجي ينتقم مني انا وانت.. والله بقيت بجي خاشي الحلة الساعة 12 بالليل .. هارش عديل من يلاقيني في حتة ..
بس الغريبة لاقاني كم مرة وسلم علي عادي .. وانت طبعا برضو ما ح يكون سألك .. انا قلت يكون سكت خايف على نفسه .. من فضيحة بتو ..
المهم انا رجعت اتواصل مع عفراء ..لانها لمن سمعت انو مودة ماتت.. قامت رجعت لي عاددي .. لانو كانت مفتكرة اني خليتها عشان مودة .. وفضحتني معاها نسرين. المهم ياخينا .. باختصار رجعت اتكلم مع عفراء .. واتلاقينا كم مرة ..يوم انا بتكلم معاها بالليل .. اسمع ليك جوطة وكركبة في التلفون .. والخط فصل ..
رجعت اتصلت عليها رد علي اخوها .. قال اسمع يا بن الكلب تاني ماتتصل في التلفون ده .. قلت انت منو مفتكرو حرامي .. قال لي انا اخوها وانت اصبر لي ,..
بعد ربع ساعة عفراء رجعت لي من تلفون اختها تقريبا .. قالت لي اسمع ياعابد .. ماتتصل في تلفوني .. انا كنت بتكلم معاك .. جاء اخوي المتخلف ده .. وخطفو من يدي .. وقال ح يوديهو لابوي .. ويقرا ليهو الرسايل البيني وبينك .. انا والله خايفة خوف شديد .. انو يقرو الكلام .. لانو نحن بنتكلم كلام كعب شديد ..
المهم انا بقيت متوتر .. وماعارف الحصل عليها شنو؟
وتاني هي مارجعت لي .. وكم مرة اتصلت عليها .. من رقم غريب بلقى التلفون مقفول ..
اها بقيت خايف من جيهتين .. طول يومي .. اهل مودة واهل عفراء ..
اها يوم كنت قاعد في كافتيريا .. جات بت سمحة خلاص .. شكلها يحير العقول .. وقالت لي لو سمحت ممكن اقعد هنا .. شايلة ليها سندويش بيرقر وبارد .. قلت ليها اتفضلي .. والله شدة ما سمحة انا لمن خجلان من اعاين ليها .. لكن هي براها خشت فيني .. قالت لي .. ممكن نتعرف .. المهم اتعرفت عليها .. والونسة جرت وطوالي واعدتني نتلاقى .. والله انا جاني فيها شك.. انها تكون مرسلة لي شرك ..لكن بقيت بطرد الشك من جواي .. عشان بقيت خلاص سارح فيها وقلبي راح ..
المهم قالت لي نتلاقى في الشارع البجي من صينية شارع بانت .. الغرب السلاح الطبي .. الشارع داخل على اسكان الجيش .. وماشي على نفق كوبري الفتيحاب ..على الساعه عشره كدا بالليل الشارع زي الوقت ده .. بكون فاااضي ومضلم .. قالت لي انت انتظرني وانا بجيك ..
وفعلا قد كان انا مشيت انتظرتها ..
انا واقف كدا جات عربية لاندكروزر .. لكن ما الموديلات الجديدة دي .. مظللة .. وقفت جنبي .. والقرزاز القدام سيييك نزل . واشوف ليك البت راكبة جنب السواق .. وقالت لي .. اركب ياعابد .. قلت ليها حاضر ..
في واحد نزل لي من الكرسي الورا .. انا ماشايف ملامحو .. نزل من الكنبة الورا وقال لي اتفضل .. انا ركبت .. والله التقول في زول منومني مغنطيسيا .. بكل سهولة وثقة وما كنت شاكي في اي غدر..
بس ركبت لقيت في العربية ناس .. نفرين راكبين في الكرسي الورا .. وانا ركبت في نصهم .. وتلاتة انفار راكبين ورا خالص .. مع باب الخلفية .. قبل ما اتمهل كويس .. حسيت بانو في زول من ورا ضربني في راسي .. ضربة قوية شديد .. ماعارفو ضربني بشنو .. لمن راسي زننننن .. وعيوني ضلمن .. وزي الفي حاجة طلعت من نخريني .. وخشيت في غيبوبة .. بس حسيت بنفسي مافي .. زي نمت ولا الحصل شنو ماعارف .. الضربة يامحمد والله ترمي ليها تور..
لمن صحيت لقيت نفسي مكتف .. يديني مكتفات بوراي ..وكرعيني .. مربطات زي ربيط الحمير .. ورابطين عيوني .. وفي قطعة محشية في خشمي .. والعربية دي ماشة بسرعة مبالغ فيها .. والعربية مشت كم من الزمن انا ماعارف ..
والناس ديل يتكلمو ويضحكو .. وانا شغال ليهم .. اممممم امممممم امممم .. واحد فيهم ضربني فوق راسي .. في نفس محل الضربة القبيل.. لكن ضربني المرة دي بيده .. سكت ساي وقلت احسن استسلم ..
العربية دي ماشة بعد ماصحيت انا من الدوخة .. قريب الربع ساعة .. تاني حسيت بيها وقفت ..
وشالوني دخلوني عرفة .. وفكو مني الربطة حقة العيوون .. وطلعو الحاجة الفي خشمي .. لقيت نفسي في غرفة مضلمة .. لافيها شباك ولاتهوية بس باب حديد .. وبقيت اكورك انتو منو .. وهم لافين وشوشهم بشالات . كدا زي الجنجويد ..لكن شكلهم ماجنجويد ..
المهم واحد فيهم قال لي كورك .. كورك بطول حسك .. هنا شيطان مابسمعك ياكلب .. ياوسخ والله اليلة الموت الاحمر ..
قال ليهم نبدا ياجماعة ؟ قالو ليهو نبدا ارح .. قامو فكو لي كرعيني المربطات .. وربطو كل واحدة براها .. وربطو كراعي اليمين في سرير بجاي ..وربطو الشمال في سرير بجاي .. وانا في الارض .. وهم سته لاحظ .. ومنظمين وعارفين هم بعملو في شنو ..
وانا ماعارف عايزين يعملو معاي شنو .. انا بقيت مشتح .. وكل اتنين قعدو في سرير .. جا واحد عاتي لابس بوت عساكر .. وبدا يشلت فيني .. في المناطق التناسلية .. والله الزول ده رفسني رفس .. لمن استفرغت واغمي علي تاني ..
وبرفس .. وبقول لي انت شايف نفسك راجل موش ؟ طيب تاني الرجولة دي الا تفتش ليها في الاحلام ياكلب .. ولب ولب .. شلاليت بكل قوته .. يضرب وانا اغمر واوعى .. واصحى من الغيوبة القاهو لسه بضرب فيني .. في نفس المنطقة دي .. اخر مرة غيبت فترة طويلة .. لمن صحيت للقيت نفسي بايل في هدومي بول دم دم دم ..
وخلوني مرمي في محلي ده .. بئن من الالم .. والمشكلة انا ماعارف انا وين وتلفوني ماعارفو وين .. والغرفة دي مقفولة .. بس كل مرة بس بسمع صوت الطيارت مارة بي فوق ... وماقدرت انوم ولا اهجس لمن حسيت بالصباح .لاني بقيت بسمع اصوات العصافير والطيور.. وشكلها الغرفة دي في مزرعة .. لانو اصوات الطيور كتير .. ومستحيل تكون في نص المدينة او في مساكن ..
من الصباح جابو لي اكل .. جابه لي واحد لافي وشو برضو .. قصير وسمين كدا ويدو كبيرة وخشنة .. والله ده لو ضربني بقتلني عديل ..قالي اكل عشان نجي نديك درس الصباح يابن الكلب .. اكل كويس عشان تستفرغو بعد شوية .. انا ساسا متألم الم مبالغ فيهو.. درس شنو ؟ اوع يكون دايرين يضربوني في الحتة دي تاني ..
فعلا شالو مني الصحن بتاع العدس الماقدرت اكل منو الا لقميتن .. وجو تاني ربطو لي كرعيني .. بنفس الطريقة وانا بقيت ابكي واكورك .. واتوسل فيهم .. وقلت والله انا انتهيت .. تاني مافي داعي تضربوني .. انا خلاص بقيت زي الحريم .. والله مافيني شي تاني ..
قالو لالا .. الدروس اربعة يامعلم .. ومع اول شلوت انا وقعت .. والله المرة دي قايل نفسي مت .. ولا خاتي امل اني حا احيا تاني ..
والله يامحمد الناس ديل .. انتقمو مني انتقام ..
والله يومين صباح ومساء .. انا بضربو فيني في حتة واحدة بس .. انا وشي ورقبتي وضهري ورجليني وجسمي كلوو اتورم .. مع اني ما تضربت في اي حتة غير الحتة دي ..
انت عارف .. في اليوم الاخير بقيت مابحس بالالم .. زي الكانهم بضربو في حتة مبنجة ..
تاني بس خلوني قاعد جوة وقافلين الباب ؟ ومربطين لي يد وكرعي .. لمن اجي ماشي الحمام والحمام داخلي ببسوقوني مغمض .. ولمن ادخل الغرفة بفكو لي عيوني عشان ما اعرف انا وين بالشبابيك ..ومرات بختو لي الاكل وانا بكون جيعان .. يوم كامل ما ماكل .. يختو لي الاكل .. ومابفكو لي يدي .. الا بعد كم ساعة ..
لدرجة لمن اكون جيعان شديد .. باكل زي الكلاب بخشمي كدا .. ويديني مربطات ..في ضهري بوراء ..
واستمريت قاعد في الغرفة ايام كتييرة .. كم يوم والله ماعارف .. لاني مابعرف الليل والنهار .. انا سمعت عن غرف الاشباح لكن والله دي اسوء منها وسمعت عن عذاب ناس جهاز الامن .. لكن برضو ما ظن يكون زي ده .. ياخي قسما بالله .. ديل ماعندهم رحمة ولا واحد في المية..
طبعا بعد ما الالام ديك بدت تتلاشى مني .. لقيت نفسي ماعندي اي شي .. انا انتهيت يا محمد ..
انا انتهيت من اي رجولة يامحمد .. انا هسي ماعندي فرق من مودة وعفراء ونجود وغيرهن .. انا بقيت عبارة عن صورة رجل بس ..
طبعا بقيت بحسب في الايام بعدد الوجبات البجيبوها لي ..
المهم طالت معاناتي لمن نسيت روحي .. يوم بالليل جو كتفوني من رجلي ايدي ودخلو قطعة في خشمي وربطو عيوني .. زي اول يوم جابوني .. اها شالوني رموني في العربية .. ودورو العربية .. ماعرف مودني وين .. بعد مساااااافة طوووويلة .. فتحو الباب الورا .. ورموني في حتة كدا .. ومشو ..
الحتة فيها تراب .. بعد مافاتو انا طلعت القطعة الفي خشمي .. وبقيت بحاول اطلع القطعة المربوطة في عيون .. بي ركبتي .. بعد تعب شديد طلعت .. لقيت نفسي في شارع .. وجنبو بي جاي بيوت بعيد .. شوية وشكلها غريب .. وشرقو كدا حتة عالية زي الكانها سكة حديد ..
المهم بقيت اكورك .. يانااااااااس في زول هنا؟ .. يانااس ساعدوني .. مافي زول سامعني ..
بعد مسافة كدا وانا مرمي في الحتة دي .. جو تلاتة اعمامك كبار كدا .. لابسين جلاليب .. شكلهم من غرب السودان .. وقفو جنبي جو فكوني وسألوني .. انا اول مالقيت نفسي اتفكيت .. قمت جاري منهم خليتهم لك محتارين ..
اكتشفت انو الحتة دي غرب السكة الحديد بتاعة الرميلة .. المنطقة الواقعة شمال المقابر بالناحية الغربية ..
هل تعلم .. انو انا بقيت حايم في شوارع الخرطوم دي كم يوم ..ماعارف انا امشي وين .. واعمل شنو ..
والله يامحمد انا فكرت انتحر .. بس خايف من الموت والعقاب الرباني .. بس ماعندي اي امل في الحياة .. وفعلا حاولت انتحر اكتر من مرة .. وماكنت جاي البيت ..
لمن لقوني في المسالمة عملت مجنون.. ولقيت دي احسن طريقة عشان اتهرب من الحقيقة .. انا ماعندي امل في الحياة يا محمد .. انا خلاص .. حي زي الميت ..
دي قصة عابد حكاها لي وسكت مسااافة وتاني قعد يبكي ..
والله ياجماعة انا عابد بحكي لي في الكلام ده .. حسيت اني جاتني حمى .. وصدعت .. وقربت استفرغ .. وحنيت عليهو لمن قربت ابكي انا ذاتي ..
قلت ليهو طيب ياعابد .. انت عرفت نفسك كيف انك انتهيت,, ؟ الكلام ده بقرر و الدكتور .. احتمال تتعالج ..
قال لي ياخ اجهزتي التناسلية ضمرت .. وبقت زي حقة الاطفال .. يعني الدكتور ح يعمل لي شنو؟
قلت ليهو احتمال مايكون الموضوع انتهي .. انت بدل تمثل انك مجنون وتتهابل .. واجه الحقيقة ان شاء الله مع ناس بيتكم .. خليهم يشوفو ليك علاج ..
انا بوصف ليك دكتور ..
قال لي ياخ انت لو شفت الضرب الضربوني ليهو .. بتعرف لو في امل .. ولالا .. مافي امل .. مافي امل .. يامحمد ..
قلت ليهو انت بس امشي الدكتور انت ماخسران حاجة ..
ست مسافة .. وقال لي كويس .. انا الليلة بمشي البيت وببقى كويس من الجنترة .. (حركات المجانين) وبحكي لابوي واخوي الحاصل واشوف ..
الى اللقاء..
