unicode
ယနေ့နေသာ၏။
သို့သော် နေခနပူလိုက် ၊ မိုး ခနအုံ့ လိုက် ဖြစ်နေသည်။
"မိုးမင်းမာန်တင်းး..ရွာမလိုနဲ့ ညိုးဟန်ဆင် ..
မိုးမှောင်တွေ...ကျလာရင်..
လွမ်းချင်းဝေသနာလေးတွေဝင်... ဒီမိုးကိုပင်...ပျော်ရွှင်မဆုံး...
အလွမ်း အလက်ာ တေးကလေး ဖွဲ့ လို့ပင်...
မောင့် ရဲ့ ရင်ခွင် ထဲမှာ အတူပုန်းကာနေခဲ့ဖူးတယ်..
မေ့မရနိုင်အောင်လည်းး ရင်ထဲမှာ ခံစားရတယ်..
အချိန်တွေကို သတိရလို့ရယ်...တမ်းတမိတယ်..
အချစ်ရယ်..အချစ်ရယ်...မေ့အချစ်က ဒီ လို ပါပဲကွယ်... "
ရေဒီယ်ို မှာ လာနေသော အဆိုတော် ပိုးအိစံ ၏
သံယောဇဉ် လွန်းတင်သည့်ကြိုး သီချင်းလေး ကို
သာယာအေး တစ်ယောက် ချည်ထိုး နေရင်း..
သံယောင် လိုက်ကာ ငြီးနေမိသည် ။
မိခင်ဖြစ်သူ ဒေါ်ခင်အေး မှ တစ်ဖက်ရွာက အသိ အိမ်မှာ နာရေး ရှိလို့ သွား သည်။ သာယာအေးကတော့ အိမ်မှာ တစ်ယောက်ထဲ ကျန်ခဲ့ကာ...
လုပ်စရာ မရှိသောကြောင့် ချည် ထိုး ကာနေနေသည်။
ထိုအချိန်...
"သာယာအေး ရေ သာယာအေး... "
အိမ်ရှေ့မှ ခပ်စူးစူးဖြင့် မိမိနာမည်ကို အော်ခေါ်နေသည့် မိန်းကလေး တယောက်ရဲ့ အသံကို သာယာအေး ကြား တော့... ဖျာပေါ်မှာ... ချည်ထိုးနေရာကနေ ထကာ အိမ်ရှေ့တံခါး ဆီ ထွက်လာခဲ့သည်။
"ဘာတုန်း မိကြာဉ ရဲ့...တောင်းထဲက ဘာတွေတုန်း"
"ငါနဲ့ လိုက်ခဲ့ပါအုန်းဟယ်... ဒေါ်ချစ်ပု တို့ အိမ်မှာ
ဆန်မှုန့်လေး သွား ထောင်း ချင် လို့... "
"ဟင်...နင်ကလဲ အိမ်မှာ အမေ ပြန်မရောက်သေး ဘူးဟ... "
"ဟိုဘက်ရွာက နာရေး သွားတာမလား.. ပြန်လာတော့မှာပါ... ဘေးအိမ်က ဒေါ်ပုလုံးတောင် ပြန်ရောက်နေပြီ.. "
"အေး ငါ့အမေ အကြောင်း လည်း သိရဲ့သားနဲ့
အလှူ ငွေ ကူပြီး ပြန်မလာ ဘူးလေ.. ရေစက်ချ အမျှဝေ တရားနာ ပြီး မှ ပြန်လာတာ.. "
"မကြာတော့ပါဘူး အခုပဲ ၁၂ထိုးတော့မယ်..."
"အေး သူပြန်လာရင်တော့ လိုက်ခဲ့မယ် လာလာ အခုတော့ အိမ်ထဲ ဝင်ထိုင်ဉီး.."
YOU ARE READING
ပန်းမြိုင်လယ်က မောင့်ချစ်သူ
Romanceရင်ဘက်ထဲက ဒဏ်ရာတွေမို့ ဟန်ဆောင်ကာ ဖုံးဖိထားလို့ ရပါတယ်ပြော လည်း...၊တိုက်ဆိုင်မှုတွေကြုံလာတဲ့အခါ ဟန်မဆောင်နိုင်ပဲ ကျလာတဲ့ ငါ့မျက်ရည်တွေ ကို ဖုံးဖိမထားနိုင်ခဲ့ဘူး...မောင်..💔
