Nahuli ni Don Juan ang ibong Adarna pagkatapos ng maraming hirap at pagtitiis.
Pabalik na ang tatlo sa kahariang Berbanya nang may maisip sina Don Pedro at Don Diego. Matutunghayan natin kung ano ang nangyari.
Nagsilakad na ang tatlo
katuwaa'y nagibayo ,
datapwat si Don Pedro'y
may masama palang tungo
Nagpahuli kay Don Jua't
kay Don Diego umagapay,
ito'y kanyang binulungan
ng balak na kataksilan.
"Mabuti pang dili hamak
si Don Juan," anyang saad,
"at sa ama nating liyag
ay marangal na haharap.
"Pagkat ipaglihim nama'y
mabubunyag din ang tunay,
ang Adarna'y kay Don Jua't
ang sa ating kabiguan.
"Kaya ngayon ang magaling
si Don Juan ay patayin,
kung patay na'y iwan nati't
ang Adarna nama'y dalhin."
Si Don Diego ay nasindak
sa mungkahing kahahayag,
matagal ding nag-apuhap
ng panagot na marapat.
Kaya't kanyang pinag-isip
kung saang dako papanig,
doo't dito'y naririnig:
"Tayo ay magkakapatid!"
Nakahambing ni Don Diego
yaong si Bernadio Carpio,
nagpipilit na matalo
ang nag-uumpugang bato.
Datapwat sa dahilang
ang tao'y may kahinaan,
ayaw man sa kasamaa'y
nalihis sa kabutihan.
Dangan sa kauukilkil
ni Don Pedro'y sumagot din,
kung ang ating lilimii'y
umiiwas sa sagutin.
"Iyang iyong manukala
tila manding anung sama,
alamin ang mawawala
kapatid na ating dakila."
"Kung tunay nga,"anong saysay
"na masama ang pumatay
gawin nati'y pagtulungan
na umugin ang katawan.
"Kung siya'ymahinana't
may sala na ang mga paa,
walang daang makakasama
sa pag-uwi sa berbanya.
"Maiiwan siya ritong isang
nag-iisa't luning-luno,
walang kakanin mang ano
maliban sa mga damo.
"Sa gayon ay maligayang
