لُقياك (عشك الذيب)

﮼البارت ﮼الثالث ﮼عشر🖤

ليل ال قيس.

قصه.. لُقياك (عشك الذيب )
غموض..
البارت الثالث عشر ..

‏"أوضح ممّا تظن، و أعمق ممّا ترى .. ." الذيبة🔥

فجر
واكفه واحس راسي صدع من الغباء الي اني بيه
فجر :انتتتتت دتستوووعب اني شنوووو گلتتتتتت
رايده تسجيلات ٢٠**..

الحارس:ماعدنا الكاميرات تصفر ورا ست اشهر .
فجر :اسد الزمه ..

لزمه اسد دخلت لغرفة الصيانه مال عماره هوايه فايلات
نزلت على ركبي وادور بلصناديگ هوايه تسجيلات
وسيديات وعياط الحارس ثولني جريت كل التسجلات
مال ٢٠**وطلعت بسرعه ..

فجر :هاي هياتها لگيتهن تركه ..
تركه اسد : ماقصدنه نأذيك بس نريد نبرء شخص
من حبل المشنقه ...

حطيت الغراض بـ السياره وتنهدت والخوف اخذ گلبي
صعدنه فوك للشقه اردد وي نفسي ايات ومتوتره جريت
نفس من حط القفل ..

فجر : لحضه لحضه افتح فيديو صور ..
اسد : اللهم اني اعوذ بك واستودعك انفسنا ..
ضل يقره ايات بصوت عالي دخلت للشقه تررراب
حيللل ومتروكه ..

فجر: اا ااسد صور كل حركه بفونك حته ليتهمونا
تزوير ... هز راسه وهو مبلش تصوير احس گلبي انقبض
بس سيرة القتل بهل بيت تخنگ ..

القنفات تراب واكو كزاز على الكاع مشيت بحذر
فضيع وكل نصيحه من عمو كاضم ترن بأذني
تركت خوفي كله وركزت اني حياة شخص بيدي
وهل شخص مضلوم ..

المطبخ مينشاف مشيت للغرفه هي كلش صغيرة
الشقه باب الغرفة مزدوده حاولت افتحها بلقوه يله نفتحت
صاير عليها مال عناكب وتراب رجعت خطوتين
من شفت تحديد هنا انقتلت تخيلت شكلها دمعت عيني
لو مهما مسويه ميصير بهل طريقه تنقتل..

حمحمت: اسد ثبت الفون وساعدني ..
رفعت شعري عالي وبديت ادور بكل خانه وبكل مكان
شد انتباهي جزء من الكنتور مفتوح جرحني..

جريته اكثر انفطر بيدي شهكت وجريته اكو جيس
طلعته دفتر سجل كلش چبير ..

اخذته واسد جان بره يدور خليته على الگاع وكمت ادور
جوه الچربايه اكو مفاتيح سحبتها برجلي وصرت كلي
تراب ..

رفعت الدوشك هم اوراق كلشي شفته سحبته وحطيته بلچيس
اجه اسد يمي ..

اسد: ذيبه والله ذيبه ..
ديتقدم صار صوت طگه جوه الزوليه ابتعد راساً دنجت
ووخرت الزوليه اكو كاشيه مفطوره..