لُقياك (عشك الذيب)

﮼البارت ﮼الخامس ﮼والستون

البارت الاربعون من الجزء الثاني ..
الكاتبه : ليل آل قَيس ..

قصه .. لُقياك (عشك الذيب)
حب / غموض..
البارت الخامس والستون ..

حوراء
شكد كَرهت ناس بس مثل كرهي لحازم محد أجه
مابچيت على موتت جدي ومالك ابچي بسببه لا والله..

ثاني يوم كعدت جسمي بي الم موطبيعي عضامي احسها
تدك ببعض ومااكدر اگوم من القنفه فتحت عيني شفته بعده
نايم گوه كمت عيني حمره ومنقرفه من وجهي عدلت شعري..

جسمي كله يرجف من الوجع نزلت سمعت صوت بـ المطبخ
شفتها ام حازم موجوده ماحست عليه حمحمت : ممكن احجي وياج..

التفتت عليه دتحجي شي وهي معصبه شافتي راساً فزت
: هاي شبيج شكوو..

گعدت بألم على الكرسي مال ميز اجتي يمي رفعت
راسي وضربت على صدرها : ايا مصخم الوجهه الله يطيح
حضك حاازم ..

حوراء : ممكن تكعدين ونتفاهم .. عضت اصابعها وكعدت
ماتعرف شتگول ..

حوراء : بدون تعب اني للبارحه جنت محافضه على نفسي
وبس لكن بسبب ابنج خسرتها وبـ لحضتها خسرت كلشي
والدنيااا سودت بعيني اكثر من ماهي داگتني ومصخمه
ومعزيه بيه Ϫ جايه اتمسكن ولا اتبچبچ مو ابنچ الي ينزل
دمعه من عيني بس جيت اگلج تساعديني بـ الكلام وي عمو
مصطفى حته يسهل طلاگي ..

رفعت عيني بصدمه طبعاً مچانت متوقعه حگلها هيج
: تدرين انتي مرته شرعاً وقانوناً ..

هزيت راسي وكل شبر بجسمي يصرخ بوجع : اي واريد
نتطلك وتفض عندي فلوس وعندي ناس غصباً عنهم يحيرون
بيه بس تساعديني ..

حطت ايدها على وجهها ومسحته : الله كريم بيج شي انتِ..
غمضت عيني الي تحرگني وحجيت بـ الگوه : أي مسكن
عندچ جسمي مداطيقه من الألم ..

كامت وهي تباوعلي بنضرات عجزت افسرها نطتني
حبايه جريت المي ايدي ترجف كمشتها راساً ولزمت راسي..

نزهه: عزه بعيني جسمچ ناار..
شربت مي وگمت للغرفه الجوه ردت افتح المبرده بس
شفتها وطنيه شغلت السبلت ودخلت جوه البطانيه يمههه
جسمي يدگ كله غمضت عيني ..

كاعده بخيمة جدي واني بحضنه ومالك يسولف وياي
ونضحك للحضه حسيتهم صدگ موجودين Ϫ ارادياً
دموعي نزلت بچيت بچي واحس عيني تشع ناارر
ودموعي تچوي خدي واختنگت اشبگ شاهيني
واحس احضن روحي مدااكدر اطخ جسمه
اندار على مالك نفس الحاله شوي شوي بدوا
يتلاشون ذبيت عباتي واشيل تراب والطم
گلبي احسه يتگطع ..