لُقياك (عشك الذيب)

﮼البارت ﮼السادس ﮼والستون

البارت الواحد الاربعون من الجزء الثاني ..
الكاتبه : ليل آل قيس ..

قصه .. لُقياك (عشك الذيب)
حب / غموض..
البارت السادس والستون ..

فجر
كاعدين كلنه بـ الهول طلع قيس بسرعه ركض وصوت
صياح نوروز وعلا ..

نوروز : تعااال على مررتك اَنَــتْ رح توولددد..
انتفضنه كلنه وياها تكهرب جو البيت بلحضات
كمنه شفت اسيل شايله قيصر ويبجي صار ١١ شهر
تقريباً ..

عشق :اطلعي اسيل سكتيه ونوميه وي قسور فوگ ،تحرگي..
صعدت اسيل عشق علت صوتها وتقره ايات رحت وي نوروز
الي تعدل غراض الطفل ..

دخل قيس بكرسي متحرك مال حجيه من تطلع مرات
گعدها بي وهي وجها صار جمره هي بيضهه كلها تحولت
حمره شكلها يخوف كاتمه صياحها بس تووون..

عشق : لتخننگيهههه للطفللل ياااا بس اهدي..
علا : قييس وروححح ابوويههه اذا گلت جههااال
الههه اخللعكك اااااه..

حجتها وهو يلبسها الحجاب ودفع الكرسي : چا مــنــﹻـو الي
يگول هل قطعه منك تجنن ..

علا : اني زماله وحيوووانه ااخ..
قيس: حشاچ ..

علا :***ببرودكك ااخخ يمه وينججج..
قيس : امج تزوجت عمج من مات ابوج ..

علا : مستنتفززززز طلگنننييييييي...
تحجي وتريد تضربه متلوحهه شكلها يقهر ويضحك بنفس
الوكت طلعها بره للسياره اجتي حوريا وعمو ركض والهوسه
صاارت بـ الباب يمه تخوف ..

نوروز : وحده تروح وياها قيصر يصرخ بيد اسيل
متگدرله ..

فجر : اروح اني ..
قيس : فضنهااا تتعازمووون..

ركضت لغرفة نوروز كـالعاده اخذت منها بشت وسحبت
جهازي ،قصي واجب صار كم يوم مو بـ اللبيت ،ركبت يمها
وشفت نزهه هم ..

ضليت كامشته وهي تتلاوه من الوجع والدموع عشرة
عشرة صاح ياسر الي ركب ويانه : عميييي حتدعمنه
اوگف انه اسوووق..

وصدك نزل قيس وياسر ساق بسرعه بس أمان اكثر
من قيس ماطولنه ووصلنه لان دنيا ليل الشواع فارغه
دخلناها استقبلنه رعد چان خفاره ..

رعد :دكتورة خيتي هاي ماوصيچ ..
: عيوني دكتور ..

سحبتها بنيه شابه وي ممرضات وراحت كعدنه بغرفه
وسط حجمها ونزهه تدعي وتقره قرآن شويه وصاحت
ضاربه على صدرها : ماجبنه جنطة الطفل ..

فجر : والحل شلون مــنــﹻـو يروح ..
هزت راسها وراحت بره طلعت وراها شفت ياسر
وي قيس كاعدين راحت يمه : كوم امي روح للبيت
جيب جنطة الطفل بساااع وهدوم لعلا گلهم