لُقياك (عشك الذيب)

﮼البارت ﮼الواحد ﮼والعشرون 🖤

الكاتبه:ليَـل ال قيس .

قصه.. لُقياك ( عشك الذيب )
غموض..
البارت الواحد والعشرون ..

شيتغير اذا احچيلك الـ بيه
و شيغير كلامي بداخلك نَحوّي
افرضلك چنت مو زين، شتسوّي ؟
أفرضلك چنت مهموم من ناسي
تگدر بيدك الترفة تضم راسي ؟

فجر
وصدك سواها يومين هو ماكو احس رجع گلبي يوجعني
لان هو ماكو كل لحضه اشتاق بيها اله احضن البدي
مالته من اجه بات يمي اني احبه بس كرامتي
ونفسي متسمحلي اسامحه مو سهله چذب عليه
عاش وياي بچذبه وتركني سنين احسه وياي من
اول مره شفته لحد هل يوم احسه وياي ..

لم اكذب عليك عندما اخبرتك ذات مره
انك ستبقى معي حتى في غيابك ..

تنهدت وكملت غسل المواعين اخذت امير مِہטּ زينه
لان نايم صعدته بغرفتهم ورحت لغرفتي ملل هل
يومين لان عطله جمعه وسبت وقضايا ماكو
يـعـنيہ نسبياً هدوء ..

رحت ذبيت هدومي ولبست بنطرون مال نوم مشطت
شعري وحطيت عطر ولبست البدي مالته ريحتة تخدر
جسمي كله خاصه بيها ريحه الجكاير حضنت نفسي
ومتذكره حضنه ذيج المره وجمال جسمه وعضلاته
الي فهيت عليها ضحكت وضليت اگلب بـ الأيباد
خدر جسمي حضنت مخدتي واخذني النوم ..

وعيت على اذان الفجر هامله صلاتي حيل هل أيام
عيني ملزگه مال نوم رحت على البلكونه عسى ولعل
اشوفه ..

مارايد تردلي بس رايد حَل ..
كل ساعه ادورك واتعب وماكو حل ..

رحت توضيت لبست ازار الصلاة لزمت القران
ضليت اقره بين ما يخلص آذان احس ارتاح گلبي
شويه بسته وسديته ..

كمت صليت الفجر واخر سجده حيل طولت بيها
لااراديا دموعي گامت تنزل وگلبي نغزني مشتاقتله
وتعبانه حرب نفسيه دتصير بيه..

سلمت وگمت مسحت وجهي شربت مي ومددت
ضليت استغفر مگدرت انام تنهدت واخذت حبوب
منوم قويه جنت اخذها من صار بيه ذبحه حيل تريح
شربتها وشربت مي رجعت لفراشي حضنت مخدتي
وعيني شوي شوي بدت تغفي حسيت بأصوات مزعجه
بس مابيه افتح عيني ..