لُقياك (عشك الذيب)

﮼البارت ﮼الثالث ﮼والسبعون

البارت الثامن الاربعون من الجزء الثاني ..
الكاتبه : ليل آل قيس ..

قصه .. لُقياك (عشك الذيب)
حب / غموض..
البارت الثالث والسبعون..

عشق
منزله راسي على الكتب الي مزروعه على الچربايه
وعقلي احسه متبنج من اللود الي صاير عليه الاستاذ
قَسور فد مره مسترعن واله حضن وتعلم على التفرفر
من وراث بـ البيت نازل من واجب يشيله ويفرفر بي
هواي شايل عني ويساعدني والكل بـ البيت ممقصرين
وولا اني مقصره غير وي وارث احس مشتاقتله حيل
رغم وجوده..

رفعت عيني من سمعت الباب دتنفتح دخل وارث شايل
قَسور ومنومه على چتفه وايده الثانيه بيها اكياس نمنميات..

كمت من الفراش ورحت اخذت قسور منه باس خدي
: هاچ ذني رايح يم اخوتي ..

هزيت راسي وچان بسابع نومه الحبيب قَسور بوجهي
للحمام غسلت وجهه مدبگ ونضفته عنده سالفه حلوه
لو مدري شنو صار مايگعد اذا نعسان بدلتله فز وتنحس
حطيته على چنفي نااام لأول مره ..

انداريت للمرايه مكفوشه وحالتي حاله ، لميت الملازم
واصلاً اليوم خميس باجر اقرع عود ، لميتهم وغيرت الفراش
مشطت شعري ورحت عدلت الغراض الجايبهم بـ الثلاجه ..

رجعت للمرايه لابسه دشداشه صيفيه قصيره لون ابيض
حطيت مسكاره وحمره خفيفه وعطر ، كعدت على القنفه
وشغلت التلفزيون بس منصيته شويه وانفتحت الباب دخل
وهو يحرك جسمه حتى يطگ ضحكت ..

التفتت عليَّ وفتح قميصه وراح للكنتور: زين ماگعد وتعبچ..
عشق : لا فدوه لعمره هاديء كلش ..

هز راسه بأبتسامه وراح يسبح ضليت اتابع الفلم الى ان
طلع من الحمام وكف كدام المرايه تقدمت منع وسحبت
المنشفه نشفتله ضهره ورگبته ، بحركه وحده التفتت
ورفعني گعدني على الميز ..

عشق :هههههه متبطل سوالف مال غفل ..ضحك بهدوء
وباس خدي : اوف ولج شحلات الغفل بويه..

عينه بعيني نزلها يتفحص جسمي ولبسي حاوطت رگبته
وقربته عليه : ممم عجبتك ..

عض شفته متحلف وهو يضغط على خصري
:تجنين على روحچ بهاي السوالف ولچ وانتِ ترفه
ماتتحملين ..

مشيت ايدي على صدره وضحكت : اوووي شبيك
منسولف يـ؏ـنيہ ..

عض اصابعي ضربته بجتفه محسيت بس منكتمه انفاسي
بسبب بوسته المفاجأه ، أذني واختنگت دفعته من صدره
واحس الهوى راح ..

:هو اااا هو هيججج .. احجي واجر انفاسي بقوه..
مسح على شفتي بأبهامه : صار شگد حارمتني بشرفچ..