لُقياك (عشك الذيب)

﮼ماقبل ﮼الأخير

ماقبل الأخير ♥️
(مُعدل)

لُقياك (عشك الذيب)...
الكاتبه : لَـيـل آل قيس ..

فجر
دانزل اشوف وي قصي صاح بيه : ضلللي لا تجين..
تقدم هو ايده على سلاحه الي بخصره وعينه تتفحص
جميع الجهات بس ضلمه هَندس ماكو أي شي..

متحملت وفتحت الباب نزلت بسرعه الهم شهگت بخوف
واشوف بنيه ممدوده على الگاع واحد باوع على الثاني
: قصي هاي شنو ..

مسح راسه وقاس نبضها : وحده من الكل او مغتصبيها
لو طالعه برضاتها ومغدور بيها لو هاربه من تعنيف ..

متت خوف وماكو احد سيارات قليله يمنه لكن گدامنه هواي
سيارات لان وصلنه لبوابة بغداد شالها : فتحيلي الباب
بسرعه ..

فتحتله باب الورا ومتوتره كلش هو شكله طبيعي بس شكل
البنيه يقهر حيل مضروبههه هوواي حسبي الله..

مددها ورا واخذ العبايه الچانت بيدي ذبها عليها وسد
ضوايات السياره الجوه : لتتوترين هاي شبيج ..

: قصي ها شسمه مو سيطره حموت خوف..
قصي : وياج انه عليش هل خوف ابويه ..

توترت اكثر وگلبي يدگ بقوه لزم ايدي چلبت بي اكثز
وصلنه للسيطره : سنويه وافتح الصندوگ ..

ابتسم ونزل المرايه سحب منها سنويه : تفضل سيدي شي ثاني..
رد عليه الضابط بتكبر : اي شكو سياره مضلله ومنين جاي..

سحب هويته مدري شنو وهو مدنج وحچه بحده
: عينككك أبني عينككك وخرها ..

: فضنه عاد .. نطاه الهويه بسرعه ارتد ودگ رجله
على الگاع وضربله تحيه : سيدي اعتذر تفضل ..

: لا تعتذر بس لا تنتقص من بشر صح تتعب
بس هاي وضيفتك وهذا أختيارك محروسين ابويه..

دگ هورن ومشه لساني معگود بس اتلفت على البنيه
: زين هسه شنو ..

قصي : ناخذها للمستشفى غير وجهه منعول ابوه..
: بس اخاف ..

قصي : عيديها بـ؏ـد حتى اضربچ بگفى ايدي بابه
شايفين اشكال والوان ..

سكتت والخوف متملكني شويه وبده صوت أنين
وهمس ممفهوم : اا يـ مه اهء..

قصي : قيسي حرارتها واذا واعيه نطيها ماي..
هزيت راسي وانداريت قبل Ϫ امد ايدي حسيت
بحرارة جسمها بس تهلوس ومافاتحه عينها..

: نار حرارتها بس مو بوعيها ابد مسح على شعره
ومشى بسرعه هستوها الدنيا بدت تضوي ..