لُقياك (عشك الذيب)

﮼البارت ﮼الأربعون

البارت الخامس عشر من الجزء الثاني ..
الكاتبه : ليل ..

قصه .. لُقياك (عشك الذيب)
حب / غموض..
البارت اربعون..

ليسَ لدَيّ القُدرة لأبتَعِد عَنك
كُنتُ دائماً أعودُ إليك ، لأُخبِرُكَ بأنّي لَنْ أعود .

فجر
تبلعمت واني اشوفه لازم فوني جسمي كله رجف ..
: شنو شنو..

قصي : منطيج ثقه وتعرفين كلش زين ماحب
اشوف جهازج والمحااادثات بس هاي الرسايل
شنووو زملاء على عيني وراااسي بس بطلي..

لزمتني الدوخه احس ضغطي هبط اثاري شايف
محادثات مال گروب الولد وويانه البنات الي چانو بـ الكليه...

جريت نفس : ميحتاج تصيح ممسويه شي غلط
تكدر تفهمني بأسلوب احسن ..

اجه لزمني : شبيج وجهج اصفر باعي عليه ..
فجر : Ϫ مابيه بس صعدت بسرعه ..

كعد على مكتبه وكعدني كدامه : اغار تعرفين شنو
اغار واضوج من احد يحجي وياج وخاصه من جامعتج
او من المكتب ولج اختنگ والله حسيي يابشررر

ابتمست عليه شلون يحاول يضبط اعصابه وميعصب
شرايين رگبته برزت تلمستها بهدوء : محد يملي عيني
غيرك والله محد وكلامي وياهم محترم وطبيعي
وهم كلهم مرتبطين واكو الخاطب ومتزوج والبنات
محترمات بس هُم شويه ميانه ويتشاقون ولتخاف ماسوي
شي غلط ...

قصي : ثقتي بيج عميه عميه شكد ماكلج اثق بيج
متصدگين بس اثق بيج واعرف مرتي شنو ..
لزمني گلبي وبلعت ريكي وحضنته :خل نحضر
ملابسي عندي واجب ..

فجر : شكد تطول..
قصي : ١٨ بـ ٩ تسع ايام هنا و١٨ واجب..

فجر : هواي والله كلش هواي..
قصي : شغلي حبيبي انتي شغلي هذا ..

فجر : كلشي جاهز بس اكويها واجيبهم..
باس خشمي وشال اللاصق : ها يأذيج..

فجر : مرات بس مو دائماً ..
قصي : اذا صار شي ونزف احد منهم ياخذج خوش..
فجر : اي تمام انت ووارث سوه ..
قصي : تقريباً هو ١٨ بـ ١٠ ..هزيت راسي ونزلت..

مشت الايام قصي ملتحق رحت كم مره لمؤمل وديانا
شافوا الصور لو تخبلوا سحلوا روحهم يردوها ..

مؤمل : شلون جبتيهااا احجي وليش مو الاوراق بس صور..
سديت تلفوني : ممكلفه اكلك شلون جبتها ومنين بس
الاوراق كلها تثبت انو شركه اخوك غطا لتجارته..