لُقياك (عشك الذيب)

﮼البارت﮼الخامس﮼والثلاثون

البارت العاشر مِن الجزء الثاني ..
الكاتبة : ليَّل ..

قصة.. لُقياك ( عشك الذيب )
غموض/حب..
البارت الخامس والثلاثون..

قولي لهنّ : يحبّني وأحبُهُ
‏قلبي يهيمُ به، كذلكَ قلبُهُ
‏ولربما تهواه ألفُ جميلةٍ
‏ذا ذنبُهنّ، فما بذلكَ ذنبُهُ!
‏دأبي أطوّقُهُ بسيلِ عواطفي
‏وعلى دلالي قد تعوّد دأبُهُ
‏ينسى الوجودَ إذا جلستُ بقربِهِ
‏و يُحيلني مثلَ الفراشةِ قربُـهُ .

فجر
متمدده بحضن ماما وصافنه ماعرف شنو اسوي واقرر
ابقى لو ارجع وي اهلي دفنت نفسي بحضنها ماعرف
اي شي اتصرفه مر الوكت بسوالف حيل تفاجئت من
سواية عمر وي العنود صح هي عنوديه وراسها يابس
بس مو مال يغصبها هو كلش هاديء وعقلاني بس مدري
كلت افرغ واخابرها هاملتهم هل ايام ..

ע تغيير نضام وروتين نفسه بأيام بقية اهلي استلمهم
همام ابن رعد يفرفر بيهم وطبعاً ﭑحنه كلنه ويا بحيث
خبلناه للولد اسبوع بس يفر بينه اهلي واني وقصي دوام..

وعشققق يااعشق دخلت حالة نفسيه لان حامل وهي
ووارث علاقتهم متوتره عبالك اني وقصي شلون علاقتنه
قويه هو مگضيها مكافش والله..

وياسر اعتذر من رعد بـ الديوان وسدوا سالفة ياسر وضحى
حسب حچي قصي يكول بس تصير كليه يتزوجها غصب عن
الكل وطلعوا كلهم طباگات ومخابيل ..

عشق : وين صافن حماري اللطيف يلا نتغده..
كمت من حضن امي ورحت ورا عشق داكتلها لزمت
بطنها :نننن عندي حصانه محد يمد ايده عليه نن..

الحجيه : لتتمركضين ولچ وانتي الخبله شوكت تشيلين..
فجر : متملين مني انتي ياحلوووه ماشيل اني مابيه حيل..

الحجيه : هاي الاحجي عليها النص ادميه حبلت انتي شعازج..
فجر : بيبي فَدوه سدي الموضوع..

الحجيه : وراكم وراكم بسيطه مثل ماحبلت هاي انتي هم..
اجانه صوت من ورا خشن : ليـشـہٰ حجيه انتي حبلتيها..

شفته وارث و الولد كلهم اريد اسكت عاد متت من الضحك
كلنه خربنه ضحك من يتگابلون بيبي والولد الغلط والتجفص بفلس..