لُقياك (عشك الذيب)

﮼البارت ﮼السادس🖤

الكاتبة : ليَّل..

قصه .. لُقياك (عشك الذيب)
غموض...
البارت السادس...

النسيان غير مجدي .. نريد طريقة نتقيأ بها الاشخاص..

الماضي...

اليوم واللحضه المنتضره كاعده والبنيه تسويلي شعري
مرجعه راسي توتر وخوف وقلق وفرح وهذا يوم زواجي
صار اسبوعين معطله نهاية السنه واستلمت نتيجتي ناجحة
وبدرجات عاليه اصر نقدم العرس بحيث عقدنه اول يوم
عطله مهري صار قرآن والمؤخر بابا يعرف حالة قصي
گاله حته اضمن حقها وهاي دنيا كلشي يصير بيها فـ سجلي
مؤخر 3 ملايين وساعد بجهازي بـ الي يكدر عليه صافنه
متذكره الحنه والعقد وارجع اتذكر اول يوم لقائنه شفت بدلتي
وهي فستان يعتبر بسيط مو بدله ردناها نازله من الاكتاف
وقماشها النقشه منه وبي كلش بسيطه حبيتها مثل مال حوريه
بس يادوب قنعت قصي بيها ... فزيت على صوت ماما ..

نوره: ماشاء الله حبيبتي شهل جمال اللهم صلي على محممد..
دمعت ؏ــينيہ صعبه البيت الي متربيه بي من انتﻱ وطفله
واهلج احس گلبي كام يدگ بسرعه فرح وخوف وحزن شعور
شما اوصفه مينوصف ..

شفت نفسي للمره الاخيروهاي رجالي وفه بوعده
واني داترك بيت اهلي ويزفوني اله ارتباك وقلق
كل خطوه مني بلبيت تجي ذكرى ببالي هنا سويت
وهنا لعبت وصلت لاخر درجه رفعت راسي كدامي
بابا واخواني وجدو محمد هم واكف ﮪواي تكفل
بـ اشياء تخص زواجنه اول شي بست ايده .

وراها رفعت فستاني وحضنت بابًا كمت ابجي شي
كلش غريب حروح لغير بيت وغير بشر اعيش
ويا وهواي اشياء تغيرت صح احبه حيل لقصي
بس حب الاب والاخوان غير عن الحبيب ..

بوسوني اخواني وبابا ؏ــينيہ مدمعه لزمني بابا
انصدمت من كمية الهيبه والفخامه الي شفتها
گدامي لابس قاط اسود وقميص ابيض بدون رباط
احس روحي فهيت عليه لزم ايدي احس بدفو ايده
يحتويني بابا ضل يوصي عليه وهو يحلفله بيه ..

قصي :حــچي هاي بنت روحي وعرگ گلبي مستحيل أأذيها ..
اني بس منزله راسي طبعاً مسوينه عرس لان ناس ماعدنه
وحالة قصي معروفه بابا گاله خليها الفلوس تفيدكم الكم
بلبيت..

ركبنه بسيارة صديقه المهندس عاليه وسوده حلوه مزينيها
بورد ابيض واشرطة سوده كلش فرحانه وخايفه داخله
لعالم ثاني عالم جديد وي اكثر شخص حبيته بحياتي ..

لزم ايدي وباسها:اعشق كلشي بيج احبج حيل وماجاي
اصدگ صرتي حلالي .. رفعت وجهي اله..
فجر ؛احبك اني..
قصي : ولچ احبچ يااااعرگ گلبي..