لُقياك (عشك الذيب)

﮼البارت ﮼الـثاني ﮼والسبعون (حور)

عمري البارحه القصد لا تعلقون بس بسمايلات
يـ؏ـنيہ من تكتبون ووياه سمايل عادي
لكن وحده Ϫ ( وعلى راحتكم تعلقون او Ϫ )♥️

البارت السابع الاربعون من الجزء الثاني ..
الكاتبه : ليل آل قيس ..

قصه .. لُقياك (عشك الذيب)
حب / غموض..
البارت الثاني والسبعون..

حوراء
صافنه على سقف المستشفى بدون كلام احس لساني
نعگد ماكدر انطق ولا كلمه تلمست بطني رايحه ولدت
ابني بعملية بنج موضعي لان تعبت ماگدرت اولد طبيعي..

انفتحت الباب ودخلت عشق وخاله ام حازم
تلمست راسي :حمدلله على سلامتج أُمي حبيبتي..

:ساعه بيش.. حجيتها ورفعت نفسي ساعدتني عشق
:حبيبي صرنه بـ اليوم الثاني الضهر..

:ابني وينهه ..بعدني داسأل دخلت الممرضه بسرعه
ووياها ابراهيم ابتسمت بس تلاشت بسرعه من
حچت : الطفل وضعه مايبشر بخير لازم متبرع
بـ الدم الممرضات غلطوا غلط كلش چبير من قصوا
الحبل السري بسرعه..

حوراء:ابررراهيم ابني شبي فدوووه وينه اشوفه.
ابراهيم:ششش اهدي حَبيبتي خيتي مابيه شي هسه
نتبرعله دم ششش جرحججج..

شهكت وحركت رجلي اريد اكوم اشوف ابني
حضني بقوه واحس مواقف خسارة كل شخص
بحياتي صارت گدامي طلعوا برا بقه بس ابراهيم
ويايه ابتعد كمت لا ارادياً اضرب بوجهي كارهه
جسمي وروحي وكَلشي كدامي..

: ابررراااهيم ابننني هذا شاااهيني ماريده يروح مني
عليك الله ابراهيم..

لزم ايدي مبعدهم من وجهي : اهدئي شويه هسه رايح
اشوف زمرة دمه شنووو ..

:اخذني اخذني وياك انه فدوه ..
صاح بيه مسحت دموعي:بسسسس اسكتي اخذج
بس بچي مااريد..

هزيت راسي آჂ̤ آჂ̤ وخرت الغطه اخذ الروب
وساعدني البسه اخذ العمود الي حاطين بي المغذي
كمت بوجع وحانيه ضهري لزمني من ايدي ومن ضهري
فتح الباب ضميت نفسي بي ماريد اشوف احد لمحت عمو
مصطفى وياسر وارشد..

مصطفى : خير ابني وين ماخذها ..
حرراء:ابني ابني اريد اشوف ابني ..

تمتمت بهدوء ومشاني ابراهيم تصادفنه وي الدكتوره
:ها حَبيبتي سلامات..

:دكتوره ممكن نعرف زمرة دم ابنها شنو ..
: o+ واهب عام لكن المستلم فقط من نفس الزمره..

ياسر: انه o بس سالب..
مصطفى : لحضه لحضه حازم وين هو نفس الشي..

انتفضت بسرعه: لااا سسكررران شتنطووون من دمه
سكرران ..