لُقياك (عشك الذيب)

﮼البارت﮼الرابع﮼والاربعون

اكو كم بنيه بـ البارت السابق لا ركزوا
ولا فهموا كلام حوراء ..

المتعارف عن الغجر اغاني ورگص
وشرب بس هم غير غير عن كل الغجر
واشيائهم السلبيه لان اختلطوا وي المدينه
وشاهين غير هواي اشياء من اطباعهم
ولهل سبب هم قليلين لان هل شي ماصرف
للباقي ويارت تركيز من تقرون ولتفسرون
كلام اي بطل على مزاجكم🥰

البارت التاسع عشر من الجزء الثاني ..
الكاتبه : ليل ..

قصه .. لُقياك (عشك الذيب)
حب / غموض..
البارت الرابع والاربعون ..

‏شخص واحد فقده يشق القلب،
ثم يتساقط الآخرين من نفس الثقب بدون ألم
، بدون انتباه حتى..

فجر
مر اليوم ادك عليه ميجاوب عرفت رايح
لحنة صديقه ضليت الوب كوه اكلت احس مربوطه
من هو ماكو وضايجه ومداكدر اسوي اي شي ..

لليل هو ماموجود ونغم متتحاجه اعصابها فول وعشق
وعلا ياكلون ويسولفون على البنيه الجايه طگت
روحي صعدت فوگ منتضرته ..

تأخر الوكت شويه ودگ عليه : بايت برا لتنتضريني..
كالها وراساً سده احس لو كدامي جان خنگته راسي
وجعني اكثر ومسطووووره كوه حامله روحي ..

دموعي ضلت تنزل غيره وخوف بدونه ولا يتركني
مثل قبل طلعت للبلكونه كعدت ماحسيت شوكت اذن
الفجر وشوكت طلع الصبح كلسع اكعد واغفه ..