لُقياك (عشك الذيب)

﮼البارت ﮼الرابع ﮼والسبعون

البارت التاسع والاربعون من الجزء الثاني
الكاتبه: ليَّل ال قيس..

لُقياك ( عشك الذيب)
حب 🗝🤍.
البارت الرابع السبعون..

فجر
من رجعنه للعماره هواي اشياء تغيرت اولهم قصي
صار كُلش بعيد عليه الى درجه فضيعه ، حتى بـ النوم
احس عليه ينتظرني انام يلا هو يجي والصبح كذلك
يطلع مغبش ..

نفسيتي ووجهي تدمروا وجهي اصفر وعيني داير مايديرها
اسود وبس ابجي حرفياً بس ابجي ، مااعرف شنو اريد
خايفه حيل لا يعوفني او يتزوج عَليَّ وحده ثانيه
وتجيب اله أطفال واني انترك ..

بس التفكير بهذا الشي يرعبني ، جنت واكفه كدام
الشباك مَيلت راسي شفته اجه من الواجب بسرعه مسحت
وجهي ودخلت جوه لفراش غمضت ، جريت انفاس بقوه
وزفرتهم حتى ييين نفسي منتظم ، هدء جسمي ، شوي
والباب انفتحت سمعت صوت سويچه والطَبه مال جنطه..

دگات گلبي عاليه كَلش تقرب عليه باس راسي فتحت
عيني بخفه وحضنت نفسي اكثر ، ابتعد عن راسي
وهو يكعد يمي بهدوء..

مد ايده لشعري واصابعه تغللت بشعري غمضت واحس وانفاسنه
تحجي : ليـشہ هيج متلفلفه شبيج..

فتحت عيني ببطىء ورفعت نفسي : بردانه ، شلونك..
هز راسه وگام : حمدلله بخير ماكله زين اخذتي علاجاتج..

: اي اخذتهم بس نعسانه .. طگ رگبته وفتح سترته
ذبها ونزع البدي : عادي بي نوع من المنوم والمهدء..

فجر :اوكِ جوعان..
قصي :اكلت وي اصدقائي ..

فجر : شعجب مگلتلي..
اندار عليَّ وبيده منشفته : شوفي جهازج يله تحچين..

عافني وراح للحمام جريت تلفوني شفته مراسلني
هفف ، غطيت راسي بـ البطانيه وغمضت عيني
شوي والباب حسيتها تنفتح مال حمام وريحة الشامبو
مالته تفووح منه ءحح ..

حسيته اجه يمي رفع الغطه ودخل حضني وراسه
صار بين راسي وجتفي وزع قبلاته بعشوائيه وانفاسه
العاليه لعبت بعدادات گلبي عدلت نفسي وحضنت راسه
العب بشعره ..

شويه ووخر وهو يلهث : ميصير ميصير خاف تشيلين
لازم دكتوره .. احس مدري شصار خجل على حب اله
وخوفه عليه هزيت راسي هو مدد ..

مسحت على شعره بهدوء : احس بيك شي تعبان ..
قصي : امي وسوالفها..

فجر :شبيها نوروز..
قصي :نوروز شعليها ولج امي سلمى ..

فجر : اسفه نسيتها واللــہٰ آჂ̤ شكو ..
قصي : اخاف رب العالمين يعاقبني بيها احنه كلنه
ممقصرين وياها ونروح الها كل يومين ومسواك وفلوس
بس مااعرف..