لُقياك (عشك الذيب)

﮼البارت ﮼الثاني 🖤

الكاتبه:ليَـل ال قيس

قصة ..لُقياك (عشك الذيب )
غموض..
البارت الثاني ...

ياليتني لم ألتقي بهم ، ليتهم كانو غرباء الى الآن ..!

الماضي..

فجر
مشت ايام الرابع طبيعي بس انزرع بيه حب قصي
او مو حب مااعرف اوصفه بس من اتذكره احس
روحي بعالم خاص مابيه احد واتمنى اشوفه وكل
طلعه لازم المحه بشارع ...

بـ؏ـد انتهاء امتحانات نصف السنه فد يوم بارد
كلش وكل البيت افلاونزا حته صديقتي مريضه كعدت الصبح
زينه تسوي كمادات العلي مصخن لان داوم البارحه
واخذ برد ..

زينه:ها حتداومين يولي لج بارده..
فجر:لو بيدي ماداوم اصلا بس امتحان وبعد
ماينعاد وماريد اضيع درجات ...

زينه:الله يسهلج حبيبتي يلة گومي ..كمت بلگوه
غسلت كزبر جلدي المي بارد ومفاتحين السخان..
صليت بسرعه ورحت لبست هواي الكنتور كله
لبسته لان اني مِن نوع الابرد حيلللل ..

شربت چاي وحليب دافي لان بلعومي مجرح
نوره :الله يوفقج حبيبتي يله روحي انتبهي على روحج ..

بستها ورحت يم بابا وصلني بسيارة اوس ضليت اراجع
عندي التحاضير بابا نطاني الف ونزلت ..

فجر :شكراً بابا احبك ﮪوِٰاي ادعيلي..
مرتضى:الله يوفقج يابه حبيبتي..

دخلت كلش قليلات بنات ورحمة ممداومه هم مريضة
اهووو فد ملل گوه مشه اليوم واني والكحه والتعطس
مالتي.

ماصدگت اخلص سلمت على البنات الي اعرفهم
لبست كبوس الجاكيت وضميت كتبي وطلعت
انتضر محمد او اوس مشه الوقت البنات بدو يقلون امشي وخايفه.

ضهريه محد اكو بلشارع بس عمال ويخوفون حيل
حذائي فلت القيطان نزلت اشده شهكت مِن حسيت
بضل گدامي كمت اتشاهد من الفزه اجه واحد كدامي
شكله حيل وصخ مو تراب لا نضرته وصخه.

:تعالي ويايه
فجر:وخر وين اجي وياك..
:خرب عمي باع الصوووت داكلج تعالي

جر ايدي: شبيكككك وخرر ساعدووني
اخخخ ايدي حيوان عوفني..

:حيوان مو ههه هسه نلعب شويه واعوفج
رايدج من بداية السنه ..

تقرب اليه ويجرني اني بلگوه مثبته نفسي
عطت بأذنه ودفرته واني ميته خووف وبجي ركضت بسرعه