لُقياك (عشك الذيب)

﮼البارت﮼الثاني﮼والثلاثون

♥️ليل
اكو ديگولون منعرف شنو قصه عشق ووارث
لو مركزين ببارتات الجزء الاول چان فهمتوا
انو تقريباً نفس قصه قُصي هم تزوجوا وتركها
بس الفرق انو وارث چان بشخصية أُستاذ بمدرسه
اهليه وحَبها لعشقه وتزوجوا بـ؏ـد ما كبرت وهي
ماتعرف انو هو ضابط وورا اسبوع من زواجهم تركها
وللعلم حِملت وماتت الطفله ببطنها بـشهرها السابع ..

وگلت بسبب ضروف واشكالات مااگدر اذكر قصتهم
من البداية...

******* والي ماحابه القصه ياحبيبتي اتركيها والي
ماتحب القصص الطويله وحياتهم اليوميه تتركها او
تعتبرها يوميات ابطال اني مااترك القصه هاي خصوصاً
لان الها مَعزه بگلبي كُلش چبيره ...

استمتعوا اسفه عَ الاطالة ♥️

البارت السابع من للجزء للثاني ..
الكاتبه :ليَّل..

قصة ..لُقياك (عشك الذيب)
حب /غموض ..
البارت الثاني والثلاثون..

نغم
من لقائنه ببيت اخته هواي اشياء تخربطت بيه وبمشاعري
مو حب وانما احساس حلو مماره بي ابد كل يومين يتصل
من جتي عشق خطيه التهيت بيها الى ان بدت تصير زينه
بس هم تعبانه افتقدته حيل هو يلتحق واني بـ البيت وي عشق
صح متعبت وياها بس هم مشغوله وامتحانات فاينل بس ضجت
من سألته على اهله عبالك حطيت ملح على جرحه
حجه بنبره حيل عصبيه ..

: نغم هل موضوع ارجوج لتفتحيه ابدددد ..

محجيت ابد بـ؏ـد بس ثگلت وجهي عليه وهو بي طبع
ماايضوج مني ابد ويفهمني كلشي وموعصبي دوم بس هيج
يبين لكن هو هادئ ورزن اخته ورده مال الله زوجها هم حباب
بس مثل رهيب هم يخزر ويعصب حسب ماسولفت اليه جان حيل
فقير من هم وصغار اختفه وسافر وراها رجع صار فجأة يملك شركه وهو ورهيب عدهم معرض سيارات يعني حالتهم كلش زينه ..