لُقياك (عشك الذيب)

﮼البارت﮼الخامس ﮼والسبعون ( مُعدل)

البارت الخمسون من الجزء الثاني
الكاتبه : ليل ال قيس..

لُقياك (عشك الذيب)
البارت الخامس والسبعون..

حوراء
بـ؏ـد اخر موقف صار بيناتنه كعدت الصبح چان
ماكو وكنتوره فارغ من الهدوم احس هذا الحل الوحيد
اني وحازم مستحيل النه مستقبل سوه اني عادي
وحازم هم عادي لكن هل طفل وگع ضحية غلط
وشهوه عابره نتج عنها طفل خايفه عليه من كلشي ..

ضليت ملتزمه بنضام نوم لشاهين وارضعه طبيعي
بس بليل انطيه ممه لان اكون فازه من النوم ونعسانه
شبهه مستقره حياة الكل ، بس الضحك انُ ماشاء الله
كلهم عدهم جهال عشق عدها قسور ودتدرس للنهائي
ونغم ضلت شهرين يمنه هي وبناتها " براعم وأميره"
اسمائهم كلش لطيفه وغريبه شهرين وبناتها نشنشوا
وراحت، علا بأبنها وبنتها والبيت حايره بيه..

ماروح يمهم هوايه ابد ، نزلت مره على عمو مصطفى
وخله اعتذرت منهم لأن عليت صوتي عليه ببيت أبراهيم
ومشت ايامي طبيعي جداً وروتين حلو تنضيف البيت
عليه من ينام شاهين والتهي بنفسي وهاهيَّ..

چنه ملتمين بـ الليل ورا العشه اجتي عشق ركض
وتهلهل : ولكمممم ناااجحهههه وااارث نجحت..

كام الها هي ركض حضنته ضحك وهو ضامها لحضنه
: ولج وگعتي گلبي ههه اهدي..

ابتعدت منه وانطته فونها : شوف هاي ميلان دزته الي
ماعرف شلون دبرتها بس المهم ناجحهههه وااارث ..

ضحك وشاف تلفونها ابتسمنه على لمعة عينه بفخر
: مبرووك ياروحي مبروك .. باس راسها باركنالها
كلنه ونوروز تهلهل وبيبي هم طفر ارشد : عزيمممه
ماترحين لحفلتچ اذا ماتعزميني..

وارث : خايب نچب ..
عشق : يااابه على الفرحه الي اني بيهااا للحفله
كلكم تجووووون واللــہٰ احجزلكم على حساب وارث..

وارث : احس انقطيت يابه لو اني غلطان مرتي زين
الحفله مو لازم قبل الامتحانات..
عشق : انقطيت عزيزي صح واخذنه فكرة فجر
وقسمها امتحنوا يلا سووا الحفله ..

ضحكت على ضحكن وارشد يداهرهم عمو تكفل
هو بفلوس تكتات الحجز مال حفلتها انفقوا كلهم يرحون
على الاسبوع الجاي واني انعزمت وهم وافقوا بمكاني
ضحكت ومر اليوم عادي ...

اجه يوم الخميس عشق بقت قسور يمي هو شويه
وكيح بس قبلت خطيه خل تفرح كعدته على الچربايه
حيصير او صار سنه وكم شهر عمره تقريباً كعدته ونطيته
خرخاشه يلعب بيها وشاهين نايم ..

تركتهم ورحت سويت شعري كيرلي وبدلت ملابسي
لبست فستان اسود بدون ردن جوه الركبه وفوكاه
بشت الايد مالته تول كلها مشبچ وهم اسود وحزامه
بي لمعه خفيفه..