لُقياك (عشك الذيب)

﮼البارت ﮼الرابع ﮼والستون

البارت التاسع والثلاثون من الجزء الثاني ..
الكاتبه : ليل آل قيس ..

قصه .. لُقياك (عشك الذيب)
حب / غموض..
البارت الرابع والستون ..

مدري انه ضيعت الوكت
‏مدري الوكت ضيعني
‏ما رايد يطيب الوجع
‏ردت اعرف شيوجعني.

فجر
رجع نشاطي وضوجتي راحت وي تحضيرات زواج نغم
علاقتي بقصي صداقه وضحك اكثر من ما احنه زوجين ..

الفساتين كلها هو يختارهم اليه وذوقه يجنن بيها واني
سمنانه صايره ترهملي الفساتين ، واكفه وي البنات
وتعبت كد ما رگصنه ..

نوروز : ولچ بسج عااد ..
فجر : عوفينااي اريد ارگوووص..

حوراء :شكد عوجتي بحلگج ..
فجر : ههههههههه يماااا ..

ديم : دعوفوها تعالي فجررري حبيبي نرگوص سوااا..
رحت وي البنات وجريت حوريا ويانه صارت نغم بـ النص
وفتحو اغنيه واحنه ملتمين داير مدايرها ونردد وي الاغنيه
وصديقاته ويانه ..

طبعاً عزمنه اهلي بس الطريق خطر وجدي گال ماخليهم
يجون تعاركت وبجيت الى ان رزلني قصي گال يموتون
بـ الطريق ترتاحين فـ اني بجيت وسكتت ..

جريت نفس وانهت تعبت هواي رگصت حته ضهري وجعني
شفت ضحى واسيل وديم داير مداير نغم ورافعين الشيفون
مال بدله وكم بنيه ممتزوجه وياهم ضحكت متأثرات كلش
بـ التركي ..

شويه ولبسنه دخل رهيب هي كاعده جانت تتمضحك
فدوه لوجها گصوا الكيك وبدلوا اماكن الحلقات رحنه
يمهم اخذنه صور وهو شتگوله يسوي متحملها ..

كعدنه احنه جابو عشه مگدرت اكل اكره اكل بـ الهوسه
ضليت كاعده يم حوريا لابسه فستان مطلعها ملاك تجنن
رغم كلش بسيط بس هذ ضايفتله جمال..

كملت الهوسه كلها لبسنه عدل رهيب چبسها لنغم
يلف بيها وهي تحوص ضحكت ورحنه عدلناها وهي تصيح
: اوووي خرب موديلها..

رهيب : حخررب وجهج نغم ..
نغم : ياااااا وديني لابوي ..

رهيب : متنچـ متسكتين وتمشين ..
جر ايدها ومشوا سوه مسوي قاعتين للزلم وللنسوان
فلسته نغم اشتغل الدبچ والهوسات مال اصدقائه والولد
شفت قصي ووارث وياهم هم كالو احنه ويا اخوته ..

ركبوا بـ السياره وولد ثنين سحبوا وصارت هوسه
مال زلم وارث وقصي وياهم ولا عبالك عرس اختهم..

صاح زوج ريم :

موووش اهل البنننيهههه ..