لُقياك (عشك الذيب)

﮼البارت ﮼السادس ﮼والخمسون

البارت الواحد الثلاثون من الجزء الثاني ..
الكاتبه : ليل آل قَيس ..

قصه .. لُقياك (عشك الذيب)
حب / غموض..
البارت السادس والخمسون..

︎دعنا نتبادل الأدوار ،أنتَ تنتظر وأنا لا أعود .

نغم
ايي وهاي اني الي زوجي المستقبلي ملتحق وبعد
اسبوع على زواجنه بس جريت نفس ودزيتله
مسج شافه ومارد عليه ممتعودين نتراسل اكثر
شي اتصال ردت اشوفه الشغلات الي جبتهم للبيت ..

البيت كله جهز حته البردات وملابسي الشتويه وغراض
الزواج وديناها اني وريم خطيه زوجها هو حار بينه
يودي ويجيب رتبنه كلشي وبقه بس العريس..

تركت كلشي ونزلت جوه مسوين الهول حضانه علا
وعشق گاعدين سوه وكل وحده ابنها على رجلها وزوجها
فوگاها يجننون وقصي يسولف وي فجر عادي وديم
والبنات كاعدين يشوفون فلم ارشد وهمام متمددين
بلگاع شكلهم يضحك صراحه ابتسمت ودخلت يمهم..

نغم :ها ولكم شتسوون ..
همام :فلم يفوتج من هذا التحبيه ..

عدلت شعري وجريت مخده شمرتها يمهم ومددت
فلم خيال علمي كلش حلو شويه واجتي حوريا
شايله صينيه وراها فجر جايبه شاميه حازم جان
برا يدخن شفته من البلكونه أشرله قيس واجه رعد
خوش لمه صارت الله يحفضهم يارب..

كعدنه كلنه سويه ناكل ونشوف الفلم اجتي الدكتوره
تقى كعدت يم حازم : مساء الخير ..

كلنه ردينه عليها وماعرف ليـشہ مترجع للقريه مالتهم
تقى : واررث ممكن تاخذني باچر عندي كم شغله اريد
اطلع ..