,, قراءة ممتعه ,, ❤❤
رواية #مناجي_والنصيب ,,
الحلقه /13
لوين اوصلنا الخميس يازهايمر 😁 اها وصلنا لعند رحمة اتصلت بخليل ,,
رحمة : الو كيف حالك ياخيي ? كيف حال مبسوطه والبنات ? دوم يارب ,, ها خلوله شن صار معاك نرجو فيك الرجالة قريب ايجو ,,!! كيف ? باهي انشالله خير ,, لكن ..اا. ميف يصير توا موعدك مع العرب اليوم ? ....انشالله خير وانشالله لاباس عليها ,
وسكرت منه وهي متضايقه وغامتلها ,
مناجي بفضول : ها يمي شن صار ? باتي امتا ايجي ?
رحمة شافت لمناجي وقالت : مانظني ايجي ,
مناجي اغيونها توسعن وقالت : علييييش?
رحمة : مبسوطة اليوم طاحت داخت وقال شلتها للعياده وطلع عندها الضغط ولقوه راقي والحوش توا يملا وايفرغ عندهم ,😓
مناجي بغل : ياريتها انجلطت وماتت ,, هذين لطروح منها عشان باتي مايجيش ,, حسبي الله ونعم الوكيل فيها 😡
رحاب : عليك قصة وكيف يسير توا ? الرجاله علي وصول 😱
مناجي قمعزت عالكرسي متاع الكوجينه وقعدت تبكي وخشت هديل اللي كانت تعطي في حنها مية لقت مناجي تبكي جتهن تجري : كنكن شن في عليش تبكي ياخيه ?
رحمة : خليل مش جاي اليوم ,
هديل بصدمة : وعليييييش?
وحكتلها رحاب باللي صار ,,و هديل غمتلها وقالت : ياريتها ماتت وجه الضبع ,,حسيت بيها انبارح مش قلتها لكي يارحاب ? 😡
رحاب بزعل علي مناجي : عليك بخت ,, وتو شنو الحل ?
رحمة : يستر الله ,, اشويه بس تو انجيكن ,
وطلعت مشت لدار امها تحكي معاها ,
رحمة: يمي خليل صارله ظرف مبسوطه داخت وشالها للعياده وطلع عندها الضغط ولقوه راقي ,
الجده : همممم وباهي ?!
رحمة : شنو وباهي ? الرجالة قريب يجو وهو قال مرات مايصيرش من جيتي ,
الجده : ما عندي ماندير ,, كلمي غزلان وخبريها بلاش ايتعبو ارواحهم اليون ,
هابا منك ياعزوز القهر حال الغايه عااد مايسير منها الخطبه 😒 Hamelo رواية مناجي والنصيب ,, Gazala Bobacer ,, وزرقت عليكن 😁
المهم ,, رحمة غمتلها وقعدت اتفكر وعند البنات مناجي التوتر بان عليها وقالت : عليم فضيحة لو الرجالة جو وباتي ماجا 😱 بس باتي اكيد حيجي هو وعدني ,, يارب استر يارب 😭
هديل فكرت وشافت لمناجي اللي تصبر فيها رحاب ونشت لدار مناجي طلعت فونها ورنت علي رقم ,,
هديل : الووو
خلوها هذي واتطبو عند وسام اللي خاله وعمامه عندهم ومتفقين يطلعو من حوش نجم الدين ويمشو علي كرعيهم لحوش عيت جد مناجي ,, ووسام رن فونه وطلع رد عليه ,
وسام : ايوا ي طيري ,,, تمام والله ,, من ? معقوله ?! باهي كيف يسير توا ? تم اوكي ,,
وخش علي عمامه وخاله وقال : المشية لحوش عيت **** ماصارش منها راه ,
العن : عليش شن صار ?
وسام : .............
المهم هديل وهي تحكي: توا انت عرفت كل شي وفهمتك كل شي ولو كلامك حق وشاري صاح دير اللي قتلك عليه ,, في النهايه انا مانغصب عليك ,,
...........: تم ,, ونا موافق ,
وعتد وسام وهله طلعو الرجالة وركبو في سيارة وسام وركب وسام يسوق وطلع ورن فونه فتح وسام : ايوااا ,, طلعنا ,, وين ? اها عرفتها ,, جايين هيا هي ,
واسقدو لجيهه معينة ,,
عند مبسوطه راقدة في دارها واوذانها حمرر ورابطة راسها بمحرمة خشت عليها بنتها نجلاء : امي هاكي قهوة ,
مبسوطه : هيتي ,, الله لا تسامحها قبل ودرتتي ,
نجلاء : ماتحرقيش دمك انتي توا ,, واهو احسن حاجة باتي مامشش واكيده مش حيصير منهم ,
مبسوطه بغل : القهر ان اللي يبوها ثلاثه يعني او ماقارش من ولد جيرانهم اكيد بيعطوها لواحد مت ضتا عمك ,,ونا لازم اندبر لباتك كيف يعطيك انتي لولد الصديق بدل مناجي ,, بيش احسن منك هي ,
نجلاء : كيف ? تبيني ناخذ قيس? ^
ودارت طروح حشم ونزلت راسها هه 😒 علي اساس جا خطبك ياوجه البومة 💦اخخخ اسفه انفعلت ✋ المهم
مبسوطه : اكيييد تي باتك مو عارف كيف يحكي عليه ادب واخلاق وشخصيه وحالته كويسه ,,
وقعدت بنتها العرسه ترسم وتتخيل وحالتها حاله ,,
رواية مناجي والنصيب ليا نا ايوووااااااه ,, ونا من ? 👂 ايواااه Hamelo ,, Gazala ,,
عندي فصلات فوتني عادي 😁
المهم خليل في المربوعه ومعاه خو مراته مرمب ويهدوز وقلب راس خليل اللي حاس بالذنب ومتضايق ويفكر في بنته ورن جرس باب حوشه وطلع فتح والقيهم ثلاث رجاله ورحبو عليهم وفضلهم للمربوعه ,, وخش علي بنته ومراته ,
خليل : نوضي يابنت طيبي قهوة لثلاث انفار جو توا ,
مبسوطه : من اللي جا ?
خليل : رجالة وشكلهم يعرفو خوك ,سقدي روحك يابنت ,
وطلع ونجلاء قالت : زعما من ?
مبسوطه : اكيده شب حد من صحاب خوالك وعرفوه هنا صبي سلم بنتي ديري قهوة سمحه وحطي من الحلويات الجدد ,
نجلاء : حاضر ,
وطلعت للمطبخ ,
انجو لقيس وهو مقمعز في داره وغااامة عنده دق باب داره وخش عليه باته ,
الصديق : كنك قاعد بروحك ?
قيس : شي ,,
الصديق : باقيس انت عاقل وعارف ان كل شي في الدنيا نصيب ,,
قيس ساكت وقرن حواجبه والصديق تنهد وقاله : ريت صحيح نا تمنيتك تجوز مناجي لانها بنت كويسه وحمالة واخلاقها زينة ,, لكن عاد مايصيرش نغصبوها عالزواج بالغصب صاح ولا لا ?
قيس : 😑
الصديق : سلم ولدي فكر كويس وبلاش تتعجل في قراراتك وماتنسى ان مناجي لالغه وعاقله وتقدر تختار اللي تبيه يكون نصيبها ,
قيس : لكن نا ولد عمها ونقدر نحجرها ,
الصديق : هضا كلام زمان توا الدنيا تغيرت ,, ونا انقولك من توا ماتخربش عليها لو عندك فيها نصيب ساع اتكون من قسمك مان هضا الله غالب ربي مش رايدها لكي واكيده في بنت حلال ربي كاتبها لكي ,
قيس : لكن نا مانبيش الا مناجي ,
الصديق : بلاش تسكير راس الله يربحك وماتطلش عليها , ومن بكرة ساع نخلي امك ادورلك علي بنت اكويسه ,
قيس وقف وقال : اسف ياباتي بس نا يانجوز مناجي يا بلاش بكككل معش نبي نجوز ,
وطلع من الدار وخلا باته منصدم في تمسك ولده بمناجي ,,!! المهم طلع وهو واجعه حال ولده ,, وتلاقيه عايشه : كنه العيل له كم يوم لا ياكل ولر يشرب ولا حالته حاله ,
الصديق : ماكنه شي ,, متضايق شويه وساع ايروق ,
عايشه : راهو يقعد مازال يبي بنت خليل وساره ?
الصديق : فكيني من الزنين ياوليه ,
عايشه : لو تنطبق السما عالوطا بنت ساره ماتقعد كنتي ولا تنكتب علي ولدي ,,هضا ماناقص ,😏
وطلع الصديق وهو كاره صوتها ,,
انجو لمناجي وهي حزينة ومقهورة وقاعده في دارها وبنات عمتها ايواسن فيها ,
رحاب :استهدي بالله واكيده ربي يحفرجها من عنده ,
مناجي : والنعم بالله ,, لكن حظي وعارفته. ,, اصلا نا غبية اللي صدقت كلام باتي من امتا عمره حن فيا ولا اذكرني ,? هضا ايموت علي ملام الثعلب اللي عنده ,
هديل : ماتخافيش كل شي حيكون تمام كوني واثقه ,
وفي اللحظه هذي رن جرس الباب وطلعت رحمة فتحت لقاته فهد وامه ,
وبعد سلامات وترحيبات كالعاده خشو عالعزوز في دارها ,
فهد لعمتها رحمة : وين البنات ياعمتي ?
رحمة باستغراب : قاعدات ,,انشالله خير عليش تسأل عليهن ?
فهد بثقه : في شي ولازم تفهموه وتعرفوه واولهن انتي وامي ,, لكن الاوله نادي عالبنات ,
وصبت رحمة وهي مازالت مستغربه طلبه وخشت عالبنات ,
رحمة : يابنات تعالن سلمن علي عمتكن ريم وولدها فهد برا ,
هديل جت نصبيه استعداد والفرحه بانت في عيونها ,, اخخخ اغلبكن عرفتن او هديل هي اللي تحكي مع فهد بالفون وعلقاته وبغدداته ومازال جاي في الطريق باقي التاديب 😂 المهم مناجي بقهر : فكيني منه هو وامه قبل ماتطلع عليهم نرتكب فيهم جناية نا مش ناقصة توا 😡
رحاب : وسعي بالك ,, معش تحرقي اعصابك ,
رحمة : نش عارفه ليش بس حاسة ان فهد عنده كلام لكن وبالاخص قالي نادي البنات يجن فيبيكن صبن هيا ويابنتي جيجي عشان خاطري صبي وتعالي معانا ,
ومناحي شافت لامها وللبنات,, وهديل قالتلها : مغير صبي ونشوفوه شن يبي مرات تتفاجئي باللي يبيه ,
مناجي اقرنت حواجبها ولبسن حجابهن وطلعن مع بعضهن وخشن الدار وفهد اول ماشافهن اعيونه قبل زرقن وقعد مركز بين رحاب وهديل اللي قمعزن جنب امهن ,,ومناجي قمعزت عالسرير ,
فهد لاحظ هديل اتشوفله وتبتسم ورحاب منزلة راسها ومتخزرطه خايفه الغندور يعلمها ,,😁 المهم فهد قال لمناجي : اسمعي يابنت سيدي هلي كلموك عشان نتجوزو واللي علمته انك رافضه زي مانا رافض ,, وتوا انقولها لك وقدام امي وعمتي وحني انتي بالتسبة ليا زي اختي وكوني متريحة من يالاي ,
ريم بعصبية : ياليد انت ماقلاش هكي مبدري ,
فهد : قتلك اني نبي نخطب ونتجوز صااح ?
ريم : اها ,, وقتلك بنمشو لهل العروس ,, ةتوا كيف كلامك هضا ?
فهد شاف لعمته وابتسم وقال : لاني نبيك تخطبيلي بنت ثانيه,,
وعمتكن هديل قبل صبت ارقصت 💃 وزغرتت مغير تحشمت ,😁 والخدود قعدن طماااطم وهو ذاب اكثر خصوصا بعد شاف الدبلة والمخبس في يد اختها رحاب عرفها المخطوبه وان هديل اللي جنبها وكبد العطيب وطاح بوجهه رسمي 😂,,
الجده : ومن هي ياليد راك دوختنا معام ? مادام ماتبي مناجي ?
قيس لعمته : نتمنى ياعمتي اتوافقي اتجوزوني بنتك هديل ,, لانها هي اللي نبيها ,
والعب يلا 💃💃
ريم فتحت فمها ورحمة انصدمت والعزوز ايبست ورحاب ارفعت رلسها بصدمة وتي كلا متاحي غنصت بعدها لاحظت التظرات بيناتهم وتصكها ضحكة 😂
وقالت : هههههههه عاطك الخير ونا نقووووول 😁
الحدة : شن تقولي ?
مناجي : لاشي ,, انقول الف مبروم للعرسان 😁
فهد : ها ياعمتي شن قولك ?
رحمة شافت لهديل لقتها متخزرطه والوجه فرواله وصبت هديل اطلعت من الدار وريم اقرنت حواجبها وقالت : وليش ماقتلي ونا ليا فترة انزر عليك ?
فهد : توا بيش قررت ونا حر والر انغير رلي عااد ونقعد عازد طول حياتي ايواااه ,
ريم : لالالا نا ماصدقت ها يارحمة شن قولك عاد ,?
رحمة : الراي راي بوها قبل ,,وانشالله خير ,
فهد وقف وقال : خلاص معناها قولي لعمي مفتاح وشوفي راي العروسه قبل وبينا فون ,
وطلع والجدة قالت : هالعويل شن صايرلهم بسم الله تو العيل هضا مش قبل يبي مناجي ?
ريم : لا ياخالتي فهد من الاول مش موافق مغير الحق نا وباته قلنا بنت عمه واولاله من البرانيه ,
وضحكت هذكي الضحكة الصفرة ومناجي اباسمت عالجنب وقالت : هه والبرانيه كنها ياعمتي ريم , وبعدين الزواج لازم قبول قبل كل شي 😏
ريم تلبكت وقالت : صحيح ,, ومازلنا فيها ومامشينا بعيد ,, حتي هديل بنيت خيتي ومانلقا زيها 😅
رحمة : انشالله خير ياريم نا ماودي الا كل خير نشاور بوها والبنت ويستر الله ,
وطلعت ريم لولدها اللي سبقها عالسيارة بعد ودعتهن ,, ورحمة اضايقت وحست ان هديل خبت عليها شي ةان بينها وبين فهد علاقه وهالشي ضايقها ,, ومناجي صبت ولحقتها رحاب لهديل اللي كرست في دار مناجي ,, واول ماخشن عليها ,
مناجي : توا هض نبيك تحكيلي القصة اللي سايرة ايوااااه
رواية مناجي والنصيب لهميلو ,, شنو الجو مليشيا 😊 ياك رايقات ,, Hamelo ,, فصلات عاد مانحكيلكن 😁👇
وهديل حكتلهن انها منعجبة بفهد لانها شافتها يسلم علي باتها ومعاويه مرة في العيد وعرفت انه خفيف ومتاع علاقات وسريبات لكن اعجابها بيه زاد ودورت رقمه وسرقاته من رقم خوها وقعدت ادور في ايميله عالنت ولقت صورته خاصة ان الرقم محفوظ عندها ,, ودزت طلب صداقه لوحدة من صديقاته وقعد ايشوف في ايميلها وبعدها دزلها طلب ووافقت وقعدت استكرد فيه مهما ايجيها خاص ,, وانعحب بمنشوراتها وبعدها وافقت تحكي معاه خاص وكانت بطريقتها جذباته لها خاصة انها تختلف في المعامله عن باقي البنات اللي يعرفهن ,, ودزلها رقمه عالخاص علي اساس مش عندها وقعدو يحكي فون ويحكو في كل شي علي بعضهم وخبراته انها تعرفه بعد شافت صورته وهو حار فيها من هي ولعباته عالشناكل العطيبه 😁 وبعد تعلق فيها اقعدت تستكرد فيه وتفوت فيه وخاصة بعد علمت انه خطب مناجي زادت انصدمت وحكتله انها علمت وهضا الشي خلاه يشك انها وحدة تقربله بس هي نكرت عالعموووم هو تعلق بيها بعد سمع صوتها وكلماته وخاصة انها محترمة روحها معاه وعليما طلب منها شي سكرت عليه وفاتاته وهو زاد انعجب بيها وحمالها انه يبيها حق ومايبيش بنت عمه وهله يبوها له ,, المهم هديل تحكي ومناجي ورحاب فاتحات افوامهن منصدمات وبعد قالت: اصلا اليوم بعد تلقيتك تبكي وخالي خليل ماجاش فكرت انساعدك باي شي ,,ورنيت عليه طلبت منه يقنع باته عشان يقنع خالي خليل يوافقو علي وسام ويدبر كيف ايخليهم ايجو لباتك او باتك ايجي ,
مناجي : وااااو هالخبر هضااا كله من ورانا يامنجوهه ?
وحاب : وانشالله تحبيه وتبيه فهد هضا وحتوافقي عليه ?
هديل نزلت راسها وقالت : الحق نا معجبة بيه من زمان وبعد حكيت معاه زدت انعجبت بيه وماننكرش اني حبيته ,
رحاب : انتي مودرة ولا شنو ? هضا فهد راه ?
مناجي لرحاب :باهي بنعرف هو يشرب? او نسونجي متاع زنا اللهم عافينا ,?ولا فيه عيب غير علاقاته بالفون ?
رحاب : مش عارفه ?
مناجي : ريتن الكمال لله لكن لو هديل اتحبه وهو ايحبها ليش لا فهد راجل في النهايه وسدك غير هيبته ,
رحاب : هه هيبه صار وليش كنتي وافضته ?
مناجي : نا حالة خاصة لاني بنطلع من العيلة هذي وبعدين من يوم يومي عاحبني وسام وماصدقت كلم امه عليا ,,
وفي اللحظة هذي يسمعن زغروووته وطلعن يجارن منفجعات ومناجي قلبها يطقطق وترجف واول ماوصلن في دار حنهن زاهشات وهن يتخابطن لقن .............
شن في وشن صاير ابدعوني بتوقعاتكن ايواااه 😉
#Hamelo
