خيرات عليكن 😊 من بدري امكملتها لكن درهت كبدي التغطيه 😒 الله غالب ,
المهم اهي الرواية وقراءة ممتعه حبيباتي ,,😘
رواية #مناجي_والنصيب
للكاتبه. Gazala Bobacer هميلو 💚
الحلقه /15
امبارح كتبت لعند عمتكن مناجي دز عليها عمكن وسام وماحوتك خشتله وكانت لبستها عاديه يعني غيرت بتوتا البنت مازالت درويشه 😁 المهم وسلم عليها وسام وقمعزت وهي اتراعش مع بعضها وهابا القلب اللي عالقلها اتقول جيش خاش جبهة 😁 ماعلينا اوصلنا لعند عمتكن مناجي سارحه في زول وسام وملامح وسام واعيون وسام وريحة وسام وشعر وسام 😍 احم احم تنحنحن مليشيا 😁
قمعزن كويس ايوا بلاش اسرحان ,, 😂
المهم عمتكن مناجي اعيونها في عيون وسام اللي يحكي معاها برقه والضحكة علي شفايفه واعيونه وقعد ايقرب وايقرب وايقرب نين باسها 💋بوسه خفيفه وعمتكن مناجي في عالم ثاااني تحساب روحها اتخيل ولا تحلم تخدرت رسمي البنت ,,وعمكن وسام استحلى الوضع 😁 وسمعو باب الحوش اللي برا انخبط بقوة وفطنت عمتكن مناجي لروحها وجت مصبيه ومنحرجة نين اعيونها دمعن ووسام تنحنح وبلل شفايفه وصبا ومناجي مصدومة في اللي صار هابا ياما جايك 😂😁 اس عيب ,,
وسام : نوجا ,,انتي حلالي مادرتش حاجة حرام ,, وبعدين يامجنونه توقعت منك كف ,, بس انسترت 😁
مناجي جت بتطلع مسكها من يدها وشدها ناحيته وهمسلها : نوجاا ,, خوذي هذي حاجة بسيطه مني عشان فاتحتنا جت عالسريع ,,وباذن الله انعوضك في الفرح ,
ومدلها كيسة هدايا صغيرة وهي ماعاااد رفعت راسها والخدود حمررررر وقرب وجه من وذنها ونزل بيده وشاحهها اللي شبه طايح وقاللها : مبروك حبيبتي ,, خشي شكلك قريب اتذوبي من الخجل ,😘
مناجي بصوت يااادوب انسمع :اوكي 😶
وباس خدها وعمتكن مناجي تبكشت وتهايالي قلبها ❤ طلع شطح شطيح مايكل جاكسون عالصالون المربوعه ,,😁 المهم الضحكة بانت علي شفايفها وراااااحت طلعت من المربوعه ووسام فرحان وطبعا وسام طبعه هادي ومايحبش كثرت الدوة بس رومانسي العطيب لابعد حد 😍 ومايعصبش علي طول وعنده كريزما هكي دايرتله هيبة وين مامشا الناس اتهابه ,, ياحليلي علي قولت خواتي الغرباويات 😍
المهم طلع وسام القي معاويه ايكلم بالفون والعيون هك 😍 وبعد شاف وسام تماسك روحه وسكر الفون طبعا يوشوش المنجوه بس وسام زارق علي طروحه وضحك ,
معاويه : اووو عريسنا 😁
وسام :عقبالك ,,
معاويه : انشالله ياااارب ,
وسام : هههههه يارب ,,
معاويه : انشالله تفاهمت معاها ,
وسام : بالنسبه للتفاهم ,, متفاهمين باذن الله ,هيا توا سلام ,
وروح وسام وعمكن معاويه خش لحوش حنه ,
************ ************
انجو للثعلب قصدي مرت بات مناجي بعد علمت ان مناجي انخطبت وانقرت فاتحتها طاااارت ومانزلت والضغط رقا عاد ,
مبسوطه لبنتها : ريييتي ريييتي عملة بوووك 😡
نجلاء : وسعي بالك يمي ماصدقنا ضغطك تعدل ,😑
مبسوطه : ومنين تبيه ايتعدل ونا اللي خايفة منه صااار ,, من يوم جيت عندهم وسمعت ان جوها عرسان ونا نااار والعه فيا ,, كيييف ايجوهااا كيف ?
نجلاء برغم قهرتها خطوبة اختها مناجي بس استغربت كلام امها : نصيب يمي ,وطلعت ماهي ساهله هه وكان غيرها قاعده مع عزوز ترقد من المغرب وتلقيها طايحتلها غراميات مع ولد الجيران ,
مبسوطه صبت عالروشن وقالت بصوت واطي لروحها : لاااا. تي نا اللي موقفه نصيبها وحااالفه انخليها اتعنس وماوالي يشوف لوجهها وكيف ماقهرت امها نقهرها بنت ساره 😡
نجلاء : قلتي شي يمي ?
مبسوطه : لااا ماقلت شي لكن مستغربه في باتك اللي وافق طول وقرا فاتحه هكي ,, وماقاليش ,😒
نجلاء وقفت وقالا : ماهو قالك يحسابهم رجاله يساولو ,, وبعد حكوله كان المأذون معاهم يعني حطوه أمر واقع ,, وعطاها لهم عاطها سم و انشالله ماتهنا معاه ,, تي منااااجي مناااجي اللي لا لبس ولا شكل ولا اسلوب تنخطب قبلي نااا ? اااخ ولمن لوسااام اخرا 😍
مبسوطه : هابا عليها بنت ساره اكيد دايرتلا خطين 😬
عاطك نارين ياوجه الضبع 😤 نا شن دخلني نكتب في رويات بس ,, ولا انحط في بغدد زي مبسوطه 💦😒
رواية مناجي والنصيب لهميلو حناتي ايواه ✌😌
Gazala Bobacer ,,,
المهم ,, مبسوطه تحرق وتفكر شن ادير نين اتخرب علي مناجي حتي لو زفها وسام هذي سمها مايبردش عااد من النوع الخطير ,,🐍 انعنها اطير ,,
ونجلا تدعي علي اختها لانها انخطبت ,,
عليك حقد فيهن 💦💦
انجو لحوش جد مناجي ,, وجايهم الصديق وقاعد جنب امه ,
الجدة : صار احظرت الفاتحه انت ?😒
الصديق وهو متكي عالمخدة ويهدرز : حضرتها رن عليا خليل وقالي الرجالة جو ونا نبي نعطيها البنت موافقه وتكيت علي عثمان جبته معاي وحضرنا الفاتحه ,😐
الجدة : امممم باه ,, يعني توا خلاص ضيعتوها البنت من بين ايديكم وخذاها براني ,😒
الصديق : الله غالب هضا نصيب ومناجي هذي زي بناتي مانبيش نغصبوها علي شي هي ماتريده وبعدين كل حد ربي كاتبله نصيب مع حد مانريدو انعاندو ربي ,
الجده : وناااا ? مافكرتو شي فيا من بيقعد معايا ويونسني ويخدمني بعد تمشي البنت ?
الصديق : ونحن وين رحنا يمي ? وبعدين بتوقفي نصيبها يمي عشان تقعد معاك ?
