خيرات عليكن ,, اسفة عالتأخير بس قلت فضوة بس ,, المهم هذي حلقه وانشالله تعجبكن ,, ونشكر كل متابعة نشدت عليا وساولتني ودعتلي بالشفا ولكل وحدة جتني خاص شمرا ليكن بجد و نا محظوظه بيكن احلى فانز والله 😘
قراءة ممتعه لخلقه اليوم نعموشاتي ,,
رةاية #مناجي_والنصيب
الحلقه /18
وصلنا لعند مناجي قاعده في المزين ومع انها فرحانه في حاجة ناغزتها في قلبها بس فاتت وماعدلتش ,
رحاب : مش مصدقة يانوجا عرسك اليوم 😍
مناجي : هابا مفروض عرسك انتي لانك انخطبتي قبلي ولا ? 😁
ورن فون مناجي وكان العريس ,,
مناجي : ايوا ,, مش قتلك ماترنش عليا اليوم ,☺
وسام : مانقدرش نانكلمك ونسمع صوتك حبيبتي ,😍
مناجي : حليا نا ,, نتعب من الرومانسي 😘
وسام : ههههه نادم اني مش خاطبك من زمان كلامك عسل يابنت 😍
مناجي : اضلا نا العسل كله مغير انت اللي منعمي عليا 😌
وسام : امتا بس اتكوني قدامي 😘
مناجي تخزرطت وقالت : خلاص حبيبي سكر المزينة اتعارك ,😶
وسكرت منه وهي الوجه حمر ووسام خذا حاجته ورمب مع خوه في السيارة بيمشو للحلاق وكانت في سيارتين رفاقتهم واصحلبهم بيديرو عراسه وجو للعريس ,, يستر الله كان مايعرسوه بدحي وطريحة 😅 ليبيين عاد ,
المهم جا وقت العرس وطبعا الكل مشا للصالة وجا معاويه عشان ياخذ مناجي للصالة وفعلا وكبت معاه هي ورحاب اللي اتساعد فيها بالفيلو اللي ايتكركر , ووصلت للصالة وجهزنها هديل رحاب ورحمة اعيونها رقرقن بعد شافت مناجي كيف طالعة اتهبل بالمايكب والتسريحة واجواء اعراسنا المعتاده خشت علي شعر خليجي حلو ,, وساعدنها بنات عمتها في التقعميزه عالكرسي والمعازيم ايشوفولها ,, وطبعا مبسوطه بتنفجر وفي عقلها موضوع بديره والجدة ملبساتها ردا بمحرمته ومكحله اعويناتها ناقص عليها الروج والرموش بس 😁 المهم مر ااوقت عادي وتعشو المعازيم وغزلان فرحانه بكنتها وتسلم وترحب بضيوفها هي ورحمة ,, وبعد جا العريس خش طبعا ومانحميلكن علي مبسوطه وبنتها جاهن شلل رباعي بعد شافنه وهو طارحلهن بهذكي البذله السوده وقرفطت الفراشة والقميص الابيض ومحدد لحيته طالع بصيرة هكي سبحان الله اتخليك اتذوبي ذوبان 😍
ماعلينا مش شورنا عاد راه اتجينا مناجي ,😁
واول ماوصل فيها رفعلها الطرحة وهي الدموع في عيونها من حبها وفرحتها بوسام إللي باس جبينها وقمعز جنبها اشوي وحاجة 20 دقيقه ,, وعمكن وسام وشوش لمناجي وقال : نوجا هيا خلاص ,
مناجي اتبزنها بابرة شيي ماتطلع منها نقيطت دم 😁 وصبا وحطها امر واقع وصبت معاه وفي اللحظة هذي جتهن مبسوطة تجري ياشرينتي نا امها ومناجي شافتها تدعدع من بعيد واعيونها يعلنن في شر وقبل مناجي عيطت مغير مسكت روحها وعلي طول قالت لهديل اللي جنبها : هدولة دونك ليا الضبع جتني تجري وووك بعديها الهيها نين نطلع مانريدلها خلطه ومش متريحتلها 😓
هديل حددت الهدف واندعبت شورها ,
هديل وهي تمسك في مبسوطه : عمتي مبسوطه تعالي نبيك في امانة لعمي خليل قالي خلي مبسوطه اتجيبها ليا ,
مبسوطه واعيونها علي مناجي قالت : مش توا يابنت حيدي من وجي بنسقد بنتي توا ,
هديل وهي متشعبطة في ذراع مبسوطه : لالا توا قالي,, رن عليا وشكله معصب ويبيك تاخذيها له هيا قبل ماننساها ,
والعرسان طلعو ومبسوطه اتحزز وماصارش من اللي تبي اديره وغمتلها من عديل اللي كرتها ماايا للمطبخ متاع الصالة ,
مبسوطة بغل : شنو ياقهري اللي يبيها خليل ? 😬
وخشت هديل خذت هديل ربيعت عشا عليها كل مايشتهي خاطري ينعلي 😋 مدتها لمبسرطه عاطها سم ,
هديل : موصي علي عشا لجماعة برا ,😊
مبسوطه اعيونها زرقن وقالت بصدمة : قصدك عذي الامانه اللي يبيها خليل ?😳
هديل : مالا شنو ? هضا غشا موصي علبه من جيت العروس راه ,,نا سلمته لكي وبينك وبينه راه ,
وطلعت وخلت مبسوطه قريب اتعيط ,,هههه تستاهلها ,
المهم عند العرسان ركبها وسام في الكرسي الخلفي وسكر الباب ومشا للجيهة الثانيه وركب جنبها وهو ماسك في يدها وطبعا اللي يسوق وسيم اللي اسم علي مسمى 😍ماعلينا طلعنا من موضوعنا ,, ومناجي خالطة عليها علي فرحة علي خوف علي تشويق واثارة ماكنتش تتوقع تتجوز حبيبها اللي حباته بينها وبين نفسها ,, ومانحكيلكن عالزفة والشباب والتصوير بالفيديو وكانت زفة من الاخير خيااااال والالعاب الناريه ,ووصل وسام للفندق اللي حجز فيه لاسبوع وخذاله وسيم مفتاح الجناح ووصلهم للانساسير وودعهم وروح مع الشباب بجو لا قوة الا بالله ,,👍
رواية مناجي والنصيب لهميلو هابا قبل انسيت 😁
المهم انجو لمبسوطه عاطها طوبه اطيح عليها ,, بعد طلعت بالعشا لراجلها ,
خليل : هضا شنو ?
مبسوطه بغل : هضا العشا مش وصيت عليه ?
خليل : لا ماوصيت علي شي وخشي بالربيعة جوا بلاش فضايح ,😒
مبسوطه : 😡
وخشت مبسوطه وهي تعارك في جنون عقلها ومن البخت تلاقت مع هديل ,
مبسوطه : هديييييل تعالي هنا مش قلتي خليل موصي علي سمسام لجماعه رفاقته ?
هديل : ييييي اندهبت شيرتي مش قصدي انتي قصدي عمتي عايشه وعمي الصديق هو اللي موصي والله الفروح هذين يدوخن ويذهبن الشيرة سامحيني عميمتي دخت بيناتكن عاد بطات انتن الاثنين نفس الحجم العائلي قصدي مدرهبات ماشالله 😅وخذت الربيعة منها وهديل كاتمة ضحكتها ومبسوطه تدعي علي هديل ومناجي وخشت البست عبايتها لقت بنتها نجلاء غامتلها والعبرة خانقتها ,
مبسوطه : كنك انتي لخرا لاوية وجك ?
نجلاء : شي ,, غاااااامة 😒
مبسوطه : وسعي بالك وهيا نوضي انروحو خلينا انروحو اللي في بالي اليوم ماصارش لكن لاحقه ,, هيا هيا ,
نجلاء : لاحقة علي شنو بس ?
مبسوطه : مش شورك وهيا فزي ,
وطلعن بعد لبسن عباياتهن وروحن وروح كل حد لحوشه والعزوز مناجي طبعا خنقتها العبرة بعد طلعت مناجي وبالاخص لما مادورتهاش وسلمت علي عمتها رحمة بس وبنات عمتها وطبعا طلعت العزوز وركبت مع ولد ولدها عثمان العيل الكبير وهي متضايقه ووجها منصفر وقمعزت في السيارة ,, وهابا من بنات الجيران اللي حاضرات انجمطن ماتوقعن وسام يتجوز مناجي لانها مش معدلة علي روحها بس التصيب عاد ,
المهم انطبو عند مفتاح راجل عمة مناجي كان معاه قيس وطبعا حكاله مفتاح باللي صار مع ام مناجي وقيس قال : ونا عندي عنوانها ,
مفتاح : خلاص ناصلو بيهم وانخبروهم ,ولر شن رايك ?
قيس : حتى نا هكي قلت ,
مفتاح : خلاص عاطيني رقم راجلها واتشاللت حنتفاهم نعاه ,
ودزله قيس الرقم وقغد سارح لان اليون زفة مناجي وحس بزعل مش عادي ,مفتاح لاحظ يرحان قيس وفهم عليه وقاله : كل شي نصيب ياقيس وهي ماكناش نصيبك اكيده نصيبك في وخدة تيتاهلها وتستاهلك ربي مايدير شي الا فيه هيرة لنا خليك واثق بالله ,
قيس تنهد وقال : والنعم بالله ,, ربي يهنيها ,,
مفتاح ابتسم وقال : انت طيب واكيده في بنت ترجا فيك مغير اصبر بس ,
هابا خطر عليا زمان ونا عازبه ونقول زعما صاحب النصيب وين قاعد المنجوه وفيش ايدير ونقعد انعارك في روحي ونقول طول علي بو فيته 😁
ماعلينا فوتني عند فصلات راه 😂Hamelo ,,
انجو للعرسان عاااد شوركن ماه ,, هبي هبي 😁
المهم اول ماخشت مناجي للجناح انبهرت بالجو اللي مجهزه لها وسام ورد حمر وشموع والعشا اللي انودكن بيه والحلو والتورتا اللي مكتوب عليها زواج سعيد ,, وقرب منها وسام حط البرنوس عالكرسي وقرب منها وقال : ربي يباركلي فيك حبيبتي 😍
وعمتكن مناجي الةجه اتقول صفارة اسعاف حمر علي زرقيني ,,وقابلها وسام وشاف لعيونها وعمتكن مناجي اعيونها في عيونه ووسام همسلها : انحبك 😍
مناجي تبي تحكي وبطنها ادير صوت يعلن علي جوعها ,,😁 وانحوجت ووسام قاللها : بخسي الجوع حبيبي هيا غيري فيلوك عشان انتعشو مع بعضنا ,شكلك جيعانه 😁
مناجي : عليك فضايح ,,😅
وسام : هيا انساعدك 😉
مناجي اعيونها زرقن : في شنو ?
وسام : اتغيري فيلوك 😍
مناجي : لا عيب ,😶
وسام : ههههههه نعليا نا من الحشوم 😍
مناجي : اطلع شوبه نين انبدل ,
وسام : بالكي انساعدك خير 😍
مناجي : اطللللع 😒
وطلع وسام وهو ميت ضحك علي حركاتها وسكرت مناجي باب الدار بالمفتاح وقالت بوله : ينعليا ياخياتي انحبه انحبه نعنشكله 😍
وبدت اتبدل في فيلوها عاد ماوحلتش فيه ولبست روب ابيض لتحت الركبه بشوي واسيوره رقاق وفي دانتيل من الصدر ومخصر عليها وفكت تسريحتها ولبست الطرف الطوبل متاعه وفتحت الباب ولقت عمكن وسام يرجا وهو منسند بكتفه عالباب وسالح الجاكة متاع البدله وفاتح القميص وقعد ايتمقل فيها ومعجب العطيب وهي انحرجت وقالتله : معليش كان طولت ,😶
وخش وسام وقاللها : تو انجي انبدل دبشي.
وخذا بجاما سودا وخش للتواليت بدل ادبشه وطلع القيها مقمعزه ودايرة جو الحشم وصبت بعد شافاته يمشي شورها تهايالي كرعيها رقدن ماعاد شالنها ,,وجت بتمشي شورا وهووووب علي وجهها لها زمان ماطاحت المنجوهه 😁 ورسام انفجع عليها جاها يجري وصباها ,
وسام : بسم الله ,, كنك ديما طايحة ?
متاجي وهي اتحسس في خشمها : لا ساهله ,, التقطت بس ,
وصبت وقمعزها عالكرسي وتزل علي ركابه ونسك ايديها وابتسم بعد شافها اتحسس في خشمها دلكها لها عالخفيف وقال : مش نصدق انك بقيتي مراتي وليا ,, تعرفي ? انتي اكثر شي كنت انتمناه من يوم شفتك ,😍
مناجي بتزيل الخجل البي مقيدها فقالت : لاني ننحب طول صاح ?
وسام : اكيده ,, باهي ونا ?
مناجي اتشوفله بحب والعيون هك 😍 رسمي وفي سرها قالت ( ينعلي مشمغير تنحب توتكل اوكال بلا خبزه ياخياتي انحبه مووووت اخخخ 😍)
طبعا عالمشاعير والمتفجرات اتقول فيهن في سرها وهو ايتغزل وبعدها وقف وقمعز عاامرسي جنبها وقعدو ايتعشو مع بعضهن ومناجي منطلقه عادي اتهدرز وتاكل ابطبيعتها. ووسام مرة ايوكلها ومرة ايتغزل بيها وبعد كملو لمت الحوسه وخشت اغسلت ايديها ووسام قرب منها وهي عالزيانه ووقفها وقعد ايبوس فيها ومناجي يبست زي اللوح وشالها بين ايديه ومشا بيها للسرير و اول ماحطها ............
وماصارش من الاخيرة اليوم ورقدن بكرة انكملو وراي نوضة عطبت النهارات 😑
وتوقعاتكن مليشيا ,😘
#Hamelo ✒
