رواية #مناجي_والنصيب
الحلقه / 4
وصلنا في الحلقه السابقه ان مناجي بتبات عند عيت عمتها هي وحنها بالرغم ان حنها نكدت عليها كم مرة ,, لكن البنات ومعاوبثيه ومؤيد وحتي رحمة ومفتاح ماخلوهاش ترقد زعلانه وحاولو ايغيرولها جوها ,,
المهم,, حكينا علي عيلة من ام واب وبنتين ايجهزو في ارواحهم بيسافرو للمدينة وركبو في سيارتهم طبعا متجهين لمكان معين ,,
وفي فجر ثاني يوم ناض مفتاح علي رنت فونه فتح عليه ,
مفتاح : ايواا ,, وعليكم السلام ورحمة الله ,,انشالله خير ,,, امتا ? باهي الحمدالله علي سلامتكم وليش ماقلتلي من امبارح ? لا هن عندي من امبارح ,, لا كيف والله ماتصير تعال بس انت والعيلة حتي هضا حوشك ,, مغير تعال حلفتلك ,, والله نا مش خوك ? خلاااص معناها جيب العيله هنا ,,في انتظارك ,
وطول اول ماسكر منه قعد اينوض في رحمة اللي ناضت مفجوعه ,
رحمة : كنك انشالله خير 😮
مفتاح : خير انشالله ,, نوضي عيت .......... جو من منطقتهم وقاعدين في البلاد قدام حوش هلك ومالقوش امك فيه رن عليا ينشد ونا قتله جيب العيله هنا ,,نوضي وتي الدار عشان يقعدو فيها اعبي بغداهم ,
رحمة وهي اتنوض من السرير واتلم في شعرها : هيا هي ,, الساعه كم توا ?
مفتاح وهو يلبس في الجلبيه العربيه : خلاص الفجر قريب يأذن ,
رحمة : خلاص انتوضا انصلي وماحبتهم الا وكل شي واتي ,
وفعلا طلعت اتزر للتواليت الحوش الداخلي ومفتاح لتواليت الخاص بيهم جنب دارهم ,, وتوضو وطلع يجري ركب في سيارته مشا للعيله ورحمة وتت افراشات وملايات وخشت للمطبخ اتجهز للفطور حطت الشاهي عالنار والدحي في الطنجرة وعجنت عشان امها تفطر علي خبزة الفطاطيح عاد 😒 رواية مناجي والنصيب لهميلو ,, وزرقنا وغصبن عنا 😁فوتن عاد ,👇
المهم قعدت رحمة تبرم في المطبخ بين هذي وهذك وسمعت صوت الفجر يأذن مشت لدارها صلت وقعدت تدعي وبعدها قعدت تقرا في قرآن سمعت صوت باب التواليت طلعت لقتها مناجي تلبس في ملايتها وطرحت صلايتها في الصالة وبدت اتصلي وخشت رحمة علي بناتها نوضتهن ,
رحاب بصوت ناااعس مش منها انظني رقدت قبل الفجر بساعه بس 😏 وهي اتشلط 📱 مع ال ❤ المهم رحاب : شنووو في ياامي بنرررقد 😴
رحمة : نوضي ياحنة نوضي صلي الفجر وانتي فالحة غير في النوم 😒
رحاب : نعساااانه مش قادرة 😴
رحمة : مش منك اكيده مارقدي الا لك ساعه بس ,, وانتي ماتسيبي هالخارب نوضي صلي والا حناخذ منك الفون 😬
وناضت رحاب اتكركر ماحتى طاربه عالنوضا ورحمة نوضت هديل اللي ناضت وسمعت الكلام ومشت حتي هي عشان ايتوضن ويصلن ,,
مناجي وهي تقرا في اذكار الصباح وسرحانه سمعت عمتها رحمة اتقول : صباح الخير حبيبتي 😊
مناجي : صباح الورد يامي ☺
رحمة : تقبل الله حبيبتي ,☺
مناجي : منا ومنكم صالح الاعمال 😊
رحمة : بالعادة اتنوضي للفجر والا مغير اليوم ?
مناجي : ديما الحمدالله ,, الا في حال فاتني الوقت نلحق انصليه او كنت مريضه او فوني يبلد بيا بس ديما ندعي ربي ينوضني عالوقت ,,والحمدالله اهو انوض ☺
رحمة بحب : نجك ليا وربي يكمل عليك بعقلك 😊
وخشت مناجي لدار بنات عمتها لقتهن وحدة اتصلي اللي هي هديل طبعا ورحاد راقده علي سريرها بملايه الصلاة ضحكت مناجي عليها وخشت في فرلشها وقدت وهديل كملت وخشت رقدت وطبعا ماحد عرف ان في ناس بيجوهم ,,
المهم مر الوقت وناضت مناجي علي صوو هرجه وتهدريز وصوت حنتن عالي ويلعلع ,,عزوز بمحرك شباب قيسها 😒 ,, ماعلينا ,, المهم ناضت مناجي وتباوعت من باب الدار شافت لعمتها رحمة سايلة صفرة الفطور وخاشه بيها لدار المعيشه ومناجي الفضول قعد يلعب وهي اتمد في رقبتها بدون مايطلع جسمها ,, ونافطنت الا بمعاويه جاي من وراها من داره هو وخوه وشاف راس مناجي وكيف. تبي اتقصقص ابتسم وقرب من راسها وقعد ايمد جنب وجهها بيشوف لشنو اتشوف وطبعا مناحي سارحه وقارنة حواجبها وبعد خست بيه جنب وجهه قبل عيطت مغير صكر فمها وشافلها وهي قبل داخت من الفجعه واعيونها زارقات ,
معاويه بصوت واطي : كنك ماده ارقبتك تقول زرافه شن في ? 😕
مناجي بعدت يده وقالت : فجعتني يابارد قريب قلبي وقف ,😬
معاويه : راح سوك ياحنة ,,😁
مناجي : حس هرجة وهدرزة برا من اللي عندنا ?
معاويه : هاضوم عيت خالي صديق جو عالفجر ,
متاجي بصدمة : وكنهم شن جابهم /
معاويه رفع اكتوفه وقال : علمي علمك اللي عرفته انخم جوكن في حوش عيت جدي ومالقو حد رن خالي علي باتي وعدا جابهم هنا ,
مناحي بقرنت حواجب قالت بصوت واطي : زعمك شن جيبهم لنا ? وغريبه ماعطوش علم قبلها بايام اكيده صايرة حاجه ,
معاويه : فيش تحمي ابروحك ?
مناجي : لا شي ,, عليك حظ الزفت ,, توا بيقعدو عندنا ونقعد نخدم فيهم وعمتك عايشه تقعد اتأمر طيبي هذي وهذي ماناكلش فيها ولا ماتكثري الملح ووووو وووك 😤
معاويه : الله غالب ,, لكن مرات جاييت علي شغل وحيروحو ,
مناجي : انشالله مايطولوش لان مرت خالك هذي وبنتها فرات يرقن الظغط ويحرقت في الدم 😒
معاويه : هذي الكبيرة والا الصغيرة ?
مناجي : هذي الشارف الكبيرة 😒
معاويه بضحكة : اها قلتيلي ,, باهي الصغيرة شنو 😁
مناجي طرمت شوربها وقالت : عادي ,, في حالها اتحسها ,
وناضت هديل لقتهم ايهدرزو وحكولها ان غيلت عم مناجي الصديق وهله جو عالفجر وقاعدات الصبايا برا ,
هديل : ييييي ماتقولوش رلفرخه فرات برا 😤
معاويه : هههههه اها برا ,😅
هديل عزقت الغطا بنرفزة وصبت بتطلع مناجي نادتها وقالت : هدوله ,
هديل : نعم ,
مناجي : شوفي جيهة التواليت كان نافيش خد ناديني بنخش ومانبيش انشوف حد توا ,
وفعلا هديل طلعت للتواليت لقت الطريق سالكه جت حكتلها وطلعت هشت للتواليت ,
عند عيت حنه ,
عايشه : وين البنات ? معقوله لتوا مرقدات ,😒
رحمة : شكلهن مازالن ماناضن ,☺
الجدة : هابا عليك جيل جيل توا نوووم وخلاص 😒
عايشه : بالعكس ياعمتي اهو بناتي مع انهن مارقدن طول الطريق وحينا عالفجر ناضن توا 😐
رحمة : بالعكس مناجي ناضت عالفجر لاني ونا انجهز في الفطور طلعت القيتها اتصلي وبعدها نوضت البنات وصلن حتى هن , وبعدين شن وراهن عطله 😐
فرات : اها وخاصة منااجي اللي لا قرايا ولا عمل فأكيده مايلاها الا المرقد ,😏
علي خشت مناجي وهديل وراها ,وجت الكلمة في وذن مناجي وحي عليها حي 😁
مناجي : ومن قالك نا مايلايا الا المرقد ,, كان انتي واخذه عليه نا متعوده عالنوضان بدري كل يوم ومعاناة عزوز وطلباتها الشي اللي عيطتي منه كان تذكري 😒
وطبعا كانت ميف المداهمة افجعتهن وخاصة فرات وشافلها بصدمة الا رحمة اضحكت عالخفيف وقالت : ياصباااحو عالحلوات رين رحوبا مازالت راقدة ? 😊
مناجي ابتسمت لعمتها وقربت حبيت علي رلسها وقالت : صباح الخيرات امي ,, وسلمت علي مرت عمها اللي رافعة خشمها مغير نبي نعرف عليش بس رفعت هالمناخير 😤 وهي ااشقلب في عيونها علي مناجي اللي الضحكة عالوجه لكن من جوا بتطربق وسلمت علي فرات اللي وجهها انصفر انظني خشها السكر 😁 هابا كل ماليا انزيدلكن في الحالات ولا? 😒 ماعلييينا ✋ وسلمن علي البنت الاخيرة واسمها( فداء) وهذي اصغر وحدة في عيلت الصديق بنت هاديه وطيبه وهي اتحب خوها قيس وقيس ايعزها واااجد ومدلعها بس ماتخبش اتبين دلعها لحد وامها ديما اتعارك فيها ,,
الجدة : صح النووم 😒
هديل بعد سلمت مشت للمطبخ عشان اتجيب طواسي نظاف وطبعا في فرنيلو عليه الشاهي في الدار ومناحي مقمعزة بتفطر ورحمة بدت اتصب في الحليب وعايشه بدت في عزق الدوة وخصوصا بعد سألتها رحمة علي بنتها الكبيرة متجوزة وعايشه في الجنوب ,,
اايشه : اتكلم فينا كل يوووم والحق ياحنة راجلها مايحمل فيها حاجه وايخلي فيها اتكلم فينا فيديو عالنت وانشوفو فيها وبعد جيبتها لولدها الثالث بنمشيلها لكن طريق وبعد والصديق قالي خليها نين تشرو الحوش وتستقرو ونمشولها بالمرة انشيلو هديه عليها القيمة😌
رحمة : ماشالله جابت وليد ? مبروك ياحنه اهو خلاتك جدة لثلاث اولاد تبارك الله يتربو في عزها ياحنه واتشالله ربي يسترك معاها وتنشولها وانتن طيبين 😊
عايشه وبتظرات لمناجي اللي تفطر هي وهديل قالت : ياحنة قلت لبوها لازم اتشيللها هدايا للبيبي ولها وخاصة ان عربها شايلينها علي كفوف الرراااحة وراجلها تبااارك الله شرالها طاقن ذهب عشان ولدت ولد , فقلت لازم انجيبلها هديه ترفع بيها رلسها قدام راجلها وعربها 😌
طبعا مناحي عارفو الملام لمي ياجارة بس طتشت وفطرت وكلت وشالت الصفرة مع هديل وهن في المطبخ ,
هديل اترشوش لمناجي : سمعتي كلامها الحربا هذي وهي تعزق في الدوة علينا ? 😒
متاحي : سمعتها ,, هزززي يلشرينتي عطيت بنتي عال18 ومتريحة وقاعده في حوش راجلها وجابت الاولاد ,,حالات 😒
هديل : شكلهم بيشرو حوش هنا ?
مناجي : من قالك ?
هديل : مؤيد بدري سمع باتي وخالي الصديق ايقوله في حوش نبي اتشوفه وكان عجبني تبي نشريه ,
مناجي : ايووواااه يعني بيكلطو عندنا في الحوش ? 😨
هديل : مش عارفه ,, لكن ينقنها مرت خالي وفرختها هذ 😤
مناجي بصوت واطي : اسكتي راه تسمعك الحربا قصدي مرت خالك واديرلنا قصه كملي انتي ونا بنهش لرحاب تم ?
هديل : تم 😉
وخشت مناجي لدار البنات لقت رحاب راقدة بس تحكي بالفون مع الغندور ومناجي اضحكت وهزت راسها ,,
طبعا عدا الوقت عادي طيبت رحمة الغداء بازين علي لحم وطني بالحركات متاعه 😋 وطبعا رحاب ومناجي يضمن في المطبخ وهديل تبرم عااحوش تكنيس وتبخير والجدة اتكلم رحمة وتقول : خلاااص بعد جو عيت الصديق وبيقعدو عندنا انروحو معاهم 😑
رحمة : وعليش مستعجلين يايمي ,, اهو قاعدين حتي هنا مش في خلا ,
الجدة : لالا عيب عاد الراجل بيتريح ونايسيرش انضايقوه ساد لعند توا ,, صبذ الله يربحك ملمي المنجوهه متاجي قوليلها تواي روحها عشان انروحو ,
رحمة : ماهو يني مناجي والبنات قبل عندهن مشوار 😓
الجدة : مشوار لوين ?
رحمة : مشوار لوحدة مواعداتها بينشلها ابيوم وكلمنها بالفون يعني مايصيرش يغيرن الموعد ,
الجده : خلاص ,,ينشن بناتك ويتعذرن علي مناجي مرة ثانيه انشالله هيا عاد فزي كلميها ,
وصبت رحمة بعد فشلت محاولتها تنقذ مناجي من الترويحه معاهم ,وفعلا خبرتها وقعدت اطير وتنزل لان عارفة تبيها حنها تخدم عيت عمها وبنات عمتها وجعتهن متاجي وفعلا ماصارش من المشوار وكان للمول بيغيرن جوهة طبعا مفتاح مواعدهن ايهورهن ويغيرت جو لكن جيت عيت عم نتاجي خربت الطلعه ,,😔
رواية متاجي والنصيب لهنيلو ,, خلاص اخر مرة 😁
ولبست عبايتها مناجي وروحت مع معاويه وحنها معاها وعيت عمها ركبو في سيارتهم واول ماوصلو للحوش لقو سيارة كيا رصاصيه مدرسه ومناجي مستغربة وبعد درسو انفتح باب السيارة الميا ويطلع هضكي الطرف شاب بالرغم نلامحه عاديه بس عنده مريزما مش عاديه شخصيته تخبل ولابس نظارات سود ولابس قنيص اسود ساده وسروال قماش اسود والشعر اللي يلمع والسبسي في فمه وعمتكن مناجي فاتحه فمها وقارنه الحوتجب ومعش عرفت هضا مة وعليش ايسلم علي عمها الصديق وعايشه ونزلت وخشت وهي طايرتلها وتدعي عليهم وعلي حنها اللي نازله فيها وتسب في سرها في خظها البي طيحها في عيلة زيهم واول مافتحت الباب وخشت نقدت عليش حنها طولت بس مادورتش وطول غيرت دبشها ولبست لبسة حوش وبدت اتضم في الحوش وتفتح في الرواشن وسمعتهن خشن عيت حنة للدار والرجاله للمربوعه وسمعت حتى صوت معاويه استغربت كيف ماروح بس فاتت وخشت للمطبخ وطلعت صرت اللحم من الفريز وخطتها في الحوض وبدت حملتها المعتاده خطرت عليا الحملة الصليبيه 😁 وهي الحواحب منقرنات وولعت البخارة وهي تبرم عالسريع جتها فداء وقالت ............
اااه شن قالت في الحلقه الجايه انشالله ,,😁 وزعما مت البي شافاته متاجي وشن يرجن في مناجي من فوالط يستر الله 😂
#Hanelo ✒
