سامحني نعموشاتي امس كنت مريضه والله ابراد وزكمه وحال عدوكن ماقدرت نكتب حرفيت علي بعضهن ,, والحلقه من المغرب كاتبتها بس التغطيه تفدد الله غالب ,
قراءة ممتعه ,,
رواية #مناجي_والنصبب
الحلقه /16
وصلنا لعند مناجي قرا فاتحتها وسام ولبستها عمتها الدبلة ودارن جو عالخفيف لان كل شي جا بسرعه ,, بحكم وسام دق الحديد وهو حامي ,,
انعنها دقت كل حبيب 😁
وقلنا وسام جاها في مربوعة عيت جدها وهدرز معاها و💋 ,, 😁وامورهم رايقه وقلنا ان جدتها مش راضيه علي خطبة مناجي بوسام لكن مناجي واجهتها بمعاناتها ووجعها والجدة قعدت تراجع في كلام مناجي بينها وبين نفسها ,, وقلنا رنت غزلان علي رحمة لانها بتجي لمناجي لامر ضروري وفعلا رحمة جت بدري لحوش امها وخبرت مناجي وبرمن علي الحوش عاد هضا سريب مايفض بكل تجري طول النهار ويتكرر الوضع ثاني يوم وهابا 😒
المهم في العشية جت غزلان بروحها واستقبلنها في دار الضيوف واول ماقمعزت نادت مناجي وقالتلها : هاكي يابنتي ,😊
مناجي : هضا شنو ?😕
غزلان : ياحنة هضا مهرك وفلوس كسوتك ,, سلفي الكبير اتصل اباتك عشان يعطيه الفلوس قاله باتك عطوهن لمناجي في حوش حنها يالاكم هن من حقاتها مغير نا توا مش فاضي ومش قاعد في الحوش ,☺
رحمة : وحتى هضا راي ياحنة ,, ونحن مانا برانيا علي بعضنا وعادي ,😀
مناجي خذت الفلوس وشكرت عمتها واحتارت في طلب باتها ,المهم شربت عمتكن غزلان فنجان القهوة واستأذنت روحت الا الجدة منخمدة في دارها ,, المهم بعد طلعت غزلان مناجي قالت لعمتها : غريبة يمي مش المفروض يعطوهن لباتي احسن يكون هو اللي استلم مهري وفلوسي وهو يجيبهن ليا ,? عالاقل انحس بيه سندي حق 😔
رحمة طبعا فهمت علي خوها خليل وقالت : بالعكس هكي احسن ,, ونا متأكده ان باتك قاللهم هكي عشان العقرب مراته ماتخذش من فلوسك هابا عليها كان اتحصل ماتريدك تتجوزي ولا شي محماط 😒
مناجي : زعما هكي تفكيره ? 😓
رحمة : اكيده اخرا ,,خوي وعارفته ,, وبعدين نحن وعيت غزلان جيران وهل من قبل مش بيناتنا قصة يشيلو المهر وسريب المهم حاجتك اتجيك انتي ,
مناجي : باهي زعما امتا نمشو للسوق ?
رحمة : بعد المغرب نطلعو ساع انكلم معاويه وايشيلنا ,☺
مناجي : وحني من بيقعد معاها كان طلعنا ?😕
رحمة : رحاب وهديل بيجن ماتشيليش في بالك انتي ,,😊
شايلة همها ياحنة? ماساع تتجوزي 😁 ماعلينا ,,
المهم عمتكن مناجي عطت الظرف لعمتها اللي قعدت اتعد فيهن💵 😁 حركات الامهات هذين ضروري منهن ,, ومناجي خشت عالمطبخ طبخت لحنها مقطع بالزعتر والقريصه علي قديد ,, 😋
عشان ماتزنش علي بنات عمتها وكان الصديق جاي لامه هو وفداء اللي جت اتبارك الا عايشه وفرات ماجنش لا تعرفنهن منقهرات ولا حسديات عاطهن مايرزيهن ,💦 المهم فداء فرحانه بجيتها لمناجي وعمتها رحمة تهدرز مع الصديق وامها وحكتلهم علي جيت غزلان واللي قاله خليل ,
الصديق : احسن مادار , بنت راقدت ريح بيش تبدا ادبش ,وخطرها الفلوس ,,
وطلع من جيبه ظرف وقال لرحمة : وهذين مني لمناجي حتي هي بنتي ,
رحمة خذت الظرف وقالتله : انعنك ماتغيب وسلم عمها اي والله ,😊
الجدة : خليهن عندك راك تعطيهن الها تبزعقهن عالفاضي ,😒
رحمة : لا والله كاتبة حاجات اساسيه بس صالون وفرشه وحاجات المطبخ يمي ,
الصديق : وشن خذت لتوا ?
رحمة : مازال اليوم بيشيلنا معاويه ونطلع معاها تشري اللي مقسمها ربي ,
الصديق : خلاص معناها لو نقصكم شي اتصلي بيا امانة راه ,
رحمة : انشالله ياخيي مردودلك في فروح ضناك يارب ,
الصديق : يارب
وطبعا مناجي طيبت الشاهي لعمها وجاباته له وهو بارلكها وهناها وهي دايرة جو الحشم عروسه عاد العقبه للعزابا 👐 ,, وطلعت للمطبخ اتكمل في عشا حنها علي جيت معاويه جايب خواته ومؤيد ,,وخشو علي حنهم يسلمو وخشت مناجي و فداء للبنات يحسابنهم وحدهن مع الصديق وفداء الوجه عاطه كن لون عاد بعد شافت معاويه ,,وهو قعدن اعيونه هك 😍 عرب تغوا وعايشه الجو 😁 Gazala Bobacer ,, روايتي ومايغباكن 😁
وفداء طلعت تحشمت العطيبه وعمكن معاويه قعد يسحب من يلا هله نين طلع وقعد ايدور عليها القيها في النطبخ اتصب في مية واول ماشافاته انحرجت وطبست وجهه وجت باطلع ,
معاويه : فداء ممكن نحكي معاك شويه ?
فداء : انشالله خير شن في?
معاويه : توا مانقدرش مرات بحي حد ويفهمنا غلط ممكن رقم فونك ?
فداء : عليش ?
معاويه : بابنت خالي ماتخافيش ونبي نحكي معاك في موضوع مهم لو موافقه خلي رقمك عند مناجي ونا ساع ناخذه ,, وطلع وخلاها قريب شطح شطيح والعيون بانن بيها الفرحه وهمست : ينعلي يهبببل 😍
انجو لباقي العيلة ,,
المهم الصديق ايهدرز مع امه ومعاويه ومؤيد ورحمة خذت البنات ومشن للدار وخشت عليهن فداء ورحمة طلعت بمناجي للمطبخ مدتلها الظرف ,
مناجي : شنو ?
رحمة : هذين من عمك الصديق ,
مناجي : ياروحي ماني لايمة عليه عمي الحنين ايسد ضحكته لما يشوفني ,😘
وفتحت مناجي الظرف وتلقاها ربطة بالاستيك ,ورحمة قالت بفرحة : ماشالله شكلهن واجد ,
مناجي : شكلهن ,, انعني مانفقده عمي الحنين ,
رحمة : كان واحد اخرا راهو زعل وقال فضلت واحد براني علي ولدي ,,
وقعدت عمتكن رحمة اتعد وحالتها حاله ولقتهن 1500 دينار فرحن بيهن ,
رحمة : هذين جايباتلك الصالون بفرشته ,
مناجي : ديري رايك يمي انت ادرى بيا ,
ودستهن عمتكن رحمة ,,اللي طيبت رز محبب والبنات قلن بطاطا عالسريع وسلاطه وحطن عشا الحاجه والصديق قاللهم كان في مقطع جيبولي منه ,, وفعلا حطتله مناجي وشكراته عالهديه متاعه وباست يده وراسه وهو فرحان بيها ,, ورحمة ماشالله سريعة في التسواي حطت العشا قبل مايأذن العشاء وتعشو الكل ولبست مناجي عبايته ورنت علي وسام اتشاور فيه عاد دارت كبيده وزوج قعدت تاخذ في اذنه قبل ماتطلع 😁 وطلعت مع رحمة ومعاويه وهديل ورحاب وفداء قعدن مع الجدهاللي ساع ترزيهن من الطلبات 😁 والصديق طلع للجامع قريب العشا يأذن ,, المهم مناجي من محل لمحل وهديل ورحمة يزرن بيها وهي ماحتي تعرف واجد في حاجات العرايس وهديل اتوري فيها في كل شي من مكاج وارواب وبعد معاناة وكم ساعه وهن من محل لمحل رنن علي معاويه وجاهن القيهن في محل الاثاث والمفروشات قطعن في الصالون وكان ضغط عالي وركبلا فرشه مع طاولة وخذا معاويه الوصل عشان اتفق مع صاحب المحل ثاني يوم ياخذه منه هو والفرشه وركبن شكايرهن في سيارة معاويه وروحن وهن خلاااص واصلات حدهن ,,
وخشن لقن البنات دايرات فشار وبيتزا ومكسرات ومطيبات شاهي ويرجن فيهن ,,
ومانحكيلكن علي جو القصقصه وشن شريتي ,, وعمكن معاويه مقمعز جنب حنه ويعزق في النظرات شور فداء 👀 وفداء منحرجة والضحكه علي وجهها والعزوز زارقه عالجو 👀
ناس اتراقب في بعضها وخلاص 😁
المهم كان يوم طويل بس حلو لمناجي وروح الصديق ببنته فداء اللي كانت تبي اتبات بس امها رنت تبيها اتروح ,,طبعا نكد مانحكيلكن علي عويشه نسخة مبسوطه انعنها مجلوطه 💦 المهم مرن يومين ومناجي تطلع مع رحمة اللي صبت معاها تصباية ام صاااح والجدة سارحة في عالم ثاني ووسام كان يكلم في مناجي بالفون ويلمحها وهي طالعة للسوق ومانحكيلكن علي اعويناتها شن يقعدن بعد اتشوفه 😍
المهم دار مناجي تعبت دبش العرس شي صالون علي فرش المطبخ والتواليت ودبشها اللي غلفنه وحجزت رحمة في الحلويات والموالح ,, ومفتاح فزعلها بالف جنيه ومعاويه خمسميه ورحمة الحلويات والحلو وجلسات الاقنعه والحمام البخاري والحنة كانن شورها ,,خاطي مساعدتها في كل شي ايصير نقص من شي اتزيد من عندها ,, كثر خيرهم ناس بفزعتها صح ,,
وفي يوم الجدة كلمت 😐رحمة وقالت : رحمة اتصلي بمفتاح راجلك نبيه ,
رحمة : انشالله خير عليش ? 😕
الجدة : قتلك اتصلي بيه بلاش دوة زايده ,😒
رحمة : حاضر يمي ,,هيا بنتصل بيه ,
واتصلت بيه رحمة وقالتله تبيك امي ضروري وفعلا حاجة ساعة وكان مفتاح عندهم وخش عالجده ,
مفتاح : انشالله خير ي عمتي ,
الجدة : ماهناك الا الخير انشالله ,, كان اذكر زمان بعد طاق خليل سارة ام مناجي ?
مفتاح : نذكر ياحاجه ,,
الجدة : جا الوقت توا شن رايك ?
مفتاح : تبي الحق نا من زمان معارض فكرتكم بحرمان مناجي من امها وحرمان امها منها في النهاية هذي كبدها ,لكن ربي يهدي ,
الجدة : ليا ليلتين يافتوحه مانرقد بالذات بعد حسيت بمناجي مكسورة وواجعتها عيشتها بلا امها ,لكن الله غالب كل شي مكتوب ونصيب وتوا من حقها اتشوفها وتعرف هي وين,
مفتاح : خلاص يعني اندير اللي اتفقنا عليه ?
الجدة تنهدت وقالت : ديره ياوليدي ,,انحس في روحي ظلمت مناجي مع اني كنت خايفه عليها بس ,😔
مفتاح : عارف نيتك واكيده مناجي اتحبك انتي ربيتيها وعاشت معاك ,, وحتتفهم اللي درتيه ,
وقعدو ايتناقشو ومناجي مستغربه شن تبي حنها من مفتاح
مناجي : زعما شن في ?
انجو لقيس اللي كان ينشد علي عمه خليل من العرب اللي ناسبهم ويقصقص اول مابدا اباته وامه كل واحد بروحه طبعا وبطريقة غير مباشرة ,,😁
قيس لباته : باهي ومعش عرفتو عليها شي ? وين ساكنه ? مع من ? تجوزت ولا لا ?
الصديق : العلم لله ,,تذكر اخر مرة طلعت من حوش عيت جدك شالها خوها الكبير ونشهد بالله ياماشفات من حنك ومرت عمك مبسوطه ,, لدرجة وصلت بيهن لزنها من الحوش وهي في شهرها ببنتها ,
قيس : لا حول ولا قوة الا بالله ,, معقوله حتي قاسيه لهدرجة ?
الصديق : حنك قاسيه صحيح بس قلبها ابيض وماتوريش حنيتها لحد ,, المهم انت شن خطر عليك موضوع ام مناجي ?
قيس : لا مغير فضول بس لان بنت عمنا ومانعرفو عليها شي ولا شن سبب طلاق امها وباتها ,
وصبا وقال : اوكي تو اسمحلي عندي مشوار هكي ومرات انطول ,
وطلع وخشت عايشه علي الصديق جايبة صفرة الشاهي : ولدك وين طلع ?
الصديق وهو ايتفرج عالنشرة : قال عتده نشوار ومرات ايطول
عايشه : شن صار في بنت خوك كنها مادزت علينا والا ماتبي طارينا ?
الصديق: وانتي برانيه للعزومة ? وامشي من ماسكك والفرح مازال المفروض تمشي وتفرحيلها وتعولي معاهم 😒
عايشه :كان ودي نكون معاهن لكن هن شكلهن مايبن والي لا رنن عليا ولا كلمني ,, اختك وبنت خوك مايبن والي كيف اللي خايفات ,, تحلف عليهن ماتقول عمر خد انهطب الر هي 😒
الصديق علا علي صوت التشرة وقارن الحواجب وغامتلا من مراته ومن تفكيرها وهي تسحن وتدعي علي مناجي وعلي رحمة اخخ عطها سحنان يسحنها ,,😤 قعدتلكن فريال اللي في باب الحارة مغير ندعي وخلاص 😁 ماعلينا ,,
انجو لوسام جايب عمال والزنيا شايلة في شقته تغيير ديكور علي زواق علي ثريات جدد وخذا فونه ورن علي مناجي ,, 📱 واول ماشافت رقنه طووول ردت ,لمبيده عاد مش اي حد 💕
مناجي : الووو 😍
وسام : اهلين حبيبي كيف حالك 😍
مناجي : الحمدالله ,, وانت ? 😍
وسام : حال الحوسه مانحكيلك ,
مناجي : ربي يعاونك
وسام : قتلك بنسألك شن رايك في سرانيك المطبخ انديرها لكي بيج في الاسود ?
مناحي : تبي الحق اللون هضا سخساخ ومتعب ,
وسام: باهي شن اتحبي لونها ?
مناجي : اي لون الا الابيض والبيج ,,
وسام : تم خلاص حنحيباك تكالوج الالوان متاعهم وتختاري اللي يعجبك تم ?
مناجي : تم ,😍
وسام : باهي الحمام درته علي ذوقي راه
مناجي : ونا متأكده من ذوقك اكيد حلو 😍
وفي اللحظة هذي وسام نازل من شقته مخلي العمال يكملو وهو عالدروج تطلع بنت حليوة هكي لابسه الوشاح بالطريقه الجديده وشافشيفها من قدام طالعات بشرتها بيضا وطويله اشوي ووول ماشافت وسام قالت بصوت عالي: وساااام واااو وينك اتدورو فيك نحن ?
وسام برسميو : اهلين بيلسان ,,كنت فوق مع العمال ,
ورد قال لمناجي : نوجا انكلمك بعدين اشويا ,
مناحي طبعا سمعت صوت البنت ونعنها ناخالكن نار الغيرة شعللت فيها قريب طلعتلا من الفون وقالت : من هذي اللي تحكي معاك ?
وسام بعد نزل طلع للحاجر يحكي وعمتكن بيلسان اعيونها معاه 👀
وسام : هذي بنت خالتي جت اليوم مع امها وخواتها عشان ايباركن والحوش معبا عمتي وبناتها وكناينها ومانحكيلك.
مناجي : اها ,باه ,, وهي وين توا ?
وسام ضمك وقال : ميف صار غايره ?
مناجي: اكيده ,, كتن ماغرت عليك نا من بيغير
عليك ?
وسام : حبيبي نبيك تفهمي حاجة وحده بس ,, وانك في قلبي من اول ماشفتك راه ,
مناجي : تحكي جديات وسام ?
وسام بحب : والله جديات ,, تعرفي امتا ?
مناجي : امتا ?
وسام : من يوم روحتي من المعهد وكنتي في الشارع اللي قبل شارعنا وفي شباب عاكسو بنت وضايقوها تذكريها ?
مناجي : اها نذكرها ,
وسام : تذكري لما شديتي يد البنت وتبي اتروحي بيها واحد من الشباب مسك يدك ?
مناجي : هههههه نذكر بعد مسك يدي وتا نشلفطه بكف 😂
وسام : تعرفي بعد ضربايه وحاول يضربك تا قبل بنجي انحز عليم لكن تفاجأت انك دفيتيه ومسكتي خيط ضي مقطوع وقعدتي اتشلطي فيهم 😂
متاجي باحرهج : عليم فضايح اكيده قلت جالط 😶
وسام : بالعكس عجبتني شهامتك ,, وبرائتك وحتاطتم وعفويتك ,😘
مناجي انجمطت من الحشم وفرحت بكلام وسام ووسام عرفها انحرجت وقاللها : اوكي عمري سكري توا ونكلمك بعدين ردي بالك ترقدي ,😘
متاجي : اوكي نرجاك 😍
وسكرت منه وهي مش مصدقه قصة الحب اللي عايشتها ,,وخشت عليها حنها ,,
الجدة : مناجي !! تعالي نبيك ,
مناجي : نعم ?شن في ?
الجده : فزي تعالي وانتي تنشدي ديما 😒
مناجي : الصبر ياربي علي باقي هالشهر بس 😤
وصبت لحقت حنها واول ماقمعزت عالسرير جنب حنها قالت حنها : ...............
توقعاتكن شن تبيها حنها?? وشن بيصير في الحلقه الجايه 😐 توقعاتكن مليشيا ✌
#Hamelo ✒
