للكاتبه الهميل الشارد هميلو ،،
رواية #مناجي_والنصيب
الحلقه / 2
قراءة ممتعه ،،
وصلنا امس لعند عمتكن مناجي اتضم في المطبخ اللي لقتها شايلة ومرونة من مرت باتها مبسوطة وبنتها نجلاء ومناجي اتعارك بروحها وتهزب ولابسة توته مشكله السروال شكل والماليه لتوتا ثانيه والشفاشيف واخذات وضعهن وهي تلتفت للباب واتصكها عيطة لقت ولد عمتها رحمة (معاوية) وكان في نفس عمرها ,,
طبعا هضا اللي راضعه معاه يعني خوها في الرضاعه 😅
مناجي بفجعه : عااااااا 😨 بسم الله فجعتني 😒
معاويه بضحك : ههههههه عاطك الخير بنعرف بس كنك ديما اتعاركي وتحكي مع روحك اللي يشوفك يقول هذي مخاويه 😂
مناجي تنهدت وطلعت من جنبه للسور الخلفي طبعا المطبخ في السور الخلفي وقريب من باب الحوش اللي يطل عالصاله وخذت النشافه غسلتها علي شيشمة السور ونشرتها وهي قارنة حواجبها
وقالت لمعاويه : والله غامة ياخيي وقريب ننفصل فصلة ناخذ ذنب عرب هنا 😬
معاويه : كنك بس من كلمك ?
مناجي : هذي عمتك مبسوطة وبنتها مايجن الا علي بطونهن وحتي غسل ماعين مايغسلن ,, تي حطيتلهن الغدا هن وباتي وحني وخشيت رقدت نضت القيت المطبخ اتقول لاعبين فيه دواعش له كم سنة مرووون علي بعضه 😡
معاويه بابتسامة : فوتي ,, عمرك ماتحرقي دمك علي بشرية تحاول اطلعك غلطانة او فيك عيب فوتيهم ,,وعيشي حياتك زي ماتبي ,😉
مناجي تنهدت وابتسمت بغل وقهر
وقالت : تحكي جديات ? ومن اللي بيخليتي انعيشها زي مانبي وراس خيي خليني ساكنة بلاش ندوي 😐
معاوية وجعاته مناجي وحك شعره
وقاللها: باهي بلاش نكد وانتي ماتصدقي تفتحي فمك ,, نسيتيني عليش جاي نا 😁
مناجي بعد خشت للمطبخ وحطت فحم عالغاز بتولع بخارة وحطت بكرج القهوة عالنار
وقالت : هضا حالك ديما ,, ديما تنسى ,, بعد خطرها امي رحمة وين ? ماجتش معاك ?
معاوية : ايوا اذكرت ,,امي دزتلك سلام وقالتلك بكرة بيش اتجي لعندنا بدري عشان في موضوع صبايا جايات لامي ويبنك هي والبنات معاهن ,😊
مناجي برفعت حاجب قالت : صبايا !? اكيدة الموضوع فيه ان. ,, خلاص بكرة في الصبح تعالي خوذني تلقاني واتيه ,☺
معاوية : تم ,, هيا سقدينا بفنجان قهوة 😁
مناجي : باهي اهي وتيت ,,خطرها حني ماقابلاتكش ? نضت مو النوم مالقيتهاش 😒
معاويه : دزتلي مع امي بعد رنت عليها قبل العصر تبي حوش خالي صديق شلتها غادي ,, هضا بيش جيتك 😁
مناجي وهي اطفي عالقهوة وطلعت فنجانين وصبت ومدتله فنجان وقعمعزت عالكرسي متاع طاولة المطبخ
