اسفة للتأخير ,,
رواية #مناجي_والنصيب
الحلقه 14
قراءة ممتعه فرنداتي ,😍
وصلنا امبارح لعند مناجي وبنات عمتها قاعدات ايهدرزن في الدار ويسمعن هذكي الزغروته اللي سمعت سابع جار ,, وطلعن يداعكن عالباب واول ماخشن لقن رحمة فرحانه ,,
هديل : شنو في ? فرحونا ,,😳
رحمة : الف الف مبروك ياجيجي قرو فاتحتك 😃
مناجي تخزرطت والعيون قبل ابلطن وقالت : علي من ? 😨
رحمة قربت منها وخضنت وجه مناجي بيدبها وقالت : وسام ياحنه ,, شال الرجاله وهد علي باتك في المربوعه وماطلع نين قرو فاتحتك واليون بتجينا غزلان اتحدد يوم العرس 😀
مناجي اتصدمت وقعدت مصبيه ومفنصه وفاتحه فمها 😳 والبنات فرحن قعدن يحضنن فيها ويباركن ,
رحاب : الف مبروك ياخيتي ربي يتمم علي خير ,😀
هديل : واخيرا مبروك غلاتي الف مبروك وانشالله عقبالي يارب 😁
رحمة : بننننت تحشمي 😒
الجدة : هابا جيل مفنص لا حشم ولا جعرة 💦😒
هديل : تي سنة الحياة ياهمي كنكن ,,😁
رحمة لمناجي : جيجي كنك ساكته ? انتي توا خلاص انخطبتي ورسمي اخرا ,
مناجي : هاااا !! رسمي ? 😳
رحمة : البنت منصدمة هههههه اها رسمي ,
رحاب : قصدك قرو الفاتحة الكبيرة ?😀
رحمة : اها توا هض خليل خبرني ,☺
والبنات يقعدن ايتعاطين ومناجي الفرحه معش ساعتها وقالت : تحكي جديات ? باتي عطاني لوسام متأكده? 😀
رحمة : متأكده ياحبيبتي ,😊
وشافت رحمة لبناتها وقالت : هيا يابنات خوذن خيتكن وجهزن ضيافة العشية غزلان أكيده بتجي بعد العصر بسرعه وجهزنها تلبس حاجة اكويسه ,
وفعلا خذنها البنات وهي مازالت منصدمة ومش مستوعةو اللي صار ,, ورن فون رحمة لقتها غزلان
رحمة : الو ,, يامرحبتين ,, علينا وعليكم يارب ,, توا هض خبرتي خليل والله فرحت ,, لاصحيح صدقتي ,, ها ياحنه ? نرجو فيك ,,, لا تفضلي نحن مش برانيه ونتفقو ونحن هل من قبل يابال توا انسابات ,, الله يسلمك ,,في امان الله ,, مع السلامة ,
وسكرت عمتكن رحمة من هن وفط لدار البنات من هن ,,
رحمة اندلشت عليهن اتقول مداهمة مكافحة المخدرات وقالت بصوت عالي : بناااااات عمتكن غزلان جاية ومعاها اختها وبنت اختها المتجوزه وحماتها وبناتها الاثنين وبيلبسن مناجي الدبلة والمحبس لان الفرح قريب مافيش داعي لسريب بيان ,
مناجي : قريب ? امتا ?
رحمة : توقعيه بعد شهر بس , خلني نمشي نبرن عالحوش وانولع البخارة ,, وراااحت كيف ماجت عالسريع ,,😁
رواية مناجي والنصيب لهميلو ,,, حليا منكن فرحانات ولا ? 😁 Gazala Bobacer ,,
المهم ,,
وهديل تحكي معاها ,
هديل : هييي يابنت سقدي روحك خلينا انطلعولك لبسة قبل ماتجي عمتك.
وحاب : جيجي انتي يابنت ,
وعنتكن مناجي سااارحه في عالم ثاني وتشلفط 👋 جاها مف من هديل نين فاقت علي روحها ,
هديل : كنك ساكته ومش فرحانه مش هضا وسام اللي تحبيه ? والا انجلطتي 😬
مناجي بفرحه : ينعلي ينعلي ينعلي قرو فاتحتي عالمقصود 😍 قرو فااااتحتييييي اولييي اولاييي 💃😍
وقعدت ترقص والبنات يضحكن 😂😅
هديل تغنيلها ( الصقر الحر وين هبط علي مربوعت بوها حط يايييا يايييا ) 😂 وجو دارنه ضحك ورقيص ورحاب تضحك : هيا وقت عليكي توا مش وقت رقيص 😂
وفعلا طلعت لبسة حلوة فستان احمر طويل شافوني واكمامه ربع كم جايبته لها هديل مخصر بحزام فضي وفيه تطريزه عالصدر فضيه بلمعه بسيطه واستشورتلها هديل شعرها عالسريع ورفعتلها شعرها نظام تسريحه بسيطه عالسريع وطعتلها خصلات من جنب وجهها وحطتلها بروشات فضيات بلمعه بسيطات ولبست طاقم فضي خفيف ودارتلها مايكب خفيف طلعت اتجنن ,,وتعطرت ولبسنها صندل فضي ورحاب اطلعت اتساعد في امها عالتوتاي من ضيافه وعمتكن الحده ماحوتم اقتنعت اتبدل دبشها اتقول حازنة علي غيابها 😒 واقنعتها رحمة بالمحايلة ولبست قفطان مورد ومخربش حمر في الازرق والاسود وتعطرت بهضك الزهر وبنة الصب ,, ونشطتلها رحمة شعيراتها ولست محرمتها ورحاب تبرن بالبخارة ,
الجدة : خلاص يابنت سدك قطعتينا بالدخاخين شيليه برا 😬
رحمة : خلاص رحوبا بخري المربوعه ,
رحاب بخرتها هي ودار الضيافه ,
رحمة : خلاص معناها اضربي النسكافيه ,
وحاب : القيت مناجي مجهزتها ,, ساع انطلع الموالح انحطهن في الكوشه بس يقعدن عالتسخين ,
وخشت رحاب للنطبخ ورحمة تبرم عالحوش وهديل ومناجي كملن لبس وخشت رحمة شافت مناحي اعيونها رقرقن ومسكت بكيتها ,
مناجي : عليش تبكي توا يمي ? 😢
رحمة : فرحانة عشانك يابنتي ربي يسعدك ويجبر بخاطرك ديما ,,
ولاخظت رحمة حنة سودا علي ايدين مناجي
رحمة : ماشالله امتا حنيتي ? امس ?
هديل : هههههه اي امس وهي كانت بلا حنة كنك يمي دختي ?
رحمة : والله ماني عارفه باهي امتا لحقتن حنيتن ?
مناجي بضحكة : هذي هدولتي ربي يسعدها ويجبر بخاطرها جايبة معاها حنة البوماطه ومعاها لصقة يدين خفيفه دارتها ليا وغسلتها قالتلي عالسريع 😊
رحمة : نجك ليا ياهدوله ينقنك اتفكري يابنت ,😘
هديل : ينعبا عليا ولا ? اعرفو قيمتي بس 😁
روايتي ياحناتي لهميلو ايوااا 😁الزرقه عذي ضروري منها عاد 😂
وحضنتها مناجي وهديل اعويناتها دمعن المهم لحظه مؤثرة لمناجي وخاصة انها اتحس ناقصها شي بس مازالت ماركزت ,,
المهم اذن العصر وصلن فرضهن وجت غزلان مع صبايا قريب 6 صبايا جايبات معاهن القاتو والعصير وعلبة حمرا صغيرة فيها الدبله والمحبس وساعة ذهب ,, طبعا جت عالسريع وهن مقمعزات في دار الضيافه ومعاهن العزوز المنجوهه جدة مناجي ورحمة وغزلان تتشد علي مناجي اللي خشت وهي متحشمة والوجه الوان الوان وسلمت عليهن وغزلان فرحانه بيها ولولدها ,, الا اخت غزلان اتخزر في مناجي وتلوي في شوربها اللي تبيلها فيهن حكة فلفل 😒 ماعلينا وبدن ايضفين البنات فيهن والجدة اتبحت لمناجي وقارنة حويجباتها وفي عقلها دوة وقررت اتقولها لمناجي بعد يمشن الصبايا ,
المهم لبستها غزلان الدبلة والمحبس والساعه واتفقت مع الجده ورحمة الفرح نهاية الشهر يعني في بداية 10 وبعد هدريز وجو حلو ومناجي مش مصدقه روحن الصبايا وخش معاويه بارك لاخته مناجي وهو فرحانلها ,, وقال لامه ,
معاويه : امي وسام بيخش للمربوعه ويحكي مع جيجي شويه وكلمني ونا قتله تم ,,
الجدة وهي اتفادع شور دارها سمعتهن قالت : وعليش بيحكي مااها وعرسهم نهايو الشهر ? 😒
رحمة : عادي يمي توا هو راجلها راه ,, قاري فاتحتها وبعدين ماعنرهم حكو مع بعضهم ولا تفاهمو ,
والتفتت علي ولدها وقالت : خليه ايخش ,
وخشت علي دار البنات وحكت لمناحي اللي الرعشه بدت فيها ,
مناجي : بيحكي معايا ? كيف اتدير توا ينعلي يابنات شنو اندير ? 😱
وحاب : تي عادي يابنت راجلك تو هضا ,, واكيده بيحكي معام في شي ضروري اطلعي وشوفيه واحمي معاه هذي فرصتك ياحنه ,
هديل رفعت ايديها للسما وقالت : عقبااالي ياااارب 👐
وشلفاااط علي رقبتها من امها وقالتلها : هابا منك انتي 😒
وطلعت وسيبتهن
هديل : مقبوله منك يانبع الحنان ,, اخ ماةقل يدها 😵
مناجي : هههههه حتي انتي قريب وقلبي حاسس حتي هو فهد ياحنة 😉
وحاب : هههههه مشمغير ,, شكله جرتي خضرا عليكن مانخطبت زين نين انخطبتن 😌
هديل : ها ها ها خفيفه ,, وانتي اطلعي لراجلك يرجا فيك ,
وطلعت مناجي وطبعا غيرت قفطانها بتوتا حوش ماتوقعتش وسام بيجيها ,, بس المماح مازال علي وجهه وحطت وشاح بس ,, واول ماخشت وشافاااته حي عليها حي 😂 قبز اغما عليها رسمي وهي البسمة علي وجهها والعيون يلمعن والخدود توردن ووسام مبتسم وغمازته بانت ولابسلها هذمي الطرحة ةالعطر اللي اينوض الميتين من جماله 😍والشعر اللي نازل عليه البنت ترعش ونش مصدقه واول ماسلمت عليه التقطت في حاشية فرشة العجميه قبل طاحت علي وجهها تلاقها وسام ,
وسام وهو ماسك ايدها وقمعزها عالصالون : بسم الله عليكي ,, ديما طايحة يابنت انتي شن قصتك 😂
مناجي وجهها من الحشم تغير عشر الوان 😁
وسام : نوجا ,, شوفيلي كنك مطبسه ?
ورفعت مناجي وجهها فيه والعيون تلاقن ناعاد قدرت اتشيل اعيونها من اعيونه وسرحت وهو قاللها : اكثر شي جذبني ليكي اعيونك وبرائتك انحس فيك طفلة ومش اي طفلة طفلتي انا ,😍
مناجي : 😍
وسام قرب منها وهي اتشوفله وقرب قرب قرب ل........
وتوا تصبحن حناتي سادكن لتوا , جيعانه بنمشي نداهم المطبخ توا 😂
توقعاتكن 😘
#Hamelo ✒
