سلااام حبيباتي ,, اولا كتبتها ونسقتها وين خلاص بننسخها نحذفها من البخت قبل انجلطت 😨 شعور مايعرفه الا اللي كاتب كلاااام واجد وفي لحظة بحححح ,, المهم اسفة عالتأخير وبكرة بنزل باقي الاخيرة لانها طويلة واااجد والفيس ماباش يستقبل اكثر من هكي ,, وبالنسبة ليش مانزلت امبارح عارفات بالبوزاعه اللي صارت انبارح وانحظرت ولا الفيس عطل المهم معش قدرت انزل 😒 واسفو عالتأخير تي باهي اللي قدرت انعاودها لكن 😤
تفاعلن حناتي ايواااه بيش الايميل يقوا ومانريحش منكن 😢
رواية #مناجي_والنصيب
الحلقة /20 والأخيرة الجزء الاول ,,
في اللحلقه اللي فاتت قريتن لعند مناجي خذتها رحمة وشالتها لشفتها فوق واول ماخشت لقت مفتاح ووسام مع بعضهم وكان باين عليهم التاثر ,,قلبها يدلف والتفتت علي يمينها في نهاية الصالة وشافت ثلاث صبايا ركزت زين شافت بنتين شبابات وولية في مش كبيرة واجد في العمر فيها منها وااااجد وحتى البنات يشبهلها مغير وحدة سمراويه اتهبل والثاتيه بيضا والدموع في عيونهن وبالذات الوليه تبمي غصبن عنها ومناجي حست قلبها خلاص بيوقف من كثر الخبيط وقربا منها رحمة وهي تبكي : نجيوا عدي سلمي هذي امك وخياتك ,😢
مناجي : هاااا 😨
وقرب منها مفتاح وقال : هذي امك يابنتي اللي انحرمت منك وانحرمتي منها ,,ويعلم الله كانت تحسابك ميتة كن اخر جية جت وياما صار فيها وراجلها حكالي قال قعدت كم سنة وهي حزينة ومكتئبه ,, وربي رزقها بعيال ولنات لكن مازالت تبكي عليك ويوم اللي مشيتلهم ماصدقتش وعلي طول اطلبت اتجي تحضر عرسك ,
سارة ام مناجي : بنتي ,, حبيبتي 😢
مناجي من الصدمة قعدن الدموع ينزلن وخلاص وقبل داخت نين مسكها وسام ومفتاح ورحمة وجتها ساره تجري وحضنت وجه مناجي بيديها وقالت : ينعلي بنتي حبيبتي ااااه 😭
ومناجي بعد فاقت عالبطيئ شافت لامها بصدمة وقعدت تلمس في وجهها واكتوفها وقالت : اا..أم ..أمي ?
سارة هزت راسها : اااه امك ياعمري نا ,, امك ياروحي امك ياقطعة مني 😢
مناجي هاضا وين صدقت وخاصة ان الكل متأثر وحنها قدام باب الشقة متأثرة وتبكي وتعيط مناجي بعلو حسها : أممممييييييي 😭
ومانحميلكن عالوضع يضبطن في بعضهن ووسام وجعاته خبيبته وهو ايشوف فيها زي الطفلة الصغيرة خاشه في حضن امها وتبكي ورحمة نين وجهها قعد حمر ورحاب اللي مصبية جنب خوات مناجي من امها ,, وماتسمعو مفيت صوت البكا ,,
مفتاح مسح دموعه بالدكنوني وقال : الحمدالله اللي لم شملكن علي خير ,, وماتنسنش ان بعدكن مكتوب من ربي قبل العبد وديما احمدن ربي ,, وتوا اسمحولي ,
وطلع لانه معش قدر يتحمل راجل حنون نين بكل بالذات انه شاهد علي معاناة مناجي من طفولتها ,,
وسام قرب من مناجي اللي فاتحة فمها ونسيت روحها وناصبة نوعها من جد جدها وابتسم وهو يمسحلها في دموعها وقاللها : خلاص ياشينة امك في حضنك وطلع عندك خوات وخوت الحمدالله 😊
مناجي : صااااح? نبي انشوووفهم 😭
سارة مسحت دموعها وابتسمت لبنتها وقالتلها : اهو معايا خواتك البنات هذي مسرة وهذي غفران ,
مناجي شافت لبنتين شبابات انيقات في اللبس وباكيات نين قايلات يانا 😅وشافلها بحب وابتسمن مناجي بتصبي بعدها قالت : انسلم عليكن بعدين نا مزلت ماشبعت من حضن امي 😢
مسرة وهذي السمراويه نقشها ايهبببل واعيونها سووود طولها وسط وجسمها متناسق عمرها 19 سنة وطبعا لابسات عبايات حلوات وراقيات قالت لمناجي : عادي حبيبتي حقك كم سنة محرومات من بعض ,
وغفران هذي اخر العتقود شكلها عمرها 15 سنة بيضا ونقشها علي كبير واعيونها عسليات زي بوها عاد ,, خذت نقشه بس لكن البشرة حنها ام بوها بتقولن كيف عااد هضا اللي صاير عادي راه ,,😅
المهم غفران قربت من امها وحضنتها من كتوفها وقالت : راهو بديت انغار ايوااا ونا ماعتديش روح مع احضان ماما ,😁
طبعا بدو العيلة بيغيرو جو مناجي ووسام قال لمناجي : هيا ووجا وقفي اغسلي وجك لان الحكاية حاست راه 😅
مناجي مافهمتش عليه وامها ضحكت وقالت : ااحمدالله اللي طقيت فيها يوم سبوعها قبل نبي نحضر فرحها لكن عادي المهم شفتها واتهبببل بنيتي ماعندك ماتقول فيها ,
مناجي وقفت هي وتمها وطبعا الخلخال دبرها وهي ترهدنت من اللبسة العربيه وقالت : نبي نغير ادبشي ونبي امي 😢
رحمة : اهي قاعده هي وهياتك وبيباتو عندي وحتشوفيهم نين تشبعي منهم ,
مناجي : لالا مرات يسافرو نبي تتبات مع امي 😢
وسام كان مصبي بعيد وعلي قد ماوجعاته مش قادر يحمل تبات بعيد عنه وغمتله والجده مناجي جت بتنزل وشافتها ساره مشت ناحيتها ,
سارة : عمتي مناجي !!
الجدة وقفت والتفتت وكانت تررجف ,سارة اذكرت القهر اللي شافاته عند الجدة وطب ضرتها فيها ,وقالت للجده : انا مسامحتك بدون ماتطلبي , لان ربي رايدلي اني ناخذ ولدك وبعدها انفارق وتاخذو مني بنتي ,, بس مش مسامحة مبسوطه لانها هي اللي سببت في شقاي ,
الجدة بصوت واهن : سامحيني ياساره نا ماكنتش نبي حفيدتي تعيش بعيد عني ,والحمدالله اللي لم شملك عليها علي خير ,
ونزلت العزوز علي مهلها ومعاها رحاب اتساعد فيها كان هضا اتجي عرم مايغباكن 😁 المهم مناجي سلمت علي خواتها وباركلها علي الزواج وفرحااانات بيها ووسام خش لدار النوم عشان ايغير وبيطلع لحقاته مناجي ,
مناجي : حبيبي اسفة لو نكدت عليك ,, بس بصراحة موقف ماكنش لا عالبال ولا عالخاطر ,
وسام قرب منها وحضنها وهمسلها : بالعكس حبي نا فرحان عشانك ,, وادا تبي اتباتي معاها خوذي راحتك معاها ونا حنبات مع الشباب في المزرعه ,
مناجي : لا مانبيش انضايقك وبعدين الناس شنو ايقول عريس وسيب عروسته من ثاني يوم ?
وسام باس جبينها وقال : شوفي رايك وقوليلي اصلا الشباب دايريلي جو سلطان وشعراء مانحكيلك ,
مناجي : عندك فيه جو الشعر انت ?
وسام : اهو شويه بس نحب نسمعه اكثر شي ,
وقرب منها وحضنها بقوة.وهمسلها : انحبك غزالتي ,, يااحلى نوجا في عمري ,😘
وباسها وهي انخرجت وتغزل بيها شويه وطلع نزل لصحابه وعمتكن مناجي الضحكة من وذن لوذن وجت بتطلع وتخطم علي مرايا الدولاب وتصكها عيطة جابت اللي في الصاله يجارن جوا في دارها ,
رحمة : كنك يابنتي شن فيك ? 😨
سارة : خيرك شن فيك ? 😨
مناجي وهي اتجعر : عاااااا يمذب عليا ويقولي غزاله ونا اتقول وجه الجوكر 😭
خواتها انفلقن ضحك عليها وامها تنهدت براحة وقالتلها : يابنتي فجعتيني حرام عليك ,😩
طبعا امها مخلطتها شرقاوي علي كلام الجنوب ,
المهم ساعدنها اتغير دبشها ولبست بيجاما ورديه قماش حلوة وغسلت وجهها مة الفجايع طبعا مكاجها من البكا ساح 😂 والوجه قعد وجه عدوكن ,, وطبعا في الاول ددت تمسح بالفازلين ومناديل ورق عشان اتزيل المكاج بطريقة اسرع وانظف ,, جربنها مليشيا. ,😁 المهم طلعت اتهدرز مع امها وخواتها وحكلها علي خوتها وعرفت ان مسرة الكبيرة وبعدها امحمد 19 سنة وبعدها عبدالله 18 سنة وبعدها غفران 16 سنة وراجل امها اسمه منير. راجل حنون وطيب وياما حاول يخلي خليل يعطيهم مناجي اتربيها امها ويتكفل بيها لكن رفضو والشي هضا اثر علي سارة بشكل كبير خصوصا انها تجوزت منير بالغصب من خوها بعد اطلقت من خليل لكن من حظها طلع راجل كويس ويخاف ربي وساعدها اتخطى صدمة موت بنتها علي حسب ماقالولها ,, وغزلان بعد روحو ضيوفها ركبت لشقة ولدها وحكتلها رحمة بكل شي ورحبت بساره ونزلت جابت عشا فوق للعروس وامها وخواتها عااد ,, الا ااحدة بعد ركبت اتفادع نزلت طووول بعد شافت سارة وقعدت تبكي وطلبت من هديل اتروح بيها لحوشها وفعلا روحت هي وياها وخشت لدارها تبكي وقعدت في دارها تذكر كيف كانت قاسيه علي مناجي ,,وكيف حرمتها من حضن امها ,, المهم.تعشت مناجي مع امها وخواتها وعمتها ورحاب وضحك وجو كانت فاقدته وهي لاصقه في امها سارة واتبوس في يدها وسارة فرحانه بيها ,, وطبعا مانستش الغندور عاد عقبتله عشاه ,😁
رواية مناجي والنصيب لهميلو ,, اتذمر فيكن بس بلاش عيلط 😁
وروحت سارة وبناتها مع رحمة اللي حلفتلها تبات عندها ,, وراجل سارة وعيالها حلفلهم قيس ايباتو في مربوعه عيت جده وقام بواجبهم من عشا وحلو وفاكهه وفرشلهم وجابلهم غطاوات ,, وعمتكن بسمة ترن علي راجلها اللي فاااااتها رسمي ,, وقاعده تحرق في دار مناجي القديمة ,,
وعند مناجي راجت وسام طول وبدون ماتفطن رقدت عالصالون الانتريه في الصاله والتي في والع وعقاب الليل قدر وسام يعفس من جناعته اللي قبل داروله عراسه ومرطوه طريحه 😁 واول ماخش لاحظ الصاله ضيها والع والتي في والع ومناجي راقدة زي الجنين وشكلها جننه ببرائتها وعلي طبيعتها وقرب منها ايتأمل في ملامحها وباس خدها .هو يشم في ريحتها وشالها بين ايديه وخش بيها لدار النوم وحطها عالسرير وغطاها وغير دبشه بتوتا بيج رجاليه اتهبل وتعطرلها المنجوه 😁 ورقد جنبها وكانت مقابلته وقعد اينابشه فيها شي هي ولااا حست بيه بطلانه العطيبه وصدمات ومفاجاءات ويسد العربي اللي يرهدن ,, المهم خذاها في حضنها وباس راسها وغمض اعيونه ورقد ,,😍 اخخخ سناقل سامحني مشاعير وهكي الله غالب 😁 المهم ثاني يوم سارة بتروح شدو فيهم عيت مفتاح حلفان ودارولهم عزومة كبيرة وهضا القدر والكرم ,, وباتو يون وثاني يوم روحو للجنوب وطبعا سارة ياما صار فيها تبكي ومناجي حتى هي بس وعدتها اتجيها زيارة ومش حينقطعن علي بعضهن ,,
وبسمة جاها راجلها بعد ثلاث ايام من سفرته وعلي اساس بيروح بيها وقعدت عركه هي وياه ودارت جو كرامة وتعارك وهو طبعه مايحكيش واجد وطلع وسيبها تخرط وهي انصدمت من حركته وبعد طلعت كان راكب في سيارته ولعها ومشا وخشت بسمة تحرق واتعارك ,,
الجدة : كنك يابنت حسك عالي شن فيك ?
بسمة بعصبيه : ماافيااا شي مادخلكش فيا انعلي حسي ولا انطربق ,
وخشت للدار وسكرت الباب بقوة قبل جاباته في يدها ,, والجدة خشت لدارها وهي زعلانة من بنتها ومعتملتها لها وقمعزت عالسرير وقالت : انعنك تاخذي سو مناجي بنت ساره اللي علي قلة حن وقيمة ماتحمل فيا حاجة وتخدم فيا اتقوووليش مش بنتي تخدم فيا وتنفخ في وجي ,😔
غشم مناحي هضا ولا شنو رايكن ? Hamelo ,,
ونفس الشي مناجي , ويوم اللي قررت فيه متاجي اتزور وكان غداء بديره لها عمتها رحمة رز بالتقليه ومحشي ومسير وسلطات ومبطن وسيخ 😋 ينعلي سهفت روحي قبلكن ,ماعلينا ,, جت مناجي وعمتها وجابهن وسام ونزلن من السيارة وخشن للحوش ووسام نزل القاتو والحلو والمشاريب وكان خبر مانحكيلكن عليه ,, وسلمت مناجي عالمل طبعا صبايا عمامها وعماتها الاثنين ورحاب وهديل وحنها وقمعزت جنب حنها عالسرير وقالتلها : حني كنك اتحسي في شي ?
حنها : لا مافيا شي ,, اكويسه الحمدالله ,
مناجي: شكلك مش عاجبني وجك اصفر واعيونك متورمات ,,
الجدة : لا مغير تهايالك نا مفيا شي اطمني ,
وفي سرها قالت (ااااه يابنيت ولدي تاريتك حنونه وتخافي عليا ونا اللي قسيت عليك وماعمري فرحتك حتي بمبلينه كيف البنات اااه يارب يسامحني ) ,,
وجا وقت حط الغدا وحطن للرجالة ربيعتين والصبليا ربيعتين وفرات نظراته بيطرن مناجي الا فداء عسل مع مناجي وباقي العيلة ,, وخشت في اللحظة هذي مبسوطه ومعاها بنتها ,
مبسوطه : انشالله ماطولتش عليكن ?
رحمة : لا دوبنه حطينا خشي ,
وسلمت عالكل وقمعزت مع الصبايا وبنتها مع البنات وتغدو الجميع وشالن البنات الصفر ومناجي جت بتخش معاهن لزنها رحاب وهديل وخشت تضحك لدار الصبايا ,وبسمة تشوف لمناجي بغل وحقد سبحان الله ماتقول عمتها اخت باتها ,, نفسيه ياناري , المهم مبسوطه جت بتصبي اتجيب الشاهي ,
مبسوطه : ياع نمشي انجيب الشاهي ,
الجدة : لالا مافيش داعي ياحنه ,ساع اتجيبه رحمة وهي جايه خلاص الماعين يغسلن فيهن الشبابات ومافي حاجة تندار 😒
مبسوطه : وشن فيها كان جبته نا ياعمتي ? بنساعد بس 😒
الجدة : لا مافيها شي ,لكن كان تبي اتساعدي راهو جيتي من الصبح ساعدتي رحمة 😒
وانجمطت عمتكن مبسوطه وغمتلها ومناجي بعد خشت جت تقمعيزتها بين عمتها غزلان ومبسوطه مرت باتها ,, وفكرو مبسرطه بشي وخذت طاسة الميه وصبت من الكاس وطلعت من كمها كاغط مثني فيه شي وصباته في الطاسه وقعدت ماسكتها وياشرينتي شربت منها وجت بنتها قمعزت مقابلة مناجي وفي لحظة مناجي شرقت بروحها وقعدت اتكح اتمدلها مبسوطه ....
شن مدتلها وشن بيصير توقعاتكن مليشيا 😘
#Hamelo ✒
